ତାମିଲ ଅଭିନେତ୍ରୀ ନୟନତାରାଙ୍କୁ ଲିଗାଲ ନୋଟିସ୍

ନିକଟରେ ବିବାହ ବନ୍ଧନରେ ବାନ୍ଧି ହୋଇଛନ୍ତି ତାମିଲ୍‌ ଅଭିନେତ୍ରୀ ନୟନତାରା ଏବଂ ନିର୍ଦ୍ଦେଶକ ବିଘ୍ନେଶ ଶିବନ । ଚେନ୍ନାଇରେ ବଡ ଧୁମ୍‌ଧାମରେ ହୋଇଛି ବାହାଘର । ଏହାପରେ ଦୁହେଁ ଭଗବାନଙ୍କ ଆର୍ଶୀବାଦ ପାଇଁ ଆନ୍ଧ୍ରପ୍ରଦେଶ ତିରୁପତି ମନ୍ଦିର ଦର୍ଶନ କରିବାକୁ ଯାଇଥିଲେ ।

Published: Saturday, June 11, 2022, 14:15 [IST]

ଅମରାବତୀ: ନିକଟରେ ବିବାହ ବନ୍ଧନରେ ବାନ୍ଧି ହୋଇଛନ୍ତି ତାମିଲ୍‌ ଅଭିନେତ୍ରୀ ନୟନତାରା ଏବଂ ନିର୍ଦ୍ଦେଶକ ବିଘ୍ନେଶ ଶିବନ । ଚେନ୍ନାଇରେ ବଡ ଧୁମ୍‌ଧାମରେ ହୋଇଛି ବାହାଘର । ଏହାପରେ ଦୁହେଁ ଭଗବାନଙ୍କ ଆର୍ଶୀବାଦ ପାଇଁ ଆନ୍ଧ୍ରପ୍ରଦେଶ ତିରୁପତି ମନ୍ଦିର ଦର୍ଶନ କରିବାକୁ ଯାଇଥିଲେ । କିନ୍ତୁ ମନ୍ଦିର ପ୍ରଶାସନ ସେମାନଙ୍କ ବିରୋଧରେ ଆଇନଗତ ନୋଟିସ ଜାରି କରିଛନ୍ତି ।

ବିବାହ ପର ଦିନ ଅର୍ଥାତ ଗତ 10 ତାରିଖ ଦିନ ନୟନତାରା ଏବଂ ନିର୍ଦ୍ଦେଶକ ବିଘ୍ନେଶ ତିରୁପତି ପ୍ରଭୁ ଭେଙ୍କଟେଶ୍ୱର ମନ୍ଦିରରେ ପହଞ୍ଚିଥିଲେ । ତିରୁପତି ମନ୍ଦିର ପରିସରରେ ନୟନତାରା ଚପଲ ପିନ୍ଧି ବୁଲିଥିଲେ । ଏହାକୁ ନେଇ ଦେଖାଦେଇଛି ବିବାଦ। ତିରୁମାଲା ତିରୁପତି ଦେଶସ୍ଥାନମ୍‌ ବୋର୍ଡର ମୁଖ୍ୟ ଭିଜିଲାନ୍ସ ସିକ୍ୟୁରିଟି ଅଫିସର ନରସିମ୍ହା କିଶୋରଙ୍କ କହିବାନୁସାରେ, ନୟନତାରା ଏକ ପବିତ୍ର ସ୍ଥାନରେ ଚପଲ ପିନ୍ଧି ଚାଲୁଥିବାର ଦେଖିବାକୁ ମିଳିଥିଲା ଏହି ସ୍ଥାନକୁ ସ୍ଥାନୀୟ ଲୋକଙ୍କ ସହ ଅନ୍ୟ ମାନେ ମଧ୍ୟ ବହୁତ ମହତ୍ତ୍ବ ଦେଇଥାନ୍ତି । ନୟନତାରା ଏହାର ଅପମାନ କରିଛନ୍ତି । ମନ୍ଦିରର ନିୟମ ମଧ୍ୟ ଅମାନ୍ୟ କରିଛନ୍ତି ।

ସିକ୍ୟୁରିଟି ଅଫିସର ଏହା ମଧ୍ୟ କହିଛନ୍ତି ଯେ, ନୟନତାରା ଏବଂ ବିଘ୍ନେଶ ସେମାନଙ୍କ ସହ ମନ୍ଦିର ଭିତରକୁ ତାଙ୍କ ଫଟୋଗ୍ରାଫରଙ୍କୁ ମଧ୍ୟ ଆଣିଥିଲେ। ଯାହା ସଂପୂର୍ଣ୍ଣ ବେଆଇନ । ଆମେ ସିସିଟିଭିରେ ମଧ୍ୟ ଦେଖିଛୁ ଯେ ସେମାନେ ସେଠାରେ ଏକ ଫଟୋସୁଟ୍ କରିଥିଲେ । ନୟନତାରାଙ୍କ ଜୋତା ପିନ୍ଧି ମନ୍ଦିର ପରିସରରେ ବୁଲିବା ଫଟୋ ସାମ୍ନାକୁ ଆସିଛି । ଏହାପରେ ତାଙ୍କ ବିରୋଧରେ ନୋଟିସ ପଠାଯାଇଛି ।

Published On June 11, 2022