ଜାଣନ୍ତୁ ଗୁଜୁରାଟ ଜାମନଗରରେ କ'ଣ ପାଇଁ ହେଉଛି ଅନନ୍ତ -ରାଧିକାଙ୍କ Pre Wedding କାର୍ଯ୍ୟକ୍ରମ
Anant-Radhika Pre Wedding: ଦେଶର ସବୁଠୁ ବଡ ବ୍ୟବସାୟୀ ମୁକେଶ ଅମ୍ବାନୀଙ୍କ ସାନପୁଅ ଅନନ୍ତ ଅମ୍ବାନୀ ରାଧିକା ମର୍ଚାଣ୍ଟଙ୍କ ସହ ବିବାହ କରିବା ପାଇଁ ଯାଉଛନ୍ତି । ବର୍ତ୍ତମାନ ଏହି ରାଧିକା-ଅନନ୍ତଙ୍କ ପ୍ରି-ୱେଡିଙ୍ଗ୍ ବିବାହ ସେଲିବ୍ରେସନକୁ ଚର୍ଚ୍ଚା ଲାଗି ଲାଗି ରହିଛି । ମାର୍ଚ୍ଚ 1-3 ତାରିଖ ପର୍ଯ୍ୟନ୍ତ ଗୁଜୁରାଟର ଜାମନଗରରେ ଅନନ୍ତ ଅମ୍ବାନୀ ଏବଂ ରାଧିକା ମର୍ଚାଣ୍ଟଙ୍କ ପ୍ରି-ୱେଡିଙ୍ଗ୍ କାର୍ଯ୍ୟକ୍ରମ ଅନୁଷ୍ଠିତ ହେବ । ଏଥିରେ ସମସ୍ତ ବଲିଉଡ ତାରକା, ରାଜନୈତିକ ବ୍ୟକ୍ତିତ୍ୱ, ବଡ଼ ବଡ଼ ବ୍ୟବସାୟୀ, ଅନ୍ତର୍ଜାତୀୟ ଅତିଥିମାନେ ମଧ୍ୟ ଏହି କାର୍ଯ୍ୟକ୍ରମରେ ଯୋଗଦେବେ ।
ବର୍ତ୍ତମାନ ଅନନ୍ତ ଏବଂ ରାଧିକାଙ୍କ ବିବାହ ପୂର୍ବ କାର୍ଯ୍ୟ ପାଇଁ ଅତୁଳନୀୟ ପ୍ରସ୍ତୁତି ଆରମ୍ଭ ହୋଇଯାଇଛି । ହେଲେ ଆପଣ ଜାଣିଛନ୍ତି କି, ଏହି ଇଭେଣ୍ଟ ଗୁଜୁରାଟ ଜାମନଗରରେ କ'ଣ ପାଇଁ ହେଉଛି ।
ଇଣ୍ଡିଆ ଟୁଡେକୁ ଦିଆଯାଇଥିବା ଏକ ସାକ୍ଷାତକାରରେ ଅନନ୍ତ ଅମ୍ବାନୀ ଗୁଜୁରାଟର ଜାମନଗରରେ ଆୟୋଜିତ ହେବାକୁ ଥିବା ବିବାହ ପୂର୍ବର ବିଶେଷ କାରଣ ପ୍ରକାଶ କରିଛନ୍ତି। ଅନନ୍ତ କହିଛନ୍ତି ଯେ ନିକଟରେ ପ୍ରଧାନମନ୍ତ୍ରୀ ମୋଦି ଭାରତରେ ବିବାହ କରିବାକୁ ଆବେଦନ କରିଥିଲେ। ପିଏମ ମୋଦିଙ୍କ ଏହି ଆବେଦନ ତାଙ୍କୁ ଖୁବ୍ ପ୍ରଭାବିତ କରିଛି ତେଣୁ ସେ ନିଜ ଦେଶରେ ବିବାହ କରିବାକୁ ନିଷ୍ପତ୍ତି ନେଇଛନ୍ତି।
ଜାମନଗରରେ ବିବାହ ପୂର୍ବର କାର୍ଯ୍ୟ ସଂପର୍କରେ ଅନନ୍ତ କହିଛନ୍ତି ଯେ, ତାଙ୍କ ଜେଜେମା ଜାମନଗରରେ ଜନ୍ମ ହୋଇଥିଲେ। ଏହା ବ୍ୟତୀତ ତାଙ୍କ ଜେଜେବାପା ଧୀରୁ ଭାଇ ଅମ୍ବାନୀ
ଏବଂ ତାଙ୍କ ପିତା ମୁକେଶ ଅମ୍ବାନୀ ମଧ୍ୟ ଏହି ସ୍ଥାନରୁ ବ୍ୟବସାୟ ଆରମ୍ଭ କରିଥିଲେ। ଏପରିକି ସେ ନିଜେ ମଧ୍ୟ ଜାମନଗରରେ ବଡ ହୋଇଥିଲେ। ଏଭଳି ପରିସ୍ଥିତିରେ ତାଙ୍କର ଏହି ସ୍ଥାନ ପ୍ରତି ଏକ ବିଶେଷ ସମ୍ପର୍କ ରହିଛି । ସେଥିପାଇଁ ସେ ଜାମନଗରରେ ବିବାହର କାର୍ଯ୍ୟକ୍ରମ ଏଠାରେ କରିବାର ନିଷ୍ପତ୍ତି ନେଇଛନ୍ତି ।
Click it and Unblock the Notifications
Sign in with Google