ବର୍ଷିୟାନ ଅଭିନେତ୍ରୀ ଝରଣା ଦାସଙ୍କ ପରଲୋକ

ଭୁବନେଶ୍ୱର: ପରଲୋକରେ ବର୍ଷିୟାନ ଅଭିନେତ୍ରୀ ଝରଣା ଦାସ । ଗତକାଲି ବିଳମ୍ବିତ ରାତିରେ କଟକ ଚଣ୍ତି ସ୍ଥିତ ବାସଭବନରେ ସେ ୮୨ ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ପ୍ରଥମ ସିନେମା ଥିଲା ଅମଡ଼ା ବାଟ । ଫିଲ୍ମ ମଲା ଜହ୍ନରେ ଲୋକପ୍ରିୟତା ସାଉଁଣ୍ଟିଥିଲେ । ତାଙ୍କ ମୃତ୍ୟୁ ପରେ ଓଲିଉଡ ଜଗତରେ ଶୋକର ଛାୟା ଖେଳିଯାଇଛି । ଓଡ଼ିଆ ଇଣ୍ତଷ୍ଟ୍ରିର ବହୁ କଳାକାର ତାଙ୍କର ଶେଷ ଦର୍ଶନ କରିବା ପାଇଁ ପହଁଚିଛନ୍ତି ।

୧୯୬୪ରେ ଓଡ଼ିଆ ଚଳଚ୍ଚିତ୍ର ଜଗତରେ ପାଦ ଥାପିଥିଲେ ବର୍ଷିୟାନ ଅଭିନେତ୍ରୀ । ତାଙ୍କୁ ଜୟଦେବ ପୁରସ୍କାରରେ ସମ୍ମାନିତ କରାଯାଇଥିଲା । ପ୍ରଥମ ସିନେମା ଥିଲା ଅମଡ଼ା ବାଟ ହେଲେ 'ଫିଲ୍ମ ମଲା ଜହ୍ନ' ଦେଇଥିଲା ଏକ ନୂଆ ପରିଚୟ । ଅମଡା ବାଟ, ମଲା ଜହ୍ନ, ଅଦିନ ମେଘ ଥିଲା ତାଙ୍କର ଚର୍ଚ୍ଚିତ ସିନେମା । ୧୯୪୫ ମସିହା କଟକ ଚାନ୍ଦିନି ଚୌକରେ ଅଭିନେତ୍ରୀ ଝରଣା ଦାସ ଜନ୍ମ ଗ୍ରହଣ କରିଥିଲେ । ଶ୍ରଦ୍ଧାରେ ତାଙ୍କୁ ଝୁମୁ ବୋଲି ଡାକୁଥିଲେ । ଅଭିନେତ୍ରୀଙ୍କର ୧୦ ଭାଇ ଭଉଣୀ ଥିଲେ । ଅଭିନୟ ଛଡା ଓଡ଼ିଶୀ ନୃତ୍ୟରେ ନିପୁଣା ଥିଲେ ସେ । ଫଟୋଗ୍ରାଫର ଦୀପକ ଦାସଙ୍କୁ ବିବାହ କରିଥିଲେ ଅଭିନେତ୍ରୀ ।

English summary

Odia Actress Jharana Das Passes away