ପୁଣି ଦେଖିବା ପାଇଁ ମିଳିବ ମାୟାବିନୀ 'ସ୍ତ୍ରୀ'ର ମାୟା, 'Stree 2'ରେ ବରୁଣଙ୍କ ଏଣ୍ଟ୍ରି !

ପୁଣି ଦେଖିବା ପାଇଁ ମିଳିବ ମାୟାବିନୀ 'ସ୍ତ୍ରୀ'ର ମାୟା,'Stree 2'ରେ ବରୁଣଙ୍କ ଏଣ୍ଟ୍ରି !

Published: Sunday, October 30, 2022, 17:35 [IST]

ମୁମ୍ବାଇ: ଶ୍ରଦ୍ଧା କପୁର ଏବଂ ରାଜକୁମାର ରାଓଙ୍କ ଯୋଡିକୁ ପୁଣି ଥରେ ହରର-କମେଡି ଫିଲ୍ମ ସ୍ତ୍ରୀ ପାର୍ଟ-୨ରେ ଏକାଠି ଦେଖିବା ପାଇଁ ମିଳିବ । ଏଥର ଫିଲ୍ମରେ ନୂଆ ଟ୍ୱିଷ୍ଟ୍ ଓ ସରପ୍ରାଇଜ୍‌ ଦେଖିବା ପାଇଁ ମିଳିପାରେ । ସୂଚନା ଅନୁସାରେ ଏଥର ଚଳଚ୍ଚିତ୍ରରେ ନୂଆ ଅଭିନେତାଙ୍କ ଏଣ୍ଟ୍ରିକୁ ମଧ୍ୟ ହୋଇପାରେ । ୨୦୧୮ରେ ମୁକ୍ତିଲାଭ କରିଥିବା ବ୍ଲକବଷ୍ଟର ହିଟ୍ ଫିଲ୍ମ 'ସ୍ତ୍ରୀ'ର ପ୍ରଶଂସକଙ୍କ ପାଇଁ ଏକ ଖୁସି ଖବର ଅଛି । ଏହି ଚଳଚ୍ଚିତ୍ରର ନିର୍ମାତା ଫିଲ୍ମର ପାର୍ଟ-୨ର ସୁଟିଂ ଖୁବ୍ ଶୀଘ୍ର ଆରମ୍ଭ କରିବା ପାଇଁ ଯାଉଛନ୍ତି । ସୂଚନାନୁସାରେ, ଚଳଚ୍ଚିତ୍ରର ନିର୍ଦ୍ଦେଶକ ଅମର କୌଶିକ ଫିଲ୍ମ 'ଭେଡିଆ' ରିଲିଜ୍ ପରେ ଫିଲ୍ମ 'ସ୍ତ୍ରୀ'ର ଦ୍ୱିତୀୟ ଭାଗର ସୁଟିଂ ଆରମ୍ଭ କରିବେ । ଯାହାର କିଛି କିଛି ପ୍ରସ୍ତୁତି ମଧ୍ୟ ଆରମ୍ଭ ହୋଇସାରିଲାଣି ।

ନିକଟରେ ଫିଲ୍ମ 'ଭେଡ଼ିଆ'ର ଏକ ନୂଆ ଗୀତ 'ଠୁମକେଶ୍ଵରୀ' ରିଲିଜ୍ ହୋଇଥିଲା । ଯାହା ଏବେ ସୋସିଆଲ ମିଡିଆରେ ଧମାଲ କରୁଛି ଫିଲ୍ମର ଏହି ଗୀତକୁ ଦର୍ଶକ ବେଶ୍ ପସନ୍ଦ କରୁଛନ୍ତି । ଖାସ କରି ଅଭିନେତ୍ରୀ କ୍ରିତି ସାନନଙ୍କ ଡ୍ୟାନ୍ସ କରୁଛି ସିନେପ୍ରେମୀଙ୍କୁ ମତୁଆଲା । ଏହି ଗୀତରେ ବରୁଣ ଧୱନ ଏବଂ କ୍ରିତି ସାନନଙ୍କ ସହ ଶ୍ରଦ୍ଧା କପୁରଙ୍କୁ ମଧ୍ୟ ଦେଖିବା ପାଇଁ ମିଳୁଛି । ଯେଉଁଥିରେ ସେ 'ସ୍ତ୍ରୀ' ଲୁକ୍‌ରେ ନଜର ଆସୁଛନ୍ତି । ସେହିପରି ଖବର ଏହା ମଧ୍ୟ ରହିଛି ଯେ ବରୁଣ ଧୱନଙ୍କୁ ସ୍ତ୍ରୀ-୨ରେ ଦେଖିବା ପାଇଁ ମିଳିପାରେ । ଖୁବ୍ ଶୀଘ୍ର ଫିଲ୍ମ ସ୍ତ୍ରୀ-୨ର ସୁଟିଂ ଆରମ୍ଭ ହେବା ପାଇଁ ଯାଉଛି ।

Published On October 30, 2022