ସୁପରଷ୍ଟାର ସିଙ୍ଗରର ସିଜନ 2 ଟାଇଟଲ ହାତେଇଲେ ମହମ୍ମଦ ଫୈଜ

ସୁପରଷ୍ଟାର ସିଙ୍ଗର ସିଜନ 2 ଶେଷ ହୋଇଛି । ଟାଇଟଲ ହାତେଇଛନ୍ତି ମହମ୍ମଦ ଫୈଜ।

Published: Sunday, September 4, 2022, 16:50 [IST]

ମୁମ୍ବାଇ: ସୁପରଷ୍ଟାର ସିଙ୍ଗର ସିଜନ 2 ବିଜୟୀ ହେଲେ ମହମ୍ମଦ ଫୈଜ। ନିଜର ସଂଗୀତ ମାଧ୍ୟମରେ ଶ୍ରୋତାଙ୍କୁ ବାନ୍ଧି ରଖିଥିଲେ ଫୈଜ । ପ୍ରତିଟି ଏପିସୋଡରେ ନୂଆ ନୂଆ ଗୀତ ନେଇ ମଞ୍ଚକୁ ଆସୁଥିଲେ ଏହି ସିଙ୍ଗର । ତେବେ ଗ୍ରାଣ୍ଡ ଫିନାଲେ ରେ ସେ ବିଜେତା ହେବା ପରେ ତାଙ୍କୁ ପୁରସ୍କାର ବାବଦକୁ ଟ୍ରଫି ସହ ତାଙ୍କୁ 15 ଲକ୍ଷ ଟଙ୍କା ପ୍ରଦାନ କରାଯାଇଛି ।

ଶୋ'ର ଫିନାଲେ କଣ୍ଟେଣ୍ଟଷ୍ଟାଣ୍ଟ ମଣି ଦ୍ବିତୀୟ ସ୍ଥାନରେ ରହିଛନ୍ତି । ପ୍ରାଞ୍ଜଲ ବିଶ୍ବାସ ତୃତୀୟ, ଆର୍ୟନନ୍ଦା ବାବୁ ଚତୁର୍ଥ ଓ ସାୟଶା ଗୁପ୍ତା ଷଷ୍ଠ ସ୍ଥାନରେ ରହିଛନ୍ତି । ଶୋ'ର ବିଜେତା ହୋଇଥିବା ମହମ୍ମଦ ଫୈଜ କହିଛନ୍ତି, "ଶୋ ଜରିଆରେ ମୋତେ ଖୁବ ଭଲ ପାଇବା ମିଳିଛି , ଯାହାକୁ ନେଇ ମୁଁ ବହୁତ ଖୁସି ।" ମିଳିଥିବା ପୁରସ୍କାର ରାଶିକୁ ନିଜ ମାତାପିତାଙ୍କୁ ଦେବା ନେଇ ସେ କହିଛନ୍ତି । ନିଜ ସଫଳତାର ଶ୍ରେୟ ନିଜ ପରିବାରକୁ ଦେଇଛନ୍ତି ଫୈଜ । ଖୁବ କମ ବୟସରେ ତାଙ୍କର ଯାଦୁଗରୀ ସ୍ବର ଦର୍ଶକଙ୍କୁ ଆକର୍ଷିତ କରିପାରିଛି । ପ୍ରତ୍ୟେକଙ୍କ ହୃଦୟରେ ଜାଗା ବନେଇ ପାରିଛନ୍ତି ଏହି କୁନି କଳାକାର ।

ମଞ୍ଚରେ ସବୁ ଫାଇନାଲିଷ୍ଟଙ୍କ ସହିତ ମୁଁ ମଧ୍ୟ ରହିଥିଲି । ଫୈଜ କହିଛନ୍ତି, "ବିଜେତା ଭାବେ ମୋ ନାମ ଘୋଷଣା ସମୟରେ ସମସ୍ତେ ଭାବ ବିହ୍ବଳ ହୋଇଥିଲେ।" ଟାଇଟାଲ ଜିତିବା ପରେ ତାଙ୍କ ସୋଶାଲ ମିଡିଆରେ ଫଲୋର୍ସ ବଢିବାରେ ଲାଗିଛନ୍ତି । ଭବିଷ୍ୟତରେ ସଂଗୀତ କ୍ଷେତ୍ରରେ ଆହୁରି ପରିଶ୍ରମ କରି ଦେଶ ପାଇଁ ନାଁ କରିବେ ବୋଲି କହିଛନ୍ତି ମହମ୍ମଦ ଫୈଜ ।

Published On September 4, 2022