ଏହି କାରଣରୁ ପାର୍ଟି- ସୋସିଆଲ୍ ଲାଇଫରୁ ଦୂରରେ ରହିଥାନ୍ତି ବିରାଟ୍-ଅନୁଷ୍କା

Updated: Friday, May 26, 2023, 10:31 [IST]

ମୁମ୍ବାଇ: ଅନୁଷ୍କା ଶର୍ମା ଏବଂ ବିରାଟ କୋହଲିଙ୍କୁ ଇଣ୍ତଷ୍ଟ୍ରିରେ ଏକ ପାୱର କପଲ୍ ଭାବେ ବିବେଚନା କରାଯାଏ । ପ୍ରାୟତଃ ଉଭୟଙ୍କୁ ଏକାଠି ଦେଖିବା ପାଇଁ ମିଳିଥାଏ । ପରସ୍ପର ସହ ସମୟ ବିତାଇବା ପସନ୍ଦ କରନ୍ତି ଏହି ଷ୍ଟାର୍ କପଲ୍ ।

ନିକଟରେ ଉଭୟଙ୍କୁ ଇଣ୍ଡିଆନ୍ ସ୍ପୋର୍ଟସ୍ ଅନର୍ସ ରେଡ୍ କାର୍ପେଟରେ ଦେଖିବାକୁ ମିଳିଥିଲା । ଏହି ସମୟରେ ବିରାଟ ଏବଂ ଅନୁଷ୍କା ଖୋଲାଖୋଲି ଭାବେ ନିଜ ସମ୍ପର୍କ ବିଷୟରେ ଆଲୋଚନା କରିଥିଲେ । ଅନୁଷ୍କା ଏହା ମଧ୍ୟ କହିଥିଲେ ଯେ ଡେଟ୍ କରିବା ସମୟରେ ବିରାଟଙ୍କର କେଉଁ ଗୁଣ ତାଙ୍କୁ ଅଧିକ ପସନ୍ଦ ଆସିଥିଲା ।

ଷ୍ଟାର୍ ସ୍ପୋର୍ଟସ୍ ଆଲୋଚନା ବେଳେ ଅନୁଷ୍କା କହିଛନ୍ତି ଯେ, ବିରାଟ କୋହଲିଙ୍କ ମେମୋରି ବା ମନ ରଖିବା ଗୁଣ ତାଙ୍କୁ ଖୁବ ପସନ୍ଦ ଆସିଥିଲା । ଯାହା ପରେ ବିରାଟ କହିଥିଲେ, ସେ କିଛି ଖାସ କଥା ମନେ ରଖିଛନ୍ତି। ହେଲେ ବେଳେବେଳେ ସେ ଛୋଟ ଜିନିଷ ମଧ୍ୟ ଭୁଲିଯାଆନ୍ତି । ଏହା ପରେ ଅନୁଷ୍କା କହିଥିଲେ ଯେ, ଯେତେବେଳେ ମୁଁ ବିରାଟଙ୍କୁ ଡେଟ କରିବା ଆରମ୍ଭ କରିଥିଲି, ସେତେବେଳେ ତାଙ୍କ ମନ ରଖିବା ଗୁଣ ମୋତେ ଖୁବ୍ ପ୍ରଭାବିତ ହୋଇଥିଲା ।

ସୋସିଆଲ୍ ଲାଇଫରୁ କ'ଣ ପାଇଁ ଦୂରେଇ ରୁହନ୍ତି
ସାଧାରଣତଃ ସେଲିବ୍ରିଟିସ୍ ପାର୍ଟିସରେ ବିରାଟ-ଅନୁଷ୍କାଙ୍କୁ ଖୁବ୍ କମ୍ ଦେଖିବା ପାଇଁ ମିଳିଥାଏ । ଯାହାକୁ ନେଇ ଅନୁଷ୍କା କହିଛନ୍ତି, ଏହା ବାହାନା ନୁହେଁ ଏହା ସତ୍ୟ ଯେ, ତୁମର ଜୀବନରେ ଯେତେବେଳେ ଛୁଆ ଆସିଯାଆନ୍ତି ସେତେବେଳେ ତୁମର ସୋସିଆଲ ଲାଇଫ୍ କମି ଯାଏ ।

ଅନ୍ୟପକ୍ଷରେ ଆମେ ସାଧାରଣତଃ ନିଜ କାମ କରିବାକୁ ଏବଂ ଘରେ ସମୟ ବିତାଇବାକୁ ପସନ୍ଦ କରୁ । ଆମେ ପରସ୍ପର ସହିତ ସମୟ ବିତାଇବାକୁ ଅଧିକ ସମୟ ପାଉନାହୁଁ, ତେଣୁ ଯେତେବେଳେ ବି ଆମେ ସମୟ ପାଇଥାଉ, ଆମେ ଏକ ପରିବାର ଭାବରେ ସମୟ ବିତାଇବାକୁ ପସନ୍ଦ କରୁ ।

ଚକଦା ଏକ୍ସପ୍ରେସରେ ଆସିବେ ନଜର
ଅନୁଷ୍କା ଶର୍ମା ଖୁବ ଶୀଘ୍ର ଭାରତୀୟ କ୍ରିକେଟର ଝୁଲନ ଗୋସ୍ୱାମୀଙ୍କ ଉପରେ ନିର୍ମିତ ହେବାକୁ ଥିବା ଫିଲ୍ମ ଚକଦା ଏକ୍ସପ୍ରେସରେ ନଜର ଆସିବେ ।