ବଢିଲା ଅଭିତାଭ ବଚ୍ଚନଙ୍କ ସୁରକ୍ଷା, ମିଳିଲା X କ୍ୟାଟେଗୋରୀର ସୁରକ୍ଷା

Updated: Wednesday, November 2, 2022, 16:38 [IST]

ମୁମ୍ବାଇ: ବଲିଉଡର ବଡ ବଡ ଷ୍ଟାରଙ୍କ ସୁରକ୍ଷା ବ୍ୟବସ୍ତା ହେଲା କଡାକଡି । ମୁମ୍ବାଇ ପୋଲିସ ଏବଂ ରାଜ୍ୟ ସରକାରଙ୍କ ପକ୍ଷରୁ ସମସ୍ତ ବଡ ତାରକାଙ୍କ ସୁରକ୍ଷା ବୃଦ୍ଧି କରାଯାଇଛି । ଗତକାଲି ସଲମାନ ଖାନଙ୍କୁ Y+ କ୍ୟାଟେଗୋରୀର ସୁରକ୍ଷା ଦିଆଯାଇଥିଲା । ଏହାରି ମଧ୍ୟରେ ବଲିଉଡ ମେଗାଷ୍ଟାର ଅମିତାଭ ବଚ୍ଚନଙ୍କ ସୁରକ୍ଷା ମଧ୍ୟ ବୃଦ୍ଧି କରାଯାଇଛି । ରିପୋର୍ଟ ଅନୁସାରେ ବିଗ୍ ବିଙ୍କୁ X କ୍ୟାଟେଗୋରୀର ସୁରକ୍ଷା ପ୍ରଦାନ କରାଯାଇଛି ।

ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ ବଡ ବଡ ଅଭିନେତାମାନଙ୍କ ଜୀବନ ପ୍ରତି ପ୍ରାୟତଃ ବିପଦ ରହିଥାଏ । ସେଥିପାଇଁ କଳାକାରଙ୍କ ସୁରକ୍ଷାକୁ ବଢାଇ ଦିଆଯାଇଥାଏ । ଏହାପୂର୍ବରୁ ଅଭିତାଭ୍ ବଚ୍ଚନଙ୍କୁ ମୁମ୍ବାଇ ପୋଲିସର ସାଧାରଣ ସୁରକ୍ଷା ଦିଆଯାଇଥିଲା ।

ସଲମାନ ଖାନଙ୍କୁ Y + ବର୍ଗର ସୁରକ୍ଷା
ବଲିଉଡର ଦବଙ୍ଗ ଖାନ ସଲମାନ ଖାନଙ୍କୁ ଦୀର୍ଘ ଦିନ ବାରମ୍ବାର ହତ୍ୟା ଧମକ ମିଳୁଥିବାରୁ ତାଙ୍କ ସୁରକ୍ଷା ବୃଦ୍ଧି କରାଯାଇଛି । ସୂଚନା ଅନୁଯାୟୀ, ଲରେନ୍ସ ବିଷ୍ଣୋଇ ଗ୍ୟାଙ୍ଗ ତରଫରୁ ସଲମାନଙ୍କୁ ପୁଣି ଥରେ ଧମକ ମିଳିଛି । ପଞ୍ଜାବୀ ଗାୟକ ସିଦ୍ଧୁ ମୁସେୱାଲାଙ୍କ ମୃତ୍ୟୁ ପଛରେ ମଧ୍ୟ ଏହି ଗ୍ୟାଙ୍ଗର ହାତ ରହଛି ଓ ଏହା ପ୍ରମାଣିତ ମଧ୍ୟ ହୋଇସାରିଛି । ଏଭଳି ପରିସ୍ଥିତିରେ ରାଜ୍ୟ ସରକାର ଅଭିନେତାଙ୍କ ସୁରକ୍ଷାକୁ ନେଇ କୌଣସି ଅବହେଳା କରିବା ପାଇଁ ଚାହୁଁ ନାହଁନ୍ତି । ସେଥିପାଇଁ ତାଙ୍କୁ Y + କ୍ୟାଟେଗୋରୀର ସୁରକ୍ଷା ଦିଆଯାଇଛି ।

ଆପଣଙ୍କୁ ଜଣାଇବା ଯେ କୈଣସି ବ୍ୟକ୍ତିଙ୍କୁ ସୁରକ୍ଷା ଦିଆଯିବା ଉଚିତ୍ କି ନାହିଁ ତାହା ରାଜ୍ୟର ଗୁପ୍ତଚର ବିଭାଗର ରିପୋର୍ଟକୁ ନେଇ ନିଷ୍ପତ୍ତି ନିଆଯାଇଥାଏ । ଅମିତାଭଙ୍କ ବ୍ୟତୀତ ମହାରାଷ୍ଟ୍ର ସରକାର ବଲିଉଡ ଅଭିନେତା ଅକ୍ଷୟ କୁମାରଙ୍କୁ X ବର୍ଗର ସୁରକ୍ଷା ମଧ୍ୟ ଦେଇଛନ୍ତି । ଯାହା ଅନୁଯାୟୀ ୩ ଜଣ ପୋଲିସ୍ ଅକ୍ଷୟ କୁମାରଙ୍କ ସହିତ ତିନୋଟି ଭିନ୍ନ ସିଫ୍ଟରେ ରହିବେ ।