ଘର ବଦଳିଛି, ପରିବାର ନୁହେଁ... ଜାଣନ୍ତୁ ଏପରି କାହିଁକି କହିଲେ କମେଡି କିଙ୍ଗ୍ କପିଲ ଶର୍ମା
Kapil Sharma New Show: ହାସ୍ୟ ଅଭିନେତା କପିଲ ଶର୍ମା ନେଟଫ୍ଲିକ୍ସରେ ଧମାଲ କରିବା ପାଇଁ ଅଛନ୍ତି ପ୍ରସ୍ତୁତ । କପିଲ ଶର୍ମା OTT ପ୍ଲାଟଫର୍ମରୁ ଏକ ନୂଆ ସଫର ବର୍ତ୍ତମାନ ଆରମ୍ଭ କରିବାକୁ ଯାଉଛନ୍ତି । ସୋସିଆଲ ମିଡିଆରେ ସେ ନିଜର ଶୋ'କୁ ନେଇ ସୂଚନା ଦେଇଛନ୍ତି । ବିଶେଷ କଥା ହେଉଛି ଯେ ବର୍ତ୍ତମାନ ଶୋ'ର ପ୍ଲାଟଫର୍ମ ବଦଳିଛି କିନ୍ତୁ କପିଲ ତାଙ୍କ ପୁରୁଣା ଦଳ ସହିତ ଲୋକଙ୍କୁ ହସାଇବାକୁ ରେଡି ଅଛନ୍ତି । କପିଲ ଏକ ଭିଡିଓ ସେୟାର କରିଛନ୍ତି, ଯେଉଁଥିରେ ସେ ନିଜ ଟିମ୍ ବିଷୟରେ ପୁରା ସୂଚନା ଦେଇଛନ୍ତି ।
କପିଲ ଶର୍ମାଙ୍କ କମେଡି ଶୋ'ରେ ଅର୍ଚ୍ଚନା ପୁରଣ ସିଂ, ରାଜୀବ ଠାକୁର, କିକୁ ଶାରଦା ଏବଂ କୃଷ୍ଣ ଅଭିଷେକ ମଧ୍ୟ ନଜର ଆସିବେ। ଭିଡିଓ ସେୟାର କରି ନେଟଫ୍ଲିକ୍ସ ଲେଖିଛି- କପିଲଙ୍କ ନୂଆ ଠିକଣା ଆପଣ ଜାଣନ୍ତି କି? ମୋ ପରିବାର ପାଇଁ ଏକ ଖୁସି ଖବର କାରଣ କପିଲ ଏବଂ ତାଙ୍କ ଗ୍ୟାଙ୍ଗ ଖୁବ୍ ଶୀଘ୍ର ନେଟଫ୍ଲିକ୍ସକୁ ଆସିବା ପାଇଁ ଯାଉଛନ୍ତି ।
ଭିଡିଓରେ କପିଲ ଶର୍ମା ଏକ ନୂଆ ଘରକୁ ସ୍ଥାନାନ୍ତର ହେଉଥିବାର ଦେଖିବାକୁ ମିଳୁଛି । ସେ ତାଙ୍କ ସହାୟକଙ୍କୁ କହୁଛନ୍ତି ଯେ, ସେ ତାଙ୍କ ଘରେ କୌଣସି ପୁରୁଣା ଜିନିଷ ଚାହାଁନ୍ତି ନାହିଁ । ଯାହା ପରେ ଧୀରେ ଧୀରେ ଘରର ପ୍ରତ୍ୟେକ କୋଣରୁ ଅର୍ଚ୍ଚନା ପୁରଣ ସିଂ, ରାଜୀବ ଠାକୁର, କିକୁ ଶାରଦା ଏବଂ କୃଷ୍ଣ ଅଭିଷେକଙ୍କୁ ମଧ୍ୟ ଦେଖିବାକୁ ମିଳୁଛି । ଯାହା ପରେ କପିଲ ଘରୁ ବାହାରକୁ ଯିବା ଆରମ୍ଭ କରନ୍ତି, ତାଙ୍କ ସହାୟକ ପଚାରିଛନ୍ତି ମୁଁ ସମସ୍ତଙ୍କୁ ବାହାରକୁ ଫିଙ୍ଗିଦେବି କି? ଏହାର ଉତ୍ତରରେ କପିଲ ହସି କୁହନ୍ତି - ଘର ବଦଳିଛି, ପରିବାର ନୁହେଁ।
ଆପଣଙ୍କୁ ଜଣାଇବାକୁ ଚାହିଁବୁ ଯେ, କପିଲ ଶର୍ମା ଦୀର୍ଘ ଦିନ ଧରି ଟିଭି ଚ୍ୟାନେଲରେ ନିଜର କମେଡି ଶୋ ଜରିଆରେ ଲୋକଙ୍କ ହୃଦୟରେ ରାଜ କରିଆସୁଛନ୍ତି । ସେ ପ୍ରଥମେ ସୋନିରେ 2016 ରେ ନିଜ ଶୋ'ର ଆରମ୍ଭ କରିଥିଲେ । ସଲମାନ ଖାନ, ଶାହାରୁଖ ଖାନ, ଅକ୍ଷୟ କୁମାରଙ୍କ ସମେତ ଅନେକ ସେଲିବ୍ରିଟି ସେମାନଙ୍କ ଚଳଚ୍ଚିତ୍ରର ପ୍ରମୋସନ ପାଇଁ କପିଲ ଶର୍ମା ଶୋ'କୁ ଆସି ପହଞ୍ଚିଥାନ୍ତି । ଯାହାଙ୍କ ସହ କପିଲ ଏବଂ ତାଙ୍କ ପୁରା ଟିମ୍ ବହୁତ ମସ୍ତି କରୁଥିବାର ଦେଖିବା ପାଇଁ ମିଳିଥାଏ ।
Click it and Unblock the Notifications
Sign in with Google