'ଦ କାଶ୍ମୀର ଫାଇଲ୍ସ'କୁ ନେଇ ଏମିତି ମନ୍ତବ୍ୟ ଦେଲେ ପ୍ରଧାନମନ୍ତ୍ରୀ ମୋଦୀ

ଏହି ଚଳଚ୍ଚିତ୍ରକୁ ଅନେକ ରାଜ୍ୟରେ ଟିକସମୁକ୍ତ କରାଯାଇଥିବାବେଳେ ବର୍ତ୍ତମାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି ଚଳଚ୍ଚିତ୍ର ଉପରେ ପ୍ରତିକ୍ରିୟା ରଖିଛନ୍ତି।

Published: Tuesday, March 15, 2022, 14:46 [IST]

ନୂଆଦିଲ୍ଲୀ: ବିବେକ ଅଗ୍ନିହୋତ୍ରୀଙ୍କ ନିର୍ଦ୍ଦେଶିତ 'ଦ କାଶ୍ମୀର ଫାଇଲ୍ସ' ଚଳଚ୍ଚିତ୍ରକୁ ନେଇ ସବୁଆଡେ ଆଲୋଚନା ହେଉଛି। ଏହି ଚଳଚ୍ଚିତ୍ର କାଶ୍ମୀରୀ ପଣ୍ଡିତମାନଙ୍କ ସହ ବର୍ଷ ବର୍ଷ ଧରି ଘଟିଥିବା ହତ୍ୟାକାଣ୍ଡର ସତ୍ୟତାକୁ ଜନସାଧାରଣଙ୍କ ନିକଟରେ ପହଞ୍ଚାଇଛି। ଏହି ଚଳଚ୍ଚିତ୍ରକୁ ଅନେକ ରାଜ୍ୟରେ ଟିକସମୁକ୍ତ କରାଯାଇଥିବାବେଳେ ବର୍ତ୍ତମାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି ଚଳଚ୍ଚିତ୍ର ଉପରେ ପ୍ରତିକ୍ରିୟା ରଖିଛନ୍ତି।

ଇତିହାସ ଉପସ୍ଥାପନ କରିବାରେ ଚଳଚ୍ଚିତ୍ର ଇଣ୍ଡଷ୍ଟ୍ରିର ଭୂମିକା ବିଷୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିଜେପି ସଂସଦୀୟ ଦଳ ବୈଠକରେ 'କାଶ୍ମୀର ଫାଇଲ'କୁ ମଧ୍ୟ ଉଲ୍ଲେଖ କରିଛନ୍ତି। ସେ କହିଛନ୍ତି ଯେ, ଯେଉଁମାନେ ସର୍ବଦା ଅଭିବ୍ୟକ୍ତିର ସ୍ୱାଧୀନତାର ପତାକା ଉତ୍ତୋଳନ କରନ୍ତି ସେମାନେ ଅଶାନ୍ତ ଅଟନ୍ତି। ତଥ୍ୟର ସମୀକ୍ଷା କରିବା ପରିବର୍ତ୍ତେ, ତାଙ୍କୁ ବଦନାମ କରିବା ପାଇଁ ଏକ ଅଭିଯାନ ଚାଲିଛି ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଙ୍ଗଳବାର ଦିନ ବିଜେପି ସଂସଦୀୟ ବୈଠକରେ ଯୋଗ ଦେଇଥିବା ସମସ୍ତଙ୍କୁ ନୂତନ ଭାବେ ମୁକ୍ତିଲାଭ କରିଥିବା ଚଳଚ୍ଚିତ୍ର 'ଦ କାଶ୍ମୀର ଫାଇଲ୍ସ' ଦେଖିବା ପାଇଁ କହିଛନ୍ତି। ସେ କହିଛନ୍ତି ଯେ, ଏହା ଏକ ବହୁତ ଭଲ ଚଳଚ୍ଚିତ୍ର ଏବଂ ଏହିପରି ଅଧିକ ଚଳଚ୍ଚିତ୍ର ନିର୍ମାଣ କରାଯିବା ଉଚିତ୍ । ବିବେକ ଅଗ୍ନିହୋତ୍ରୀଙ୍କ ନିର୍ଦ୍ଦେଶିତ 'ଦ କାଶ୍ମୀର ଫାଇଲ୍ସ' ମାର୍ଚ୍ଚ 11 ରେ ମୁକ୍ତିଲାଭ କରିଥିଲା।
1990 ଦଶକରେ କାଶ୍ମୀରୀ ହିନ୍ଦୁମାନଙ୍କ ଉପତ୍ୟକାରୁ ବାହାରିବା ଉପରେ ଏହି ଚଳଚ୍ଚିତ୍ରଟି ନିର୍ମିତ। ନିର୍ଦ୍ଦେଶକ ବିବେକ ରଞ୍ଜନ ଅଗ୍ନିହୋତ୍ରୀ, ତାଙ୍କ ପତ୍ନୀ ଏବଂ ଅଭିନେତ୍ରୀ ପଲ୍ଲବୀ ଯୋଶୀ ଏବଂ ଚଳଚ୍ଚିତ୍ରର ନିର୍ମାତା ଅଭିଷେକଙ୍କ ସମେତ ଫିଲ୍ମର ଟିମ୍ ମାର୍ଚ୍ଚ 12 ତାରିଖ ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିଥିଲେ।
ପ୍ରଧାନମନ୍ତ୍ରୀ ତାଙ୍କୁ ଅଭିନନ୍ଦନ ଜଣାଇ ଫିଲ୍ମକୁ ପ୍ରଶଂସା କରିଥିଲେ। ମଙ୍ଗଳବାର ଦିନ ବିଜେପି ସଂସଦୀୟ ଦଳର ବୈଠକରେ ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, ଦଳରେ ରାଜବଂଶ ରାଜନୀତିକୁ ଅନୁମତି ଦିଆଯିବ ନାହିଁ। ଦଳରେ ପାରିବାରିକ ରାଜନୀତିକୁ ଅନୁମତି ଦିଆଯିବ ନାହିଁ ।

Published On March 15, 2022