ଫେରି ପାରିଲେନି ତପୁ, ନଇଁଗଲା ସଞ୍ଜ

କରୋନାରୁ ସୁସ୍ଥ ହେଲା ପରେ ମଧ୍ୟ ଫୁସଫୁସ ସଂକ୍ରମିତ ହୋଇ ଯାଇଥିବାରୁ ବଞ୍ଚିବା କଷ୍ଟକର ହୋଇ ପଡିଥିଲା । ତେବେ ତପୁ ମିଶ୍ରଙ୍କ ନିଧନରେ ତାଙ୍କ ଫିଲ୍ମ ଓ ଅଲବମ ଯାତ୍ରକୁ ଟିକେ ମନେ ପକାଇବା ।

| Updated: Sunday, June 20, 2021, 13:04 [IST]

କିଛି ବାଟ ଚାଲି ପୁଣି... ଫେରିଯିବି ଭାବି ଥିଲି, ହେଲେ ସଞ୍ଜ ନଇଁ ଯିବ ଭାବି ନଥିଲି... ଓଡିଆ କଣ୍ଠଶିଳ୍ପୀ ସ୍ବର୍ଗତ ତପୁ ମିଶ୍ରଙ୍କ କଣ୍ଠରୁ ଏହି ହୃଦୟ ସ୍ପର୍ଶୀ ଗୀତଟି ଆଜି ତାଙ୍କର ପ୍ରତିଟି ପ୍ରଶଂସକଙ୍କ ମନକୁ ଆନ୍ଦୋଳିତ କରୁଛି । କାରଣ ଗତକାଲି ବିଳମ୍ବିତ ରାତି ସେ ତାଙ୍କ ପ୍ରଶଂସକମାନଙ୍କୁ ଅଲବିଦା କହି ଦେଇଛନ୍ତି ।

ଗୁମସୁମ ଗୁମସୁମ ଆଖି ତୋର ଖେଳେ ଲୁଚକାଳି... ବିଗତ କିଛି ଦିନ ଧରି ମହାମାରୀ କରୋନା ସହ ଏମିତି ଲୁଚକାଳି ଖେଳି ଶେଷରେ ହାରିଗଲେ ତପୁ । କରୋନାରୁ ସୁସ୍ଥ ହେଲା ପରେ ମଧ୍ୟ ଫୁସଫୁସ ସଂକ୍ରମିତ ହୋଇ ଯାଇଥିବାରୁ ବଞ୍ଚିବା କଷ୍ଟକର ହୋଇ ପଡିଥିଲା । ତେବେ ତପୁ ମିଶ୍ରଙ୍କ ନିଧନରେ ତାଙ୍କ ଫିଲ୍ମ ଓ ଅଲବମ ଯାତ୍ରକୁ ଟିକେ ମନେ ପକାଇବା ।

ଓଡିଆ ଅଲବମ ଇଣ୍ଡଷ୍ଟ୍ରୀରୁ ନିଜ କ୍ୟାରିଅର ଆରମ୍ଭ କରିଥିବା ତପୁ ମିଶ୍ର ଶତାଧିକ ଓଡିଆ ଚଳଚିତ୍ର ଓ ଓଡିଆ ଆଲବମ ଗୀତରେ କଣ୍ଠଦାନ କରିଛନ୍ତି । ସେ ଗାଇଥିବା ପ୍ରତିଟି ଗୀତ ପ୍ରାୟତଃ ସୁପରହିଟ୍ ହୋଇଛି । ଏହାଛଡ଼ା ତପୁ ଦୂରଦର୍ଶନ କାର୍ଯ୍ୟକ୍ରମରେ ଜଣେ ବିଚାରକ ଭାବରେ ମଧ୍ୟ କାର୍ଯ୍ୟ କରିଛନ୍ତି । ତରଙ୍ଗ ଟିଭିରେ ପ୍ରସାରିତ କାର୍ଯ୍ୟକ୍ରମ ଭଏସ୍ ଅଫ୍ ଓଡ଼ିଶାରେ ମଧ୍ୟ ବିଚାରକ ଭାବରେ କାର୍ଯ୍ୟ କରିଥିଲେ । ଯେଉଁଥିରେ ତାଙ୍କ ସହ ଗୁଡ୍‌ଲି ରଥ ଏବଂ ପମି ଅନ୍ୟ ବିଚାରକ ଭାବରେ କାର୍ଯ୍ୟ କରିଥିଲେ । ତେବେ ନିମ୍ନରେ ତପୁ ମିଶ୍ର କଣ୍ଠଦାନ କରିଥିବା କିଛି ସୁପରହିଟ ଓଡିଆ ଚଳଚିତ୍ରର ତାଲିକା-