ସଲମାନଙ୍କୁ ଯାଞ୍ଚ କରିଥିବା ଓଡିଆ ଯବାନ ସୋମନାଥଙ୍କ ମୋବାଇଲ ଜବତ
ସିଆଇଏସ୍ଏଫ୍ ଯବାନ ସୋମନାଥ ମହାନ୍ତି ପ୍ରୋଟୋକଲ୍ ଉଲ୍ଲଂଘନ କରିଥିବା ଅଭିଯୋଗ ହୋଇଛି ଏବଂ ଅଧିକାରୀଙ୍କ ଦ୍ୱାରା ତାଙ୍କ ମୋବାଇଲ୍ ଜବତ କରାଯାଇଛି। ଘଟଣା ସଂପର୍କରେ ସଂପୃକ୍ତ ଆଞ୍ଚଳିକ ଗଣମାଧ୍ୟମକୁ ଦେଇଥିବା ପ୍ରତିକ୍ରିୟା ତାଙ୍କ ପାଇଁ ସମସ୍ୟା ସୃଷ୍ଟି କରିଛି।
ଭୁବନେଶ୍ୱର: କିଛି ଦିନ ତଳେ ରାତାରାତି ଚର୍ଚ୍ଚାକୁ ଆସିଥିଲେ ନୟାଗଡର ସିଆଇଏସ୍ଏଫ୍ ଯବାନ ସୋମନାଥ ମହାନ୍ତି । ମୁମ୍ବାଇ ବିମାନବନ୍ଦରରେ ସଲମାନ ଖାନଙ୍କୁ ଅଟକାଇ ବେସ୍ ଚର୍ଚ୍ଚା ସାଉଣ୍ଟିଥିଲେ ସୋମନାଥ । ମାତ୍ର ଏବେ ଏହି ଚର୍ଚ୍ଚା ତାଙ୍କୁ ଅଡୁଆରେ ପକାଇ ଦେଇଛି ।
ସିଆଇଏସ୍ଏଫ୍ ଯବାନ ସୋମନାଥ ମହାନ୍ତି ପ୍ରୋଟୋକଲ୍ ଉଲ୍ଲଂଘନ କରିଥିବା ଅଭିଯୋଗ ହୋଇଛି ଏବଂ ଅଧିକାରୀଙ୍କ ଦ୍ୱାରା ତାଙ୍କ ମୋବାଇଲ୍ ଜବତ କରାଯାଇଛି। ଘଟଣା ସଂପର୍କରେ ସଂପୃକ୍ତ ଆଞ୍ଚଳିକ ଗଣମାଧ୍ୟମକୁ ଦେଇଥିବା ପ୍ରତିକ୍ରିୟା ତାଙ୍କ ପାଇଁ ସମସ୍ୟା ସୃଷ୍ଟି କରିଛି। ତେଣୁ ଆଗାମୀ ଦିନରେ ଗଣମାଧ୍ୟମ ସହିତ ଅଧିକ କଥାବାର୍ତ୍ତା ନକରିବାକୁ ମଧ୍ୟ ତାଙ୍କୁ ଚେତାବନୀ ଦିଆଯାଇଛି।
ସୂଚନାଯୋଗ୍ୟ, ସିଆଇଏସ୍ଏଫ୍ ଯବାନ ସୋମନାଥ ମହାନ୍ତି ସଲମାନ ଖାନଙ୍କୁ ମୁମ୍ବାଇ ବିମାନବନ୍ଦରରେ ଯାଞ୍ଚ ପାଇଁ ଅଟକାଇଥିଲେ ଯେତେବେଳେ ସଲମାନ ତାଙ୍କ ନୂଆ ଚଳଚ୍ଚିତ୍ର 'ଟାଇଗର ୩ ' ର ସୁଟିଂ ପାଇଁ ରୁଷିଆ ଯାଉଥିଲେ। କେବଳ ସେତିକି ନୁହେଁ, ସଲମାନଙ୍କୁ ଯାଞ୍ଚରେ ସହଯୋଗ କରିବାକୁ କହିଥିଲେ ସୋମନାଥ । ସଲମାନ ଖାନ ମଧ୍ୟ ମୁହଁରୁ ମାସ୍କ ଖୋଲି ଯାଞ୍ଚରେ ସହଯୋଗ କରିଥିଲେ। ଯାଞ୍ଚ ସରିବା ପରେ ବିମାନ ବନ୍ଦର ଭିତରକୁ ପ୍ରବେଶ କରିଥିଲେ ସଲମାନ ଖାନ୍ ଓ ତାଙ୍କ ପୂରା ଟିମ୍।
ଏହି ଘଟଣା ପରେ ସିଆଇଏସ୍ଏଫ୍ ଯବାନ ସୋମନାଥ ମହାନ୍ତି ଓଡିଶାର ଏକ ଗଣମାଧ୍ୟମରେ ପ୍ରତିକ୍ରିୟା ଦେଇଥିଲେ, ପରେ ତାଙ୍କୁ ପ୍ରୋଟୋକଲ୍ ଉଲ୍ଲଂଘନ କରାଯାଇଥିବା ଅଭିଯୋଗ କରାଯାଇଥିଲା ଏବଂ ସଂପୃକ୍ତ ବିଭାଗ ତାଙ୍କ ମୋବାଇଲ୍ ଜବତ କରିଛି।
ଅନ୍ୟପଟେ ସିଆଇଏସ୍ଏଫ୍ ଯବାନ ସୋମନାଥ ମହାନ୍ତିଙ୍କ ଏପରି କାର୍ଯ୍ୟଶୈଳୀକୁ ଖୁବ୍ ପ୍ରଶଂସା କରାଯାଇଥିବା ବେଳେ, ଏହାର ଭିଡିଓ ସୋଶାଲ ମିଡିଆରେ ବେଶ୍ ଭାଇରାଲ୍ ହୋଇଥିଲା।
Click it and Unblock the Notifications
Sign in with Google