55ତମ ଜନ୍ମଦିନ ପାଳୁଛନ୍ତି ମାଧୁରୀ ଦୀକ୍ଷିତ

55ତମ ବର୍ଷରେ ପାଦ ଦେଲେ ବଲିଉଡ ବିୟୁଟି ମାଧୁରୀ ଦୀକ୍ଷିତ। ନିଜର କିଲର ସ୍ମାଇଲରେ ଦର୍ଶକଙ୍କୁ ମତୁଆଲା କରନ୍ତି ଏହି ଅଭନେତ୍ରୀ ।

Published: Sunday, May 15, 2022, 13:48 [IST]

ମୁମ୍ବାଇ: 55ତମ ବର୍ଷରେ ପାଦ ଦେଲେ ବଲିଉଡ ବିୟୁଟି ମାଧୁରୀ ଦୀକ୍ଷିତ। ନିଜର କିଲର ସ୍ମାଇଲରେ ଦର୍ଶକଙ୍କୁ ମତୁଆଲା କରନ୍ତି ଏହି ଅଭନେତ୍ରୀ । ସୌନ୍ଦର୍ଯ୍ୟକୁ ନେଇ ଚର୍ଚ୍ଚାରେ ରହୁଥିବା ଏହି ବଲିଉଡ ଅଭିନେତ୍ରୀ ଆଜି ବି ଚର୍ଚ୍ଚାରେ ।

ମାଧୁରୀ 15 ମଇ 1967 ରେ ମହାରାଷ୍ଟ୍ରର ମୁମ୍ବାଇରେ ଜନ୍ମଗ୍ରହଣ କରିଥିଲେ। କଳାପ୍ରତି ତାଙ୍କର ଦୁର୍ବଳତା ତାଙ୍କୁ ଆଜି ଜଣେ ସଫଳ ଅଭିନେତ୍ରୀ ଭାବେ ପରିଚିତ କରେଇ ପାରିଛି । ତାଙ୍କ ନୃତ୍ୟ ଦକ୍ଷତା ସହିତ ପୁରା ଚଳଚ୍ଚିତ୍ର ଇଣ୍ଡଷ୍ଟ୍ରିରେ ପ୍ରସିଦ୍ଧ । ମାଧୁରୀ ତାଙ୍କ ଚଳଚ୍ଚିତ୍ର କ୍ୟାରିଅର୍ 1984 ରେ 'ଅବୋଧ' ଚଳଚ୍ଚିତ୍ରରୁ ଆରମ୍ଭ କରିଥିଲେ । 80 ଦଶକରେ ସେ 'ତେଜାବ' (1988), 'ରାମ ଲଖନ' (1989) ଏବଂ 'ତ୍ରିଦେବ' (1989) ଆଦି ଚଳଚ୍ଚିତ୍ରରେ କାମ କରିଛନ୍ତି ।

80 ଦଶକରେ କିଛି ଚଳଚ୍ଚିତ୍ର ପରେ ସେ 1999 ମସିହାରେ ବିବାହ ପରେ,ପୁକାର (2000) ଏବଂ ଦେବଦାସ (2002) ଭଳି ହିଟ୍ ଫିଲ୍ମରେ କାମ କରିଥିଲେ । ସେ ବର୍ତ୍ତମାନ ପର୍ଯ୍ୟନ୍ତ 70 ରୁ ଅଧିକ ଚଳଚ୍ଚିତ୍ରରେ କାମ କରିଛନ୍ତି ।

ମାଧୁରୀ ତାଙ୍କ ଦମଦାର ଅଭିନୟ ପାଇଁ 6 ଟି ଫିଲ୍ମଫେୟାର ପୁରସ୍କାର ନିଜ ନାଁରେ କରିଛନ୍ତି । 2012 ରେ ଫୋର୍ବସ୍ ଇଣ୍ଡିଆର ସେଲିବ୍ରିଟି 100 ତାଲିକାରେ ଦୀକ୍ଷିତ ସାମିଲ ଥିଲା ତାଙ୍କର ନାମ । କେବଳ ସିନେମା ନୁହେଁ ୱେବ ସିରିଜରେ ମଧ୍ୟ ନିଜର ଅଭିନୟର ଯାଦୁ ଦେଖାଇଛନ୍ତି ସେ । ନିକଟରେ ୱେବ୍ ସିରିଜ୍ 'ଦ ଫେମ୍ ଗେମ୍'ରେ ନଜର ଆସିଥିଲେ ମାଧୁରୀ।

Published On May 15, 2022