ଭୂତ ସାଜି କ୍ୟାଟ୍ରିନା ଜିଣିଲେ ଦର୍ଶକଙ୍କ ମନ, ରିଲିଜର ତୃତୀୟ ଦିନରେ ଏତିକି କୋଟି ଆୟ କଲା 'ଫୋନ୍ ଭୂତ୍'

Updated: Monday, November 7, 2022, 13:01 [IST]

ମୁମ୍ବାଇ: ବିବାହ ପରେ କ୍ୟାଟ୍ରିନାଙ୍କ ପ୍ରଥମ ଫିଲ୍ମ । ଭୂତ ସାଜି ଜିଣିଲେ ଦର୍ଶକଙ୍କ ମନ । 'ମିଲି' ଓ 'ଡବଲ୍ XL'କୁ ପଛରେ ପକାଇ ଆଗରେ ରହିଛି 'ଫୋନ୍ ଭୂତ୍' । ଶନିବାର-ରବିବାର କଲା ଭଲ ଲାଭ । କ୍ୟାଟ୍ରିନାଙ୍କ ଲୁକର ଚର୍ଚ୍ଚା ।

କ୍ୟାଟ୍ରିନା କୈଫ୍ ଅଭିନୀତ 'ଫୋନ୍ ଭୂତ'କୁ ଓପିନିଂ ଦିନରୁ ହିଁ ସିନେପ୍ରେମୀଙ୍କଠୁ ଭଲ ପ୍ରତିକ୍ରିୟା ମିଳୁଛି । ୱିକେଣ୍ତରେ ଏହି ଫିଲ୍ମ ଭଲ ଆୟ କରିଛି । ଶନିବାର ଏବଂ ରବିବାର ଦିନ ବକ୍ସ ଅଫିସରେ 'ଫୋନ୍ ଭୂତ'ର ଆୟ ଭଲ ରହିଥିଲା । ସେହିପରି ମିଲି ଓ ଏବଂ 'ଡବଲ୍ ଏକ୍ସଏଲ୍' ପରି ଫିଲ୍ମ ୱିକେଣ୍ତର କିଛି ଖାସ୍ ଲାଭ୍ ପାଇପାରି ନାହିଁ ।

View this post on Instagram

A post shared by Katrina Kaif (@katrinakaif)

ତୃତୀୟ ଦିନରେ 'ଫୋନ୍ ଭୂତ୍'ର ଆୟ
କ୍ୟାଟ୍ରିନା କୈଫ, ସିଦ୍ଧାନ୍ତ ଏବଂ ଇଶାନ ଖଟ୍ଟରଙ୍କ ଅଭିନୀତ 'ଫୋନ୍ ଭୂତ୍' ପ୍ରଥମ ଦିନରେ ବକ୍ସ ଅଫିସରେ ୨.୦୫ କୋଟି ଟଙ୍କା ସଂଗ୍ରହ କରିଥିଲା । ଶନିବାର ଦ୍ୱିତୀୟ ଦିନରେ ଏହି ଫିଲ୍ମ ୨.୭୫ କୋଟି ରୋଜଗାର କରିଥିଲା । ଗଣମାଧ୍ୟମର ରିପୋର୍ଟ ଅନୁଯାୟୀ, ପ୍ରଥମ ରବିବାର ଦିନ ଏହି ଫିଲ୍ମ ପ୍ରାୟ ୩.୫୦ କୋଟି ଟଙ୍କା ଆୟ କରିଛି ।

'ଫୋନ୍ ଭୂତ୍' ଆୟ
ପ୍ରଥମ ଦିନ - ୨.୦୫ କୋଟି ଟଙ୍କା
ଦ୍ୱିତୀୟ ଦିନ - ୨.୭୫ କୋଟି ଟଙ୍କା
ତୃତୀୟ ଦିନ- ୩.୫୦ କୋଟି ଟଙ୍କା
ମୋଟ୍ ଆୟ - ୭.୮୦ କୋଟି ଟଙ୍କା

ଫିଲ୍ମ 'ଫୋନ୍ ଭୂତ୍' ଏକ ହରର- କମେଡି ଫିଲ୍ମ । ଯେଉଁଥିରେ ଅଭିନେତ୍ରୀ କ୍ୟାଟ୍ରିନା ଭୂତ ଚରିତ୍ରରେ ଅଭିନୟ କରୁଛନ୍ତି । ସେହିପରି ଇଶାନ ଖଟ୍ଟର ଏବଂ ସିଦ୍ଧାନ୍ତ ଭୂତ ଧରିବା ପାଇଁ ଏକ ମିଶନରେ ଅଛନ୍ତି । ଏହି ଚଳଚ୍ଚିତ୍ରଟି ଗୁରୁମିତଙ୍କ ଦ୍ୱାରା ନିର୍ଦ୍ଦେଶିତ ଏବଂ ଏକ୍ସେଲ ଏଣ୍ଟରଟେନମେଣ୍ଟ ବ୍ୟାନରରେ ନିର୍ମିତ । ଆମେ ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ ନିର୍ମାତାମାନେ ଏହି ଫିଲ୍ମକୁ ସାରା ଦେଶରେ ପ୍ରାୟ ୨୫୦୦ ସ୍କ୍ରିନରେ ରିଲିଜ୍ କରିଛନ୍ତି ଏବଂ ବିଦେଶରେ ୫୦୦ ପରଦାରେ ରିଲିଜ୍ ହୋଇଛି । ତେବେ 'ଫୋନ୍ ଭୂତ' ସହ ଫିଲ୍ମ 'ମିଲି' ଏବଂ ''ଡବଲ୍ XL'' ମଧ୍ୟ ନଭେମ୍ବର ୪ରେ ମୁକ୍ତିଲାଭ କରିଛି । ଏହି ଦୁଇଟି ଚଳଚ୍ଚିତ୍ର ମଧ୍ୟ ଦର୍ଶକଙ୍କ ମନ ଜିଣୁଛି ।