Year Ender 2024: ସ୍ତ୍ରୀ 2 ରୁ ଲାପତା ଲେଡିଜ୍' ବଡ଼ ଧମାକା ଆଣିଥିଲା କମ ବଜେଟ୍ ସିନେମା; ଲୋକପ୍ରିୟତା ସହ ଛାପିଲା ମୋଟା ନୋଟ୍

ମନୋରଞ୍ଜନ ଦୁନିଆରେ ଅନେକ ବଡ ବଜେଟ୍ ଚଳଚ୍ଚିତ୍ର ମୁକ୍ତିଲାଭ କରିଥାଏ, ଯାହା ବିଷୟରେ ଅନେକ ଚର୍ଚ୍ଚା ରହିଥାଏ । 2024ରେ ମନୋରଞ୍ଜନ ଇଣ୍ଡଷ୍ଟ୍ରି ପାଇଁ ମଧ୍ୟ ଖାସ୍ ରହିଥିଲା । ଏହି ବର୍ଷ ଅନେକ ଫିଲ୍ମ ରିଲିଜ ହୋଇଥିଲା ଯାହା ବକ୍ସ ଅଫିସରେ ସଫଳତା ହାସଲ କରିଛି । ଏଥିମଧ୍ୟରେ କିଛି ଏପରି ଚଳଚ୍ଚିତ୍ର ଅଛି, ଯାହା ସ୍ୱଳ୍ପ ବଜେଟ୍ ଥାଇ ମଧ୍ୟ ଦର୍ଶକଙ୍କ ମନ ଜିତିବା ସହ ବ୍ଲକବ୍ଲଷ୍ଟ ପ୍ରମାଣିତ ହୋଇଛି ।

1. 'ସ୍ତ୍ରୀ 2'

ସ୍ୱଳ୍ପ ବଜେଟ୍ ଏବଂ ଅଧିକ ଆୟ କରୁଥିବା ଚଳଚ୍ଚିତ୍ର ତାଲିକାରେ ଶ୍ରଦ୍ଧା କପୁର ଏବଂ ରାଜକୁମାର ରାଓଙ୍କ ହରର କମେଡି 'ସ୍ତ୍ରୀ ୨' ଅନ୍ତର୍ଭୁକ୍ତ । ଏହି ଚଳଚ୍ଚିତ୍ର ନିର୍ମାଣ ପାଇଁ ଅମର କୌଶିକ 60 କୋଟି ଟଙ୍କା ଖର୍ଚ୍ଚ କରିଥିଲେ। ଏହା ବକ୍ସ ଅଫିସରେ ରିଲିଜ୍ ହେବା ମାତ୍ରେ ଅନେକ ରେକର୍ଡ ଭାଙ୍ଗିବା ସହ ବିପୁଳ ରୋଜଗାର କରିଛି । ଶ୍ରଦ୍ଧା କପୁର ଏବଂ ରାଜକୁମାର ରାଓଙ୍କ ହରର କମେଡି ସାରା ବିଶ୍ୱରେ 880 କୋଟି ଟଙ୍କା ବ୍ୟବସାୟ କରିଛି। 'ସ୍ତ୍ରୀ ୨' ଚଳିତ ବର୍ଷର ସର୍ବାଧିକ ଆୟ କରିଥିବା ହିନ୍ଦୀ ଚଳଚ୍ଚିତ୍ର ଭାବରେ ପରିଣତ ହୋଇଛି।

2. 'ଲାପତା ଲେଡିଜ୍'

କିରଣ ରାଓଙ୍କ ନିର୍ଦ୍ଦେଶିତ 'ଲାପତା ଲେଡିଜ୍' ଚଳିତ ବର୍ଷର ସବୁଠାରୁ ଚର୍ଚ୍ଚିତ ଚଳଚ୍ଚିତ୍ର ମଧ୍ୟରୁ ଅନ୍ୟତମ । ଏହି ଚଳଚ୍ଚିତ୍ରରେ ନିତାଂସି ଗୋୟଲ, ପ୍ରତୀଭା ରାଣ୍ଟା, ସ୍ପର୍ଶ ଶ୍ରୀବାସ୍ତବ, ରବି କିଶନ ଏବଂ ଛାୟା ପ୍ରମୁଖ ଭୂମିକାରେ ଅଛନ୍ତି। ତେବେ ପ୍ରେକ୍ଷାଳୟ ପ୍ରତି ଦର୍ଶକଙ୍କୁ ଆକର୍ଷିତ କରିବାରେ 'ଲାପତା ଲେଡିଜ୍' ନିଶ୍ଚିତ ଭାବରେ ବିଫଳ ହୋଇଥିଲା । କିନ୍ତୁ, ଯେତେବେଳେ ଏହା OTT ରେ ରିଲିଜ ହେଲା, ଏହା ଏକ ଆଲୋଡ଼ନ ସୃଷ୍ଟି କରିଥିଲା । ନେଟଫ୍ଲିକ୍ସରେ ପ୍ରିମିୟର୍ ହେବା ପରେ ଫିଲ୍ମଟି ଅଧିକ ପ୍ରଶଂସା ଏବଂ ସ୍ୱୀକୃତି ଲାଭ କରିଥିଲା ।| 10 କୋଟି ଟଙ୍କା ବଜେଟରେ ନିର୍ମିତ ଏହି ଚଳଚ୍ଚିତ୍ରଟି ଓସ୍କାରରେ ଶ୍ରେଷ୍ଠ ଅନ୍ତର୍ଜାତୀୟ ଫିଚର ଫିଲ୍ମ ବର୍ଗରେ ମନୋନୀତ ହୋଇଥିଲା । ହେଲେ ର୍ଦୁଭାଗ୍ୟ ବଶତଃ ଓସ୍କାର ରେସରୁ ବାଦ ପଡିଲା । 'ଲାପତା ଲେଡିଜ୍' ସାରା ବିଶ୍ୱରେ 27.66 କୋଟି ଟଙ୍କା ରୋଜଗାର କରିଛି । ଏହି ଚଳଚ୍ଚିତ୍ରଟି ନେଟଫ୍ଲିକ୍ସରେ 13.8 ମିଲିୟନ୍ ଭ୍ୟୁ ପାଇଥିଲା, ଯାହା ଏକମାତ୍ର ଅଣ-ଇଂରାଜୀ ଚଳଚ୍ଚିତ୍ର ହୋଇ OTT ରେ ରେକର୍ଡ ଭାଙ୍ଗିଥିଲା ।

3.'ହନୁମାନ'

ତେଜା ସାଜାଙ୍କ ଅଭିନୀତ ପ୍ରଶାନ୍ତ ଭର୍ମାଙ୍କ ନିର୍ଦ୍ଦେଶିତ 'ହନୁ-ମ୍ୟାନ୍' ଏକ ତେଲୁଗୁ ସୁପରହିଟ୍ ଫିଲ୍ମ 'ହନୁମାନ' । 40 କୋଟି ଟଙ୍କାର ବଜେଟରେ ନିର୍ମିତ ଏହି ଚଳଚ୍ଚିତ୍ର ସାରା ବିଶ୍ୱରେ 350 କୋଟି ଟଙ୍କା ଆୟ କରିବା ସହ ଲୋକପ୍ରିୟତା ହାସଲ କରିଥିଲା । ଏହି ଚଳଚ୍ଚିତ୍ରରେ ବରଲକ୍ଷ୍ମୀ ସରଥକୁମାର, ଅମୃତା ଆୟର୍ ଏବଂ ବିନୟ ରାୟ ମଧ୍ୟ ଅଭିନୟ କରିଛନ୍ତି।

4. 'ସୈତାନ'

ଅଜୟ ଦେବଗନଙ୍କ ଫିଲ୍ମ 'ସୈତାନ' ସ୍ୱଳ୍ପ ବଜେଟର ଚଳଚ୍ଚିତ୍ର ମଧ୍ୟରୁ ଅନ୍ୟତମ । 40 କୋଟି ଟଙ୍କା ବଜେଟରେ ନିର୍ମିତ ଏହା ଏକ ହରରର କଳା ଯାଦୁ ଆଧାରିତ ଚଳଚ୍ଚିତ୍ର । ଯାହା ସାରା ବିଶ୍ୱରେ 211.06 କୋଟି ଟଙ୍କା ରୋଜଗାର କରିଛି । ଏହି ଚଳଚ୍ଚିତ୍ରରେ ଲୋକମାନେ ଆର. ମାଧବନଙ୍କ ଅଭିନୟ ବହୁତ ପସନ୍ଦ କରିଥିଲେ ଲୋକେ ।

5. 'ଆର୍ଟିକିଲ 370'

ୟାମି ଗୌତମଙ୍କ ଆକ୍ସନ୍ ଥ୍ରୀଲର ଚଳଚ୍ଚିତ୍ର 'ଆର୍ଟିକିଲ 370' ଚଳିତ ବର୍ଷ ଖବରରେ ଥିଲା । ଆଦିତ୍ୟ ଧରଙ୍କ ଦ୍ୱାରା ନିର୍ମିତ ଏହି ଚଳଚ୍ଚିତ୍ର 20 କୋଟି ଟଙ୍କା ବଜେଟରେ ନିର୍ମିତ ଏହି ଚଳଚ୍ଚିତ୍ର 100 କୋଟି ଟଙ୍କାର ଅତିକ୍ରମ କରିବାରେ ସଫଳ ହୋଇଥିଲା। ଏହା ସାରା ବିଶ୍ୱରେ 110.57 କୋଟି ଟଙ୍କା କଲେକ୍ସନ କରିଛି । ଏହି ଫିଲ୍ମଟି ଦ କାଶ୍ମୀର ଫାଇଲ୍ସ ପରି ଜାମ୍ମୁ କାଶ୍ମୀରର ସମସ୍ୟା ଉପରେ ଆଧାରିତ । ଏହି ଚଳଚ୍ଚିତ୍ରରେ ସାଉଥ ଅଭିନେତ୍ରୀ ପ୍ରିୟା ମଣି ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିଛନ୍ତି । ଏହି ଚଳଚ୍ଚିତ୍ରରେ ଅରୁଣ ଗୋବିଲ, ବୈଭବ ତତ୍ବବାଦୀ, ସ୍କନ୍ଦ ଠାକୁର ଏବଂ ଅଶ୍ବିନୀ କୌଲଙ୍କୁ ମଧ୍ୟ ମୁଖ୍ୟ ଭୂମିକାରେ ଦେଖିବାକୁ ମିଳିଛି । ଅନ୍ୟପଟେ ଶିକ୍ଷଣୀୟ ରାଷ୍ଟ୍ରବାଦୀ ସିନେମା ଲୋକକୁ ଆକର୍ଷିତ କରିଥିଲା ।