ଓଡ଼ିଶାର ଜଣାଶୁଣା ଅଭିନେତ୍ରୀ ରାଜେଶ୍ୱରୀ ରାୟଙ୍କ ପରଲୋକ

Odia Actress Rajeswari Ray Mohapatra Passed Away .ଓଡ଼ିଶାର ଜଣାଶୁଣା ଅଭିନେତ୍ରୀ ରାଜେଶ୍ୱରୀ ରାୟଙ୍କ ପରଲୋକ ବ୍ରେନ୍ ଓ ଲଗ୍ସ କ୍ୟାନସରରେ ପୀଡିତ ଥିଲେ ଅଭିନେତ୍ରୀ

ଭୁବନେଶ୍ୱର: ଓଡ଼ିଶାର ଜଣାଶୁଣା ଅଭିନେତ୍ରୀ ରାଜେଶ୍ୱରୀ ରାୟ ମହାପାତ୍ରଙ୍କ ପରଲୋକ । ସିଏ ନିଜ ଖଳନାୟିକା ଅଭିନୟ ପାଇଁ ଓଡି଼ଶାର ଘରେ ଘରେ ଏକ ପରିଚିତ ଚେହେରା ଥିଲେ । ଗତକାଲି ବିଳମ୍ବିତ ରାତିରେ ସେ ହଟାତ ହଠାତ୍ ଅସୁସ୍ଥ ହୋଇପଡିବାରୁ ତାଙ୍କୁ ଭୁବନେଶ୍ୱର ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା ।ଚିକିତ୍ସାଧିନ ଅବସ୍ଥାରେ ତାଙ୍କର ଦେହାନ୍ତ ହୋଇଥିଲା । ରାଜେଶ୍ୱରୀ ବ୍ରେନ୍ ଓ ଲଙ୍ଗସ୍ କ୍ୟାନସରରେ ପୀଡ଼ିତ ଥିଲେ , ହେଲେ ସେ କ୍ୟାନସରରୁ ସୁସ୍ଥ ହୋଇଯାଇଥିଲେ । କିନ୍ତୁ ପୁଣିଥରେ ଅସୁସ୍ଥ ଅନୁଭବ କରିବାରୁ ତାଙ୍କର ଚିକିତ୍ସା ଆରମ୍ଭ ହୋଇଥିଲା ।

ବାଲେଶ୍ୱରର ଝିଅ ରାଜେଶ୍ୱରୀ ପ୍ରଥମେ ଆଙ୍କରିଂ ଜରିଆରେ ଓଡ଼ିଆ ଇଣ୍ତଷ୍ଟ୍ରିରେ ପାଦ ଦେଇଥିଲେ। ହେଲେ ତାଙ୍କୁ ନୂଆ ପରିଚୟ ଦେଇଥିଲା ଖଳନାୟିକା ଭୂମିକା ।ବସୁନ୍ଧରା, ସଂସ୍କାର, ସ୍ୱାଭିମାନ, ଭଲି ଧାରାବାହିକରେ ତାଙ୍କୁ ଦେଖିବା ପାଇଁ ମିଳିଥିଲା । ସେ ସରିଏଲରେ ଖଳନାୟିକା ଭୂମିକାରେ କାମ କରିବା ପରେ ତାଙ୍କୁ ଅନେକ ସିନେମାରେ କାମ କରିବାର ମୌକା ମଧ୍ୟ ମିଳିଥିଲା । ରାଜେଶ୍ୱରୀଙ୍କ ପ୍ରଥମେ ଓଡ଼ିଆ ସିନେମା ଥିଲା 'ସତ୍ୟମେବ' ଏହା ପରେ ସେ 'ଆରେ ସାଥୀ ଆ', ବ୍ଲାକମେଲ୍ ଭଳି ଫିଲ୍ମରେ ନିଜ ଅଭିନୟରେ ଦର୍ଶକଙ୍କ ମନ ଜିଣିପାରିଥିଲେ ।ରାଜେଶ୍ୱରୀଙ୍କ ପରଲୋକରେ ଟେଲିଦୁନିଆ ଓ ଓଡ଼ିଆ ସିନେମା ଜଗତରେ ଶୋକ ଖେଳିଯାଇଛି ।

English summary

Odia Actress Rajeswari Ray Mohapatra Passed Away .