ଶାହାରୁଖ-ଦୀପିକା କରୁଛନ୍ତି ସବୁ ଲିମିଟ୍ କ୍ରସ୍ ! Boycottର ପଡୁନାହିଁ ପ୍ରଭାବ

ମୁମ୍ବାଇ: ବାଦ ବିବାଦ ମଧ୍ୟରେ ରିଲିଜ୍ ହେଲା 'ପଠାନ୍'ର ଆଉ ଏକ ଗୀତର ପ୍ରଥମ ଲୁକ୍ । ଲଗାତର ଟ୍ରୋଲ୍ , ବୟକଟର ପଡୁ ନାହିଁ ମେକର୍ସଙ୍କ ଉପରେ କୌଣସି ପ୍ରଭାବ । ପୁଣି ଦେଖିବା ପାଇଁ ମିଳିଲା ଶାହାରୁଖ-ଦୀପିକାଙ୍କ ହଟ୍ ଫଟୋର ଝଲକ । ସୋଶାଲ ମିଡିଆରେ କଲା ଟ୍ରେଣ୍ତ୍ । ତେବେ ଏହି ଫଟୋ ଦର୍ଶକଙ୍କୁ ଇମପ୍ରେସ୍ କରିବ ନାଁ ପୁଣି ବିବାଦ ବଢିବ ତାହା ତ ଆଗାମୀ ଦିନରେ ସ୍ପଷ୍ଟ ହୋଇଯିବ । ହେଲେ ବର୍ତ୍ତମାନର ସ୍ଥିତି ଅନୁସାରେ, ବଲିଉଡର ମସ୍ତାନି ଏବଂ କିଙ୍ଗ୍ ଖାନଙ୍କ ଏହି ଫୋଟ୍ ଦର୍ଶକଙ୍କୁ ମତୁଆଲ କରୁଛି ।

'ବଲିଉଡର ବାଦଶାହ' ଶାହରୁଖ ଖାନଙ୍କ ଚଳଚ୍ଚିତ୍ର ପଠାନର 'ବେଶରମ ରଙ୍ଗ' ଗୀତକୁ ନେଇ ବିବାଦ ଲାଗି ରହିଛି। ଏହା ସହିତ ଫିଲ୍ମର ଷ୍ଟାର କାଷ୍ଟ ଶାହରୁଖ ଏବଂ ଦୀପିକା ପାଦୁକୋଣଙ୍କ ବିରୋଧରେ ଅନେକ ସହରରେ ମାମଲା ମଧ୍ୟ ରୁଜୁ କରାଯାଇଛି । ଏହାରି ମଧ୍ୟରେ ଏହି ଚଳଚ୍ଚିତ୍ରର ଦ୍ୱିତୀୟ ଗୀତ 'Jhoome Jo'ର ପ୍ରଥମ ଲୁକ୍ ରିଲିଜ୍ ହୋଇ ଯାଇଛି । ଗୀତର ପ୍ରଥମ ଲୁକ୍ ପୋଷ୍ଟରରେ ଶାହାରୁଖ ଖାନ ଏବଂ ଦୀପିକା ପାଦୁକୋଣଙ୍କ ଯୋଡି ବେଶ୍ ପ୍ରଶଂସା ସାଉଁଟୁଛି ।

ଶାହାରୁଖ-ଦୀପିକାଙ୍କ ସୁନ୍ଦର କେମେଷ୍ଟ୍ରି
'Jhoome Jo'ର ପ୍ରଥମ ଲୁକରେ ଶାହାରୁଖ ଖାନ ଧଳା ସର୍ଟ ପିନ୍ଧି ବେଶ୍ ଅଟ୍ରାକ୍ଟିଭ୍ ଲାଗୁଥିବା ବେଳେ ଦୀପିକା ପାଦୁକୋଣଙ୍କ ବ୍ରାଉନ ଆଉଟଫିଟ୍ ସାଙ୍ଗକୁ ହଳଦିଆ ରଙ୍ଗର ଭିଣ୍ଟେଜ୍ କାର ଉଭୟଙ୍କ ଲୁକରେ ଚାର ଚାନ୍ଦ ଲଗାଉଛି । ଏହି ଗୀତ ୨୨ ଡିସେମ୍ବରରେ ମୁକ୍ତିଲାଭ କରିବାକୁ ଯାଉଛି । ନିକଟରେ ହୋଇଥିବା #AskSRK ଅଧିବେଶନରେ କିଙ୍ଗ୍ ଖାନ ସୂଚନା ଦେଇଥିଲେ ଯେ, 'ପଠାନ'ର ଦ୍ୱିତୀୟ ଗୀତ ଗାୟକ ଅରିଜିତ ସିଂଙ୍କ ଶ୍ୱରରେ ଶୁଣିବା ପାଇଁ ମିଳିବ ।

ଅତୀତରେ, 'ପଠାନ'ର ପ୍ରଥମ ଗୀତ 'ବେଶରମ ରଙ୍ଗ'ରେ ଶାହାରୁଖ ଏବଂ ଦୀପିକାଙ୍କ ରୋମାନ୍ସ ଚହଳ ସୃଷ୍ଟି କରିଥିଲା । ଅନେକ ବାଦ-ବିବାଦ ଏପରିକି ଲଗାତାର ଟ୍ରୋଲର ଶିକାର ହୋଇଥିଲା ଏହି ଫିଲ୍ମ । ଅନେକ ନେତା ଏହାକୁ ବିରୋଧ କରିବା ସହ ମେକର୍ସଙ୍କୁ ଫିଲ୍ମର କିଛି ଦୃଶ୍ୟକୁ ପରିବର୍ତ୍ତନ କରିବାକୁ ଦାବି କରିଥିଲେ। ତେବେ ଏହି ବୟକେଟ୍ ଖାତିର ନ କରି କିଙ୍ଗ ଖାନ ଫିଲ୍ମକୁ 'ଫିଫା ବିଶ୍ୱକପ ୨୦୨୨'ରେ ମଧ୍ୟ ପ୍ରମୋଟ୍ କରିସାରିଛନ୍ତି ।

English summary

Pathaan second song 'Jhoome jo' first look out