ଘୋଷଣା ହେଲା କେଜିଏଫ୍-୨ର ରିଲିଜ୍ ଡେଟ୍
ମୁମ୍ବାଇ:କେଜିଏଫ-୨ ଚଳଚିତ୍ର ଦେଖିବା ପାଇଁ ଦୀର୍ଘ ଦୁଇ ବର୍ଷ ଧରି ଅପେକ୍ଷା କରିଥିବା ଫ୍ୟାନ ମାନଙ୍କ ପାଇଁ ଖୁସି ଖବର। ବ୍ଲକ ବଷ୍ଟର ମୁଭି କେଜିଏଫର ସେକଣ୍ଡ ଏଡିସନ ଅର୍ଥାତ 'କେଜିଏଫ-ଚାପ୍ଟର ଟୂ' ରିଲିଜ ଡେଟ ଘୋଷଣା ହୋଇଯାଇଛି। କନ୍ନଡ ଅଭିନେତା ୟସ୍ ବହୁପ୍ରତୀକ୍ଷିତ ଫିଲ୍ମ କେଜିଏଫ-୨ର ମୁକ୍ତିଲାଭ ସମ୍ପର୍କିତ ତାରିଖ ସାମାଜିକ ଗଣମାଧ୍ୟମ ଜରିଆରେ ସୁଚିତ କରିଛନ୍ତି ।
କୋବିଡ ମହାମାରୀ ଜନିତ ସଙ୍କଟକୁ ଇସାରା କରି ଫିଲ୍ମ ନିର୍ଦେଶକ ପ୍ରଶାନ୍ତ ନୀଲ କହିଛନ୍ତି ଯେ, " ଆଜିର ଅନିଶ୍ଚିତତା ଆମ ସଂକଳ୍ପରେ ଡେରି କରିପାରେ, କିନ୍ତୁ, ପ୍ରତିଶୃତି ମୁତାବକ ଆମେ ୧୪ ଏପ୍ରିଲ, ୨୦୨୨ରେ ଦେଶର ସିନେମା ଘରଗୁଡିକରେ ଶୋଭା ପାଇବୁ ।" କେଜିଏଫ-୨ ବିଭିନ୍ନ ଭାଷାରେ ମୁକ୍ତିଲାଭ କରିବ । କନ୍ନଡ, ତେଲୁଗୁ, ତାମିଲ, ମାଲୟାଲମ ଏବଂ ହିନ୍ଦୀ ଭାଷାରେ ମୁକ୍ତିଲାଭ କରିବାକୁ ପ୍ରଯୋଜକମାନେ ଯୋଜନା କରିଛନ୍ତି । ବିଜୟ କିରଙ୍ଗଦୁରଙ୍କ ଦ୍ଵାରା ନିର୍ମିତ ଏହି କନ୍ନଡ ଚଳଚିତ୍ର ବକ୍ସ ଅଫିସରେ ନୂଆ କୀର୍ତ୍ତିମାନ ସୃଷ୍ଟି କରିଥିଲା । ଫିଲ୍ମ ନିର୍ଦେଶକ ପ୍ରଶାନ୍ତ ହିଁ ଏହାର ସ୍କ୍ରିପ୍ଟ ଲେଖିଛନ୍ତି ।
ସଞ୍ଜୁ ବାବାଙ୍କ ହେବ ଏଣ୍ଟ୍ରି
ଏହି ଫିଲ୍ମରେ ବଲିଉଡ ସୁପରଷ୍ଟାର ସଞ୍ଜୟ ଦତ୍ତ ମଧ୍ୟ ଦେଖା ଦେବେ । କନ୍ନଡ ଫିଲ୍ମ ଇଣ୍ଡଷ୍ଟ୍ରିରେ ସଞ୍ଜୁ ବାବାଙ୍କ ଏହା ଡେବ୍ୟୁ ହେବାକୁ ଯାଉଛି । ଫିଲ୍ମରେ ସଞ୍ଜୟ ଅଧୀରାର ରୋଲରେ ନଜର ଆସିବେ ।
ନିଜର ଇନଷ୍ଟାଗ୍ରାମ ପେଜରେ ସଞ୍ଜୁ ଏହି ଫିଲ୍ମର ପୋଷ୍ଟର ରିଲିଜ କରିଛନ୍ତି । ଫ୍ୟାନମାନଙ୍କୁ ଏହା ବହୁତ ପସନ୍ଦ ଆସିଥିବା ଜଣା ପଡୁଛି । ଏହି ପୋଷ୍ଟରରେ ରବୀନ ଟଣ୍ଡନ, ସଞ୍ଜୟ ଦତ୍ତ, ୟସ ଏବଂ ପ୍ରକାଶ ରାଜ ନଜର ଆସୁଛନ୍ତି । ପୋଷ୍ଟର ଦେଖିବା ପରେ ଲୋକଙ୍କ ମନରେ ଉତ୍ସାହ ଆହୁରି ବଢିଯାଇଛି । ସାମାଜିକ ଗଣ ମାଧ୍ୟମରେ ଜଣେ ୟୁଜର ପୋଷ୍ଟର ଦେଖିବା ପରେ ଲେଖିଛନ୍ତି "ସାର, ବହୁତ ବହୁତ ଶୁଭ କାମନା ।" ଅନ୍ୟ ଜଣେ ୟୁଜର ଲେହିଛନ୍ତି "ସୁପର୍ବ ।"
Click it and Unblock the Notifications
Sign in with Google