'ଦ କପିଲ୍ ଶର୍ମା ଶୋ'କୁ ଗଲେ ଫିଲ୍ମ ଫ୍ଲପ୍ ହୁଏ, ଜାଣନ୍ତୁ କେଉଁ ଅଭିନେତା ଦେଲେ ଏପରି ମତ...

ମୁମ୍ବାଇ: ଟେଲିଭିଜନର ଏକ ପ୍ରସିଦ୍ଧ କମେଡି ଶୋ 'ଦ କପିଲ୍ ଶର୍ମା ଶୋ' । ଏହି ଶୋ'କୁ ଏକ ଲୋକପ୍ରିୟ କମେଡି ଶୋ' ଭାବରେ ବିବେଚନା କରାଯାଏ । ଯେଉଁଠାରେ କପିଲ ଶର୍ମା ତାଙ୍କର ଉତ୍କୃଷ୍ଟ କମେଡି ଏବଂ ନିଜ ଟ୍ୟାଲେଣ୍ଟରେ ଦର୍ଶକଙ୍କର ବେଶ୍ ମନୋରଞ୍ଜନ କରନ୍ତି । ଅନେକ ବଲିଉଡ ତାରକା ନିଜ ଚଳଚ୍ଚିତ୍ରର ପ୍ରମୋସନ ପାଇଁ ଏହି ଶୋ'କୁ ଆସିଥାନ୍ତି । ଯାହାକୁ ଟାର୍ଗେଟ୍ କରି KRK କହିଛନ୍ତି ଯେ ଅଭିନେତାମାନେ ଏହି ଶୋ'କୁ ଯାଇ ସେମାନଙ୍କ ଚଳଚ୍ଚିତ୍ରକୁ ନଷ୍ଟ କରିଦେଉଛନ୍ତି ।

ନିଜକୁ ଚଳଚ୍ଚିତ୍ର ସମାଲୋଚକ ଭାବେ ଦାବି କରୁଥିବା KRK ସର୍ବଦା ବଲିଉଡ ବିଷୟରେ ବିବାଦୀୟ ଟ୍ୱିଟ୍ କରନ୍ତି । ପ୍ରତ୍ୟକ ଷ୍ଟାରଙ୍କର ଫିଲ୍ମକୁ ସେ ନିନ୍ଦା କରନ୍ତି । ଏପରକି କଳାକାରଙ୍କୁ ଅପମାନିତ କରିବା ପାଇଁ ମଧ୍ୟ ପଛାନ୍ତି ନାହିଁ । ଏବେ ସେ 'ଦ କପିଲ ଶର୍ମା ଶୋ'କୁ ନେଇ ଏକ ବିବାଦିୟ ଟ୍ୱିଟ୍ କରିଛନ୍ତି ।

Team #ThankGod #DoubleXL #PhoneBhoot etc went to #KapilSharma show to make film hit but all are flops. Same story of each week. #KashmirFiles team didn’t go to #KSS and film was blockbuster. Actually actors go to #KapilSharma show to give him TRP by destroying their own films.

— KRK (@kamaalrkhan) November 5, 2022

ଏହି ଟୁଇଟ୍‌ରେ KRK ଲେଖିଛନ୍ତି, 'ଥ୍ୟାଙ୍କ୍ ଗଡ୍' 'ଡବଲ୍ ଏକ୍ସଏଲ୍' 'ଫୋନ୍ ଭୂତ' ଭଳି ଚଳଚ୍ଚିତ୍ରର ଟିମ୍ 'କପିଲ୍ ଶର୍ମା ଶୋ'କୁ ଯାଇ ସେମାନଙ୍କ ଚଳଚ୍ଚିତ୍ରକୁ ହିଟ୍ କରିବା ପାଇଁ ଚାହୁଁଥିଲେ, କିନ୍ତୁ ସମସ୍ତ ଫିଲ୍ମ ଫ୍ଲପ୍ ହୋଇଛି । 'କାଶ୍ମୀର ଫାଇଲ୍ସ'ର ଟିମ୍ ଶୋ'କୁ ଯାଇ ନଥିଲେ ଏବଂ ଫିଲ୍ମଟି ବ୍ଲକବଷ୍ଟର ହୋଇଛି । ବାସ୍ତବରେ ଅଭିନେତାମାନେ ସେମାନଙ୍କର ଚଳଚ୍ଚିତ୍ରକୁ ନଷ୍ଟ କରି 'ଦ କପିଲ ଶର୍ମା ଶୋ'କୁ ଟିଆରପି ଦେଇଥାନ୍ତି ।

ଫିଲ୍ମ'RRR' ନେଇ ୟୁଜର୍ସ ପଚାରିଲେ ପ୍ରଶ୍ନ

RRR team bhi #TheKapilSharmaShow me gyi thi, vo to blockbuster nikali.
tumane bhi film ki bahut illogical bate batayi, phir bhi film chala

— Parth Agrwal (@agrwal_parth0) November 5, 2022

ସୂଚନାଯୋଗ୍ୟ ଯେ ଯେତେବେଳେ ବି KRK ଏଭଳି ଟ୍ୱିଟ୍ କରନ୍ତି, ତାଙ୍କୁ ଅନେକ ସୋସିଆଲ ମିଡିଆ ୟୁଜର୍ସ ଟ୍ରୋଲ କରିବା ପାଇଁ ପଛାନ୍ତି ନାହିଁ । କପିଲଙ୍କ ଶୋ'ର ନିନ୍ଦା କରିବା ପରେ ଏବେ କେଆରକେଙ୍କୁ ଅନେକ ପ୍ରଶ୍ନ ପଚରାଯାଉଛି । KRKଙ୍କ ଟ୍ୱିଟର ଜବାବ ଦେଇ ଜଣେ ୟୁଜର୍ ଲେଖିଛନ୍ତି ଯେ 'ଆରଆରଆର' ଟିମ୍ ମଧ୍ୟ 'ଦ କପିଲ ଶର୍ମା ଶୋ'କୁ ଯାଇଥିଲେ ଏବଂ ଏହା ଏକ ବ୍ଲକବଷ୍ଟର ଫିଲ୍ମ । ସେହି ପରି ଆଉ ଜଣେ ବ୍ୟକ୍ତି ଲେଖିଛନ୍ତି ଯେ ସେମାନେ ଫିଲ୍ମକୁ ପ୍ରମୋଟ୍ କରନ୍ତି, ହିଟ୍ କିମ୍ବା ଫ୍ଲପ୍ ନୁହେଁ । ଅବଶ୍ୟ, ଏହା ପ୍ରଥମ ଘଟଣା ନୁହେଁ । ତେବେ ଏହା ପ୍ରଥମ ଥର ନୁହେଁ ପୂର୍ବରୁ ମଧ୍ୟ KRKଙ୍କୁ ନିଜ ଟ୍ୱିଟ୍ ପାଇଁ ଟ୍ରୋଲର ଶିକାର ହେବା ପାଇଁ ପଡିଥାଏ । ନିକଟରେ ତାଙ୍କୁ ଏକ ପୁରୁଣା ବିବାଦୀୟ ଟ୍ୱିଟ୍ ପାଇଁ ଜେଲ ଯିବାକୁ ପଡିଥିଲା ।

English summary

KRK On Kapil Sharma Show