ପରଲୋକରେ ନିର୍ଦ୍ଦେଶକ ପଦ୍ମଶ୍ରୀ ତରୁଣ ମଜୁମଦାର

ବିଶିଷ୍ଟ ଭାରତୀୟ ସିନେମା ନିର୍ଦ୍ଦେଶକ ତରୁଣ ମଜୁମଦାରଙ୍କ ପରଲୋକ ହୋଇଛି । ମୃତ୍ୟୁ ବେଳକୁ ତାଙ୍କୁ 92 ବର୍ଷ ହୋଇଥିଲା । ଆଜି ସକାଳ 11ଟା 17 ମିନିଟ୍‌ରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି । ତାଙ୍କର ସ୍ବାସ୍ଥ୍ୟବସ୍ଥା ଅନେକ ଦିନ ହେବ ଖରାପ ରହୁଥିଲା।

କୋଲକାତା: ବିଶିଷ୍ଟ ଭାରତୀୟ ସିନେମା ନିର୍ଦ୍ଦେଶକ ତରୁଣ ମଜୁମଦାରଙ୍କ ପରଲୋକ ହୋଇଛି । ମୃତ୍ୟୁ ବେଳକୁ ତାଙ୍କୁ 92 ବର୍ଷ ହୋଇଥିଲା । ଆଜି ସକାଳ 11ଟା 17 ମିନିଟ୍‌ରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି । ତାଙ୍କର ସ୍ବାସ୍ଥ୍ୟବସ୍ଥା ଅନେକ ଦିନ ହେବ ଖରାପ ରହୁଥିଲା।

କିଡନୀ ଜନିତ ସମସ୍ୟା ହେତୁ ତାଙ୍କୁ ଜୁନ୍ 14 ରେ କୋଲକାତାର ଏସଏସକେଏମ ହସ୍ପିଟାଲରେ ଭର୍ତ୍ତି କରାଯାଇଥିଲା । କିନ୍ତୁ ହଠାତ୍ ରବିବାର ତାଙ୍କ ଅବସ୍ଥା ବିଗିଡି ଯାଇଥିଲା, ପରେ ତାଙ୍କୁ ଭେଣ୍ଟିଲେଟର ସପୋର୍ଟରେ ରଖାଯାଇଥିଲା । ଆଜି ସକାଳେ ତାଙ୍କ ଅବସ୍ଥା ଆହୁରି ଖରାପ ହୋଇଯାଇଥିଲା । ଶେଷରେ ସେ ପ୍ରାଣ ତ୍ୟାଗ କରିଛନ୍ତି । ତରୁଣ ମଜୁମଦାରଙ୍କ ଦେହାନ୍ତରେ ଫିଲ୍ମ ଇଣ୍ଡଷ୍ଟ୍ରିରେ ଶୋକର ଛାୟା ଖେଳିଯାଇଛି ।

ମୁଖ୍ୟମନ୍ତ୍ରୀ ମମତା ବାନାର୍ଜୀ ଗୁରୁବାର ଦିନ ଡାକ୍ତରଖାନାରେ ତରୁଣ ମଜୁମଦାରଙ୍କୁ ଭେଟିବାକୁ ଯାଇଥିଲେ । ଏଥିସହ ଆଜି ମୁଖ୍ୟମନ୍ତ୍ରୀ ତାଙ୍କ ମୃତ୍ୟୁରେ ସମବେଦନା ଜଣାଇଛନ୍ତି । ତାଙ୍କ ସମବେଦନା ବାର୍ତ୍ତାରେ ସେ କହିଛନ୍ତି ଯେ, ବିଶିଷ୍ଟ ଚଳଚ୍ଚିତ୍ର ନିର୍ଦ୍ଦେଶକ ତରୁଣ ମଜୁମଦାରଙ୍କ ଦେହାନ୍ତରେ ମୁଁ ଅତ୍ୟନ୍ତ ଦୁଃଖିତ । ସେ ଆଜି କୋଲକାତାରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ତରୁଣ ମଜୁମଦାର ତାଙ୍କର ନିର୍ଦ୍ଦେଶନା ପାଇଁ ଜଣାଶୁଣା । ତାଙ୍କୁ ପଦ୍ମଶ୍ରୀ, ଜାତୀୟ ପୁରସ୍କାର, BFJA ପୁରସ୍କାର ସମେତ ଅନେକ ପୁରସ୍କାରରେ ସମ୍ମାନିତ କରାଯାଇଛି । ତାଙ୍କ ବିୟୋଗ ଫିଲ୍ମ ଇଣ୍ଡଷ୍ଟ୍ରିରେ ଏକ ଅପୂରଣୀୟ କ୍ଷତି। ତରୁଣ ମଜୁମଦାରଙ୍କ ପରିବାର ପ୍ରତି ମୁଁ ମୋର ଗଭୀର ସମବେଦନା ଜଣାଉଛି।'

English summary

Noted Indian film director Tarun Majumdar has passed away. He was 92 at the time of his death. He breathed his last at 11.17 am today. His health had been deteriorating for a long time.