ଓସ୍କାରରେ ଏଣ୍ଟ୍ରି କଲା 'Laapataa Ladies'
Laapataa Ladies Entry In Academy Award 2025: ଚେନ୍ନାଇରେ ଏକ କାର୍ଯ୍ୟକ୍ରମରେ 'ଦ ଫିଲ୍ମ ଫେଡେରେସନ୍ ଅଫ୍ ଇଣ୍ଡିଆ' ପକ୍ଷରୁ ଓସ୍କାର ପୁରସ୍କାର 2025 ପାଇଁ କିରଣ ରାଓଙ୍କ ଫିଲ୍ମ 'Laapataa Ladies'ର ଏଣ୍ଟ୍ରୀ ନେଇ ଘୋଷଣା କରାଯାଇଛି । ଏହି ଖୁସି ଖବର ପାଇବା ପରେ ଫିଲ୍ମର ନିର୍ଦ୍ଦେଶକ କିରଣ ରାଓ ଏବଂ ଟିମ୍ ଖୁସି ବ୍ୟକ୍ତ କରିଛନ୍ତି। ଓସ୍କାର ପୁରସ୍କାର 2025 ରେ ତାଙ୍କ ଚଳଚ୍ଚିତ୍ରର ଅଫିସିଆଲ୍ ଏଣ୍ଟ୍ରିରେ କିରଣ ଖୁବ୍ ଉତ୍ସାହିତ ଅଛନ୍ତି ।
ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, ଏହି ଫିଲ୍ମର ନିର୍ଦ୍ଦେଶନା ଆମୀର ଖାନଙ୍କ ଏକ୍ସ ୱାଇଫ୍ କିରଣ ରାଓ ଦେଇଛନ୍ତି । ଏହାକୁ କିରଣ, ଆମୀର ଖାନ ଏବଂ ଜ୍ୟୋତି ଦେଶପାଣ୍ଡେ ମିଳିତ ଭାବେ ପ୍ରଡ୍ୟୁସ କରିଛନ୍ତି। ସେହିପରି ଏହି ଫିଲ୍ମରେ ରବି କିଶନ, ନିତାନଶି ଗୋୟଲ, ପ୍ରତୀଭା ରାଣା, ସ୍ପର୍ଶ ଶ୍ରୀବାସ୍ତବ ଏବଂ ଛାୟା କଦମଙ୍କୁ ଗୁରୁତ୍ୱପୂର୍ଣ୍ଣ ଭୂମିକାରେ ଦେଖିବା ପାଇଁ ମିଳିଥିଲା ।
ଏହି ଚଳଚ୍ଚିତ୍ର ଚଳିତ ବର୍ଷ ମାର୍ଚ୍ଚ 1 ରେ ମୁକ୍ତିଲାଭ କରିଥିଲା। ଓସ୍କାରରେ ତାଙ୍କ ଫିଲ୍ମର ପ୍ରବେଶ କରିବା ପରେ ସୋସିଆଲ ମିଡିଆରେ ପୋଷ୍ଟ କରି କିରଣ ରାଓ ନିଜ ଖୁସି ବ୍ୟକ୍ତ କରିଛନ୍ତି। ସେ ଏକ ଇନଷ୍ଟାଗ୍ରାମ ପୋଷ୍ଟରେ ଲେଖିଛନ୍ତି, 'ମୁଁ ବହୁତ ଗର୍ବିତ ଏବଂ ଖୁସି ଯେ ଆମ ଚଳଚ୍ଚିତ୍ର'ଲାପତା ଲେଡିଜ୍ 'ଏକାଡେମୀ ପୁରସ୍କାର ପାଇଁ ଭାରତର ଅଫିସିଆଲ୍ ଏଣ୍ଟ୍ରି ଭାବେ ମନୋନୀତ ହୋଇଛି । ଏହି ସମ୍ମାନ ମୋର ସମଗ୍ର ଦଳର କଠିନ ପରିଶ୍ରମକୁ ପ୍ରତିଫଳିତ କରେ, ମୋ ଟିମର ନିଷ୍ଠା ଏବଂ ଉତ୍ସାହ ଏହି କାହାଣୀକୁ ଜୀବନ୍ତ କରିଥିଲା । ମୁଁ ଆଶା କରୁଛି ଯେ ଏହି ଚଳଚ୍ଚିତ୍ରଟି ସମଗ୍ର ବିଶ୍ୱରେ ଏକ ନୂଆ ପରିଚୟ ସୃଷ୍ଟି କରୁ।
Click it and Unblock the Notifications
Sign in with Google