ଡ୍ରଗ୍ସ ନେଉଥିଲେ କମେଡିଆନ ଭାରତୀ ସିଂ ? ଘରେ ଚଢଉ,ଏନସିବିର ସମନ

ମହାରାଷ୍ଟ୍ରର ମୁମ୍ବାଇ ସହରରେ ଥିବା କମେଡିଆନ୍ ଭାରତୀ ସିଂହଙ୍କ ଘରେ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ଚଢଉ କରିଛି

ମୁମ୍ବାଇ : ମହାରାଷ୍ଟ୍ରର ମୁମ୍ବାଇ ସହରରେ ଥିବା କମେଡିଆନ୍ ଭାରତୀ ସିଂହଙ୍କ ଘରେ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ଚଢଉ କରିଛି । ଏଥିସହ ଭାରତୀ ସିଂହ ଓ ତାଙ୍କ ସ୍ୱାମୀ ହର୍ଷ ଲିମ୍ବାଚିୟାଙ୍କୁ ସମନ ମଧ୍ୟ ଜାରି କରିଛି । ଭାରତୀ ଓ ତାଙ୍କ ସ୍ୱାମୀଙ୍କ ଉପରେ ଡ୍ରଗ୍ସ ନେଉଥିବା ଅଭିଯୋଗ ଆସିଛି । ଡ୍ରଗ୍ସ ଚାଲାଣରେ ଏନସିବି ଧରିଥିବା କିଛି ଦଲାଲକୁ ପଚରାଉଚରା ପରେ ଭାରତୀଙ୍କ ନାଁ ସାମ୍ନାକୁ ଆସିଛି ।

ଏହାକୁ ନେଇ ଆଜି ଏନସିବି ଭାରତୀ ସିଂଙ୍କ ଘରେ ଚଢଉ କରିଥିବା ଜଣାପଡିଛି । ସୂଚନାଥାଉକି, ଗତକିଛି ଦିନ ଧରି ଡ୍ରଗ୍ସ ମାମଲାରେ ଏନସିବି ତାର ତଦନ୍ତକୁ ଜୋରଦାର୍ କରିଛି । ଦଲାଲ ଠାରୁ ସୂଚନା ପାଇବା ପରେ ଭାରତୀ ସିଂଙ୍କର ଅନ୍ଧେରୀ, ଲୋଖଣ୍ଡଓ୍ୱାଲା ଓ ବର୍ଷୋବାସ୍ଥିତ ଘରେ ମଧ୍ୟ ଏନସିବି ଚଢଉ କରିଛି ।
ଏଠାରେ କହି ରଖୁଛୁ କିଛି ଦିନ ତଳେ ଅଭିନେତା ଅର୍ଜୁନ ରାମପାଲଙ୍କୁ ଏନସିବି ଡ୍ରଗ୍ସ ନେବା ମାମଲାରେ ପଚରାଉଚରା କରିଛି । ଏଥିସହ ତାଙ୍କ ବାସଭବନରେ ମଧ୍ୟ ଚଢଉ କରିଥିଲା ଏନସିବି।

English summary

NCB Summons Comedian Bharti Singh