ଅଜୟ ଦେବଗନଙ୍କୁ ମିଳିଲା ଶ୍ରେଷ୍ଠ ଅଭିନେତା ପୁରସ୍କାର, ବିଶାଲ ଭରଦ୍ୱାଜ ଶ୍ରେଷ୍ଠ ସଙ୍ଗୀତ ନିର୍ଦ୍ଦେଶକ

Updated: Friday, September 30, 2022, 19:24 [IST]

୬୮ ତମ ଜାତୀୟ ଚଳଚ୍ଚିତ୍ର ପୁରସ୍କାର : ରାଜଧାନୀ ଦିଲ୍ଲୀରେ ୬୮ ତମ ଜାତୀୟ ଚଳଚ୍ଚିତ୍ର ପୁରସ୍କାର ସମାରୋହ ଆୟୋଜିତ ହୋଇଛି । ଚଳଚ୍ଚିତ୍ର 'ତାହ୍ନାଜୀ ଦ ଅନସଙ୍ଗ ୱାରିଅର୍' ପାଇଁ ଅଜୟ ଦେବଗନଙ୍କୁ ଶ୍ରେଷ୍ଠ ଅଭିନେତା ପୁରସ୍କାର ମିଳିଛି । ଏହା ବ୍ୟତୀତ ପ୍ରସିଦ୍ଧ ମ୍ୟୁଜିକ୍ କମ୍ପୋଜର ତଥା ନିର୍ଦ୍ଦେଶକ ବିଶାଲ ଭରଦ୍ୱାଜ 1232 kmର ଗୀତ 'ମାରେଙ୍ଗେ ତୋ ୱାହିଁ ଜାକର' ପାଇଁ ଶ୍ରେଷ୍ଠ ସଂଗୀତ ନିର୍ଦ୍ଦେଶକ ପୁରସ୍କାର ଗ୍ରହଣ କରିଛନ୍ତି । ଏହି ପୁରସ୍କାରର ଘୋଷଣା ୨୨ ଜୁଲାଇରେ ହୋଇଯାଇଥିଲା । ୩୦ ସେପ୍ଟେମ୍ବରରେ ବିଜେତାମାନଙ୍କୁ ପୁରସ୍କାର ପ୍ରଦାନ କରାଯାଇଛି ।

68th #NationalFilmAwards | Music composer-filmmaker Vishal Bhardwaj receives the National Award for Best Music Direction, for his song 'Marenge Toh Vahin Jaa Kar' in the documentary film '1232 KMs', pic.twitter.com/NANbDb7djO
— ANI (@ANI) September 30, 2022

ଅଜୟ ଦେବଗନଙ୍କ ସହ ସୁରିଆ ଟାଇଟଲ ଜିତିଥିଲେ
ଜୁଲାଇ ୨୨ରେ ଜାତୀୟ ଚଳଚ୍ଚିତ୍ର ପୁରସ୍କାର ବିଜେତା ଘୋଷିତ ହୋଇଥିଲା । ସାଉଥ ଷ୍ଟାର ସୁରିୟାଙ୍କୁ ମଧ୍ୟ ଶ୍ରେଷ୍ଠ ଅଭିନେତା ବିବେଚିତ କରାଯାଇଛି । ଫିଲ୍ମ 'ସୋରାରାଇ ପୋଟ୍ରୁ' ପାଇଁ ଶ୍ରେଷ୍ଠ ଅଭିନେତା ପୁରସ୍କାର ପାଇଛନ୍ତି ଅଭିନେତା । ସେହିପରି ତାଙ୍କ ଅଭିନୀତ 'ସୋରାରାଇ ପୋଟ୍ରୁ' ଅଲ୍ ଟାଇମ୍ ଏଣ୍ଟରଟେନିଂ ଫିଲ୍ମ ପୁରସ୍କାର ପାଇଛି ।ସେହିପରି 'ତୁଲସିଦାସ ଜୁନିୟର' କୁ ଶ୍ରେଷ୍ଠ ହିନ୍ଦୀ ଫିଲ୍ମ ପୁରସ୍କାର ମିଳିଛି । ଦିଲ୍ଲୀରେ ଆୟୋଜିତ ପୁରସ୍କାର ବିତରଣ ଉତ୍ସବରେ ଦେଶର ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଏହି ପୁରସ୍କାର ବିଜେତାମାନଙ୍କୁ ସମ୍ମାନିତ କରିଛନ୍ତି ।