କପିଲ ଶର୍ମା ଭାରତର ସବୁଠୁ ଧନୀ ଟେଲି ଅଭିନେତା

Kapil Sharma Net Worth: ଲୋକପ୍ରିୟ ଟିଭି ତାରକାମାନଙ୍କ ମଧ୍ୟରେ 'ଅନୁପମା' ଖ୍ୟାତି ରୁପାଲି ଗାଙ୍ଗୁଲି ଏବଂ 'ତାରକ ମେହେତା କା ଉଲଟା ଚାଶମା'ର ଦିଲୀପ ଯୋଶୀଙ୍କ ନାମ ସର୍ବ ପ୍ରଥମେ ମନକୁ ଆସେ । ଏହି ତାରକାମାନେ ସେମାନଙ୍କର ଶୋ'ର ପ୍ରତ୍ୟେକ ଏପିସୋଡ୍ ପାଇଁ ବିପୁଳ ଟଙ୍କା ଆଦାୟ କରନ୍ତି । କିନ୍ତୁ ଟଙ୍କା ମାମଲାରେ ସମସ୍ତଙ୍କୁ ପଛରେ ପକାଇଛନ୍ତି ହାସ୍ୟ ଅଭିନେତା କପିଲ ଶର୍ମା ।

କପିଲ ଶର୍ମା ଭାରତୀୟ ଟେଲିଭିଜନର ସବୁଠାରୁ ଧନୀ ତାରକା । ମନି କଣ୍ଟ୍ରୋଲ ଅନୁଯାୟୀ, ତାଙ୍କର କମେଡି ସୋ 'ଦ ଗ୍ରେଟ୍ ଇଣ୍ଡିଆନ୍ କପିଲ୍ ସୋ'କୁ ହୋଷ୍ଟ କରିବା ପାଇଁ ସେ ଗୋଟେ ଏପିସୋଡକୁ ପ୍ରାୟ 5 କୋଟି ଟଙ୍କା ଚାର୍ଜ କରନ୍ତି । ଏହି ଶୋ'ର ଦ୍ୱିତୀୟ ସିଜନ୍ ଷ୍ଟ୍ରିମିଂ ହେଉଛି । ଏଭଳି ପରିସ୍ଥିତିରେ କପିଲଙ୍କ ପାଖରେ ବିପୁଳ ଧନ ଅଛି ଯେଉଁଥି ପାଇଁ ବର୍ତ୍ତମାନ ସେ ଟେଲିଭିଜନର ସବୁଠୁ ଧନୀ କଳାକାର ହୋଇ ପାରିଛନ୍ତି ।

କପିଲ ଶର୍ମାଙ୍କର ମୁମ୍ବାଇର ଆନ୍ଧେରିରେ ନିଜର ଏକ ବିଳାସପୂର୍ଣ୍ଣ ବଙ୍ଗଳା ଅଛି । ହାଉସିଂ ଡଟ୍ କମ୍ ଏବଂ ମ୍ୟାଜିକ୍ ବ୍ରିକ୍ସ ଅନୁଯାୟୀ ଏହାର ମୂଲ୍ୟ 15 କୋଟି ଟଙ୍କା। କପିଲଙ୍କ ପାଖରେ ବିଳାସପୂର୍ଣ୍ଣ ଯାନଗୁଡ଼ିକର ଏକ ସ୍ୱତନ୍ତ୍ର ସଂଗ୍ରହ ଅଛି ଯେଉଁଥିରେ ଭଲଭୋ XC90, ମର୍ସିଡିଜ୍-ବେଞ୍ଜ୍ S350, ରେଞ୍ଜ ରୋଭର ଇଭୋକ ଏବଂ ଏକ ଉଚ୍ଚ-ଡିଜାଇନ୍ ଭ୍ୟାନିଟି ଭ୍ୟାନ୍ ଅନ୍ତର୍ଭୁକ୍ତ । ମୋଟ ଉପରେ ତାଙ୍କର 5 କୋଟି ଟଙ୍କା ମୂଲ୍ୟର ଗାଡି ରହିଛି। ଟାଇମ୍ସ ଅଫ୍ ଇଣ୍ଡିଆ ଅନୁଯାୟୀ କପିଲ ଶର୍ମାଙ୍କ ସମ୍ପତ୍ତି ମୂଲ୍ୟ 300 କୋଟି ଟଙ୍କା।

କିଛି ଲୋକପ୍ରିୟ ଟିଭି ଅଭିନେତାଙ୍କ ନେଟ୍ ମୂଲ୍ୟ ବିଷୟରେ କହିବାକୁ ଗଲେ ଅନୁପମା ଖ୍ୟାତି ରୁପାଲି ଗାଙ୍ଗୁଲି 20-25 କୋଟି ଟଙ୍କା ମୂଲ୍ୟର ସମ୍ପତ୍ତିର ମାଲିକ ଅଟନ୍ତି । ଯେଉଁଠାରେ ଦିଲୀପ ଯୋଶୀଙ୍କ ସମ୍ପତ୍ତି ମୂଲ୍ୟ 47 କୋଟି ଟଙ୍କା। କପିଲ ଶର୍ମା କେବଳ ଟିଭି ହୋଷ୍ଟ ନୁହଁନ୍ତି ବରଂ ସେ ଅନେକ ସିନେମା ମଧ୍ୟ କରିଛନ୍ତି ।