ଜାଣନ୍ତୁ ଗୋଟେ ଆଇଟମ୍ ସଂଗ ପାଇଁ କେତେ ଡିମାଣ୍ତ କରନ୍ତି ମଲାଇକା
ଜାଣନ୍ତୁ ଗୋଟେ ଆଇଟମ୍ ସଂଗ ପାଇଁ କେତେ ଡିମାଣ୍ତ କରନ୍ତି ମଲାଇକା ଅରୋରା
ମୁମ୍ବାଇ: ବଲିଉଡ ଇଣ୍ତଷ୍ଟ୍ରିର ବୋଲ୍ଡ, ହଟ୍ ଏବଂ ଫିଟ୍ ଅଭିନେତ୍ରୀ ମାନଙ୍କ ମଧ୍ୟରୁ ମଲାଇକା ଅରୋରା ଜଣେ । ତାଙ୍କ ଷ୍ଟାଇଲ୍, ଲୁକ ବେଶ୍ ପ୍ରଶଂସା ସାଉଁଟିଥାଏ । ଏହା ବ୍ୟତୀତ, ମଲାଇକା ଫିଟନେସ୍ ପାଇଁ ନିଜ ଫ୍ୟାନ୍ସଙ୍କୁ ଉତ୍ସାହିତ କରନ୍ତି । କମ ଫିଲ୍ମ କରିବା ସତ୍ୱେ ତାଙ୍କ ଆୟ ବେଶ୍ ଅଧିକ । କିଛି ମିନିଟର ଡ୍ୟାନ୍ସ ପାଇଁ ସେ ନିଅନ୍ତି ମୋଟା ଅଙ୍କର ଟଙ୍କା ।
ଗତ ଦୁଇ ଦଶନ୍ଧି ଧରି ମଲାଇକା ଆରୋରା ମନୋରଞ୍ଜନ ଜଗତରେ ବେଶ୍ ଆକ୍ଟିଭ୍ ରହିଛନ୍ତି । ସେ ଚଳଚ୍ଚିତ୍ର କରନ୍ତି ନାହିଁ ସତ ହେଲେ ଗୋଟେ ଆଇଟମ୍ ନମ୍ବର ପାଇଁ ନିଅନ୍ତି ମୋଟା ଅଙ୍କର ଟଙ୍କା । ଏକ ଗଣମାଧ୍ୟମ ରିପୋର୍ଟ ଅନୁସାରେ, ମଲାଇକା ଏକ ଆଇଟମ୍ ଗୀତ ପାଇଁ ପ୍ରାୟ ୧.୫ କୋଟି ଟଙ୍କା ଚାର୍ଜ କରନ୍ତି । ସେ କିଛି ମିନିଟର ଡ୍ୟାନ୍ସ ପାଇଁ ଯେତିକି ଟଙ୍କା ନିୟନ୍ତି କିଛି ଅଭିନେତ୍ରୀ ପୁରା ଫିଲ୍ମ କରିବା ପାଇଁ ପ୍ରାୟ ସେତିକି ଟଙ୍କା ଚାର୍ଚ୍ଚ କରନ୍ତି ।
ମଲାଇକା ଅରୋରାଙ୍କ ଫି' ପ୍ରତିବର୍ଷ ବୃଦ୍ଧି ପାଉଛି । ୨୦୨୧ ମସିହାରେ ମଲାଇକାଙ୍କ ନେଟ୍ ୱର୍ଥ ପ୍ରାୟ ୭୩ କୋଟି ଥିଲା, ଯାହା ୨୦୨୨ ମସିହାରେ ୧୦୦ କୋଟି ଟଙ୍କାକୁ ବୃଦ୍ଧି ପାଇଛି । ଆଇଟମ୍ ନମ୍ବର ବ୍ୟତୀତ, ମଲାଇକା ଅନେକ ଶୋ'ର ଜଜ୍ ଭାବେ ମଧ୍ୟ ନଜର ଆସନ୍ତି । ଏଥି ସହିତ, ସେ ବ୍ରାଣ୍ଡ ଏଣ୍ଡୋର୍ସମେଣ୍ଟରୁ ମଧ୍ୟ ବେଶ୍ ଅଧିକ ଆୟ କରନ୍ତି । ଅଭିନେତ୍ରୀ ମଲାଇକା 'ନଚ୍ ବଲିୟେ', 'ଜରା ନଚ୍ କେ ଦିଖା', 'ଝଲକ୍ ଦିଖଲାଜା', 'ଇଣ୍ତିଆସ୍ ଗଟ୍ ଟ୍ୟାଲେଣ୍ଟ୍', ଭଳି ଅନେକ ରିଆଲିଟି ସୋ'ରେ ଜଜ୍ ଭାବେ ନଜର ଆସନ୍ତି । ରିପୋର୍ଟ ଅନୁଯାୟୀ, ସୋ'ର ଗୋଟିଏ ଏପିସୋଡ୍ ପାଇଁ ସେ ପ୍ରାୟ ୮ ରୁ ୯ ଲକ୍ଷ ଟଙ୍କା ଫି' ନିଅନ୍ତି ।
ଆଜିକାଲି ନିଜ ଆଗାମୀ ସୋ' 'Moving In With Malaika'କୁ ନେଇ ବେଶ୍ ଚର୍ଚ୍ଚାରେ ରହିଛନ୍ତି । ଡିସେମ୍ବର ୫, ୨୦୨୨ରୁ ଡିସ୍ନି ପ୍ଲସ୍ ହଟଷ୍ଟାରରେ ଏହି ସୋ ଷ୍ଟ୍ରିମିଂ ହେବ । ଏହା କାର୍ଯ୍ୟକ୍ରମରେ ଅନେକ ବଲିଉଡ କଳାକରଙ୍କୁ ଦେଖିବା ପାଇଁ ମିଳିବ ଯେଉଁ ମାନଙ୍କ ବ୍ୟକ୍ତିଗତ ଜୀବନ ବିଷୟରେ ଅନେକ କଥା ଜାଣିବା ପାଇଁ ପାଇବେ ଦର୍ଶକ ।