ମୁସଲିମ୍-ହିନ୍ଦୁ ଉଭୟ ବିରୋଧ କରୁଛନ୍ତି, ସମସ୍ତେ ଭୁଲ୍ ହୋଇ ପାରିବେ ନାହିଁ, 'ପଠାନ'କୁ ନେଇ ଏପରି ମନ୍ତବ୍ୟ ଦେଲେ ଏହି ଅଭିନେତା

ମୁମ୍ବାଇ: ଶାହରୁଖ ଖାନଙ୍କ ଆଗାମୀ ଚଳଚ୍ଚିତ୍ର ପଠାନକୁ ନେଇ ବିବାଦ ଦିନକୁ ଦିନ ବଢିବାରେ ଲାଗିଛି । ସିନେମାର ଗୀତ 'ବେଶରମ ରଙ୍ଗ'ରେ ଦୀପିକା ପାଦୁକୋଣ ଏକ ଗେରୁଆ ରଙ୍ଗର ବିକିନି ପିନ୍ଧି ଡ୍ୟାନ୍ସ ଓ ରୋମାନ୍ସ କରୁଥିବା ଦେଖିବା ପାଇଁ ମିଳୁଛି । ଯାହାକୁ ନେଇ ହିନ୍ଦୁ ସଂଗଠନ ବିରୋଧ କରିବା ଆରମ୍ଭ କରିଛି । ସୋଶାଲ ମିଡିଆରେ 'ପଠାନ'କୁ ବୟକଟ୍ କରିବା ପାଇଁ ଏବଂ ବ୍ୟାନ୍ କରିବା ପାଇଁ ଲଗାତାର ଦାବି କରାଯାଉଛି ।

ବର୍ତ୍ତମାନ ଏହି ବିବାଦକୁ ନେଇ ମୁହଁ ଖୋଲିଛନ୍ତି ବଲିଉଡ ଅଭିନେତା କମଲ ରସିଦ ଖାନ । KRK କହିଛନ୍ତି ଯେ, ଲୋକମାନେ 'ପଠାନ' ନାମକୁ ବିରୋଧ କରୁଛନ୍ତି । ଏଭଳି ପରିସ୍ଥିତିରେ ୟଶ ରାଜ ଫିଲ୍ମସ ପାଖରେ ଏବେ ବି ସମୟ ଅଛି ସେମାନେ 'ପଠାନ' ଫିଲ୍ମର ନାଁ ପରିବର୍ତ୍ତନ କରି ପାରିବେ । ସେ ଏହା ମଧ୍ୟ କହିଛନ୍ତି ଯେ, ମୁସଲିମ୍ ଲିଡର୍ସ ମାନେ ମଧ୍ୟ ପଠାନକୁ ବୟକଟ୍ କରିବା ପାଇଁ ଡିମାଣ୍ତ କରୁଛନ୍ତି ।

KRK' ଟ୍ୱିଟ୍ କରି ଲେଖିଛନ୍ତି, 'ମୁସଲିମ୍ ଲିଡର୍ସମାନେ କହିଛନ୍ତି ଯେ, ସେମାନେ ଲୋକମାନଙ୍କୁ ଫିଲ୍ମ 'ପଠାନ'କୁ ବ୍ୟାନ କରିବା ପାଇଁ କହିବେ । ହିନ୍ଦୁ ନେତାମାନେ ମଧ୍ୟ 'ପଠାନ'କୁ ବ୍ୟାନ୍ କରିବା ପାଇଁ ଡିମାଣ୍ତ କରୁଛନ୍ତି । ଏହାର ଅର୍ଥ 'ପଠାନ' ନାଁରେ ହିଁ ଭୁଲ୍ ଅଛି । କାରଣ ସବୁ ଲୋକ ଏକା ସହିତ ଭୁଲ୍ କହିପାରିବେ ନାହିଁ ।

ଫିଲ୍ମ 'ପଠାନ'କୁ ନେଇ ଶାହରୁଖ ଖାନ ଗୁରୁବାର କୋଲକାତା ଚଳଚ୍ଚିତ୍ର ମହୋତ୍ସବରେ ନିଜର ପ୍ରତିକ୍ରିୟା ଦେଇ କହିଛନ୍ତି ଯେ, କିଛି ଲୋକ ସୋଶାଲ ମିଡିଆରେ ନାକାରାତ୍ମକତା ପ୍ରଚାର କରୁଛନ୍ତି । ସେ କହିଛନ୍ତି, 'ବିଶ୍ୱ ସ୍ୱାଭାବିକ ହେଲାଣି । ଆମେ ସମସ୍ତେ ଖୁସି । ମୁଁ ସବୁଠାରୁ ଅଧିକ ଖୁସି ଏବଂ ଏହା କହିବାରେ ମୋର କୌଣସି ଆପତ୍ତି ନାହିଁ ଯେ, ଦୁନିଆ କିଛି କରୁ, ହେଲେ ମୁଁ, ଆପଣ ଏବଂ ସମସ୍ତ ସକରାତ୍ମକ ଲୋକ ଏବେ ବି ଜୀବିତ ଅଛନ୍ତି ।

ହିନ୍ଦୀ ବ୍ୟତିତ ଶାହରୁଖ ଖାନଙ୍କ 'ପଠାନ' ତାମିଲ ଏବଂ ତେଲୁଗୁ ଭାଷାରେ ମଧ୍ୟ ମୁକ୍ତିଲାଭ କରିବ। ଏହି ଚଳଚ୍ଚିତ୍ରଟି ଜାନୁଆରୀ 25, 2023 ରେ ପ୍ରେକ୍ଷାଳୟକୁ ଆସିବ । ଏହି ଚଳଚ୍ଚିତ୍ରରେ ଶାହରୁଖ ଖାନ ଏବଂ ଦୀପିକା ପାଦୁକୋନଙ୍କ ବ୍ୟତୀତ ଜନ୍ ଅବ୍ରହାମ ମଧ୍ୟ ନଜର ଆସିବେ । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ସିଦ୍ଧାର୍ଥ ଆନନ୍ଦ।

English summary

Pathaan Controversy:KRK Reaction On Pathaan Controversy