ଅଭିନେତ୍ରୀ ନୋରାଙ୍କୁ ୬ ଘଣ୍ଟା ଜେରା କଲା ଦିଲ୍ଲୀ ପୋଲିସ
ଅଭିନେତ୍ରୀ ନୋରା ଫତେହିଙ୍କୁ ୬ ଘଣ୍ଟା କାଳ ଜେରା କଲା ଦିଲ୍ଲୀ ପୋଲିସ,
ନୂଆଦିଲ୍ଲୀ: ମନିଲଣ୍ତରିଂ ମାମଲାରେ ବଲିଉଡ ଅଭିନେତ୍ରୀ ନୋରା ଫତେହିଙ୍କୁ ୬ ଘଣ୍ଟା କାଳ ଜେରା କଲା ଦିଲ୍ଲୀ ପୋଲିସ । ଗୁରୁବାର ଅର୍ଥାତ୍ ଗତକାଲି ନୋରା ଦିଲ୍ଲୀ ପୋଲିସର ଅର୍ଥନୈତିକ ଅପରାଧ କାର୍ଯ୍ୟାଳୟରେ ହାଜର ହୋଇଥିଲେ । ଯେଉଁଠି ତାଙ୍କୁ ମହାଠକ ସୁକେଶ ଚନ୍ଦ୍ର ଠକେଇ ମାମଲାରେ ସମ୍ପୃକ୍ତି ନେଇ ପଚରାଉଚରା କରାଯାଇଥିଲା । ଏହି ମାମଲାରେ ସେପ୍ଟେମ୍ବର ୧୪ରେ ଜ୍ୟାକଲିନ ଫର୍ଣ୍ଣାଣ୍ତିଜଙ୍କୁ ମଧ୍ୟ ଜେରା କରାଯାଇଥିଲା ।
ସୂଚନାଅନୁସାରେ ଅଭିନେତ୍ରୀ ନୋରା ଫତେହି ସୁକେଶ ଚନ୍ଦ୍ରଙ୍କ ଠାରୁ ଦାମି ଉପହାର ନେବା କଥା ପୂର୍ବରୁ ସ୍ୱୀକାର କରିସାରିଛନ୍ତି । ଏହା ସହ ସେ ସୁକେଶଙ୍କ ସହ ଚେନ୍ନାଇରେ ହୋଇଥିବା ଏକ କାର୍ଯ୍ୟକ୍ରମରେ ଯୋଗ ଦେଇଥିଲେ । ଅପରାଧିକ ଲିଙ୍କରେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିବା ନେଇ ଅଭିଯୋଗ କରାଯାଇଛି । ତେବେ ନୋରା ଯାଞ୍ଚରେ ପୁରା ସହଯୋଗ କରୁଛନ୍ତି । ଏହି ମାମଲାରେ ଜ୍ୟାକଲିନଙ୍କ ମ୍ୟାନେଜର ପ୍ରଶାନ୍ତଙ୍କ ପାଖରୁ ୮ ଲକ୍ଷ ଟଙ୍କାର ଏକ ଦାମି ବାଇକ୍ ଜବତ କରାଯାଇଥିଲା ।
Click it and Unblock the Notifications
Sign in with Google