ସଲମାନଙ୍କ ଫାର୍ମହାଉସ୍ ଉପରେ ଆକ୍ରମଣ କରିଥିବା ବ୍ୟକ୍ତିଙ୍କୁ ମିଳିଲା ଜାମିନ୍

Salman Khan: ବଲିଉଡ ଅଭିନେତା ସଲମାନ ଖାନଙ୍କ ପାନଭେଲ୍ ଫାର୍ମହାଉସ ଉପରେ ଆକ୍ରମଣ ପାଇଁ ଷଡଯନ୍ତ୍ର କରିଥିବା ଦୁଇ ଅଭିଯୁକ୍ତଙ୍କୁ ବମ୍ବେ ହାଇକୋର୍ଟ ଜାମିନ ପ୍ରଦାନ କରିଛନ୍ତି। କୋର୍ଟ କହିଛନ୍ତି ଯେ ଯେଉଁ ହ୍ୱାଟସଆପ୍ ଗ୍ରୁପରେ ଷଡ଼ଯନ୍ତ୍ର କରାଯାଇଥିଲା ଏବଂ ଆଲୋଚନା ହୋଇଥିଲା ସେଠାରେ ଅଭିଯୁକ୍ତଙ୍କ ଉପସ୍ଥିତି ବ୍ୟତୀତ, ସେମାନଙ୍କ ବିରୁଦ୍ଧରେ କୌଣସି ଠୋସ୍ ପ୍ରମାଣ ମିଳିନାହିଁ।

ଅଭିଯୁକ୍ତ ୱାସପି ମହମୁଦ ଖାନ ଓରଫ ୱାସିମ ଚିକନା ଏବଂ ଗୌରବ ବିନୋଦ ଭାଟିଆ ଓରଫ ସନ୍ଦୀପ ବିଷ୍ନୋଇଙ୍କୁ ପୋଲିସ ଗିରଫ କରିଥିଲା।
ପ୍ରତିରକ୍ଷା ଓକିଲ ତନବୀର ଅଜିଜ୍ ପଟେଲ ଏବଂ ଅସିତ ଯଶୱନ୍ତ ଚାଭାରେ କୋର୍ଟରେ ଯୁକ୍ତି ଦେଇଥିଲେ ଯେ କେବଳ ହ୍ୱାଟ୍ସଆପ୍ ଗ୍ରୁପରେ ଥିବାରୁ ତାଙ୍କୁ ଅଭିଯୁକ୍ତ ବୋଲି ବିବେଚନା କରାଯାଇପାରିବ ନାହିଁ।