ରାଜଧାନୀରେ କମେଡିଆନ ମୁନୱର ଫାରୁକିଙ୍କ ଶୋ’କୁ ନା

ବେଙ୍ଗାଲୁରୁ ପରି ରାଜଧାନୀ ଦିଲ୍ଲୀରେ କମେଡିଆନ ମୁନୱର ଫାରୁକିଙ୍କ ଶୋ'କୁ ମିଳିଲା ନାହିଁ ଅନୁମତି । ସାମ୍ପ୍ରଦାୟିକ ସଦ୍ଭାବନା ବିଗିଡ଼ିବ ବୋଲି କହି ଅନୁମତି ଦେଲାନି ପୋଲିସ। ଏଥିରେ ପୁଣିଥରେ ନିରାଶ ହୋଇଛନ୍ତି ଷ୍ଟାଣ୍ଡଅପ୍ କମେଡିଆନ ମୁନୱର ଫାରୁକି।

Published: Saturday, August 27, 2022, 16:35 [IST]

ନୂଆଦିଲ୍ଲୀ: ବେଙ୍ଗାଲୁରୁ ପରି ରାଜଧାନୀ ଦିଲ୍ଲୀରେ କମେଡିଆନ ମୁନୱର ଫାରୁକିଙ୍କ ଶୋ'କୁ ମିଳିଲା ନାହିଁ ଅନୁମତି । ସାମ୍ପ୍ରଦାୟିକ ସଦ୍ଭାବନା ବିଗିଡ଼ିବ ବୋଲି କହି ଅନୁମତି ଦେଲାନି ପୋଲିସ। ଏଥିରେ ପୁଣିଥରେ ନିରାଶ ହୋଇଛନ୍ତି ଷ୍ଟାଣ୍ଡଅପ୍ କମେଡିଆନ ମୁନୱର ଫାରୁକି।

ଦିଲ୍ଲୀର ଏକ ଘରୋଇ ସଂସ୍ଥା ଏହି ଶୋ'ର ଆୟୋଜନ କରିଥିଲା। କେଦାରନାଥ ଶାହାଣୀ ଅଡିଟୋରିୟମର ଡ. ଏସ୍ପିଏମ୍ ସିବିକ୍ସ ସେଣ୍ଟରରେ ପୂର୍ବାହ୍ନ 2ଟାରୁ ରାତି 9.30 ପର୍ଯ୍ୟନ୍ତ ଏହି ଶୋ ଚାଲିଥାନ୍ତା। କିନ୍ତୁ ଆଜି ଦିଲ୍ଲୀ ପୋଲିସ ସାମ୍ପ୍ରଦାୟିକ ସଦଭାବନା ବିଗିଡ଼ିବା କହି ଶୋ କରିବାକୁ କ୍ଲିୟରାନ୍ସ ଦେବାକୁ ମନା କରିବା ପରେ ବାଧ୍ୟ ହୋଇ ଆୟୋଜକ ଶୋ ବନ୍ଦ କରିଛନ୍ତି। ଏହା ପୂର୍ବରୁ ବେଙ୍ଗାଲୁରୁରେ ଫାରୁକିଙ୍କ ଶୋ ରଦ୍ଦ ହୋଇଥିଲା।

ଚଳିତ ବର୍ଷ ଜାନୁଆରୀ 1 ତାରିଖରେ ମୁନୱର ଫାରୁକିଙ୍କ ତାଙ୍କର ଏକ ଶୋରେ ଦେଇଥିବା ବିବାଦୀୟ ବୟାନକୁ ନେଇ ତାଙ୍କୁ ଗିରଫ କରିଥିଲା ମଧ୍ୟପ୍ରଦେଶ ପୁଲିସ। ଶୋରେ ଫାରୁକି ହିନ୍ଦୁ ଦେବାଦେବୀ ଓ କେନ୍ଦ୍ର ଗୃହମନ୍ତ୍ରୀଙ୍କ ବିରୋଧରେ ବିବାଦୀୟ ମନ୍ତବ୍ୟ ଦେଇଥିଲେ ବୋଲି ବିଜେପି ବିଧାୟକ ମାଳିନୀ ସିଂହଙ୍କ ଗୌଡ଼ଙ୍କ ପୁଅ ଏକଲଭ୍ୟ ସିଂହ ଗୌଡ଼ ଅଭିଯୋଗ କରିଥିଲେ।

Published On August 27, 2022