ବାହୁବଳୀ ୨କୁ ପଛରେ ପକାଇଲା କନ୍ନଡ଼ ଫିଲ୍ମ 'କାନ୍ତରା', ପଞ୍ଚମ ସପ୍ତାହରେ କଲା ଏତିକି ଆୟ

Updated: Tuesday, November 1, 2022, 23:53 [IST]

ମୁମ୍ବାଇ: ବକ୍ସ ଅଫିସରେ କନ୍ନଡ଼ ଫିଲ୍ମ 'କାନ୍ତରା'ର ଅତ୍ୟନ୍ତ ଭଲ ପ୍ରଦର୍ଶନ ଜାରି ରଖିଛି । ଏହି ଫିଲ୍ମ ପ୍ରତିଦିନ ନୂଆ ନୂଆ ରେକର୍ଡ ସୃଷ୍ଟି କରୁଛି । ତେବେ ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ 'Kantara' ରିଲିଜର ପଞ୍ଚମ ସପ୍ତାହ ଶେଷରେ ପ୍ରାୟ ୩୬ କୋଟି ସଂଗ୍ରହ କରିଛି । ଯାହା ଗତ ସପ୍ତାହ ତୁଳନାରେ ୧୪ ପ୍ରତିଶତ ଅଧିକ । 'Kantara' ସଂଗ୍ରହରେ ବୃଦ୍ଧି ଡବଡ୍ ସଂସ୍କରଣ ହେତୁ ହୋଇପାରିଛି । ଯଦି 'କାନ୍ତରା' ଓ 'ବାହୁବଳୀ ୨' ର ପଞ୍ଚମ ସପ୍ତାହର ଆୟକୁ ତୁଳନା କରାଯାଏ ତେବେ ଫିଲ୍ମ 'Kantara' ୫୫ ପ୍ରତିଶତ ବ୍ୟବଧାନରେ ଆଗରେ ରହିଛି । ରିପୋର୍ଟ ଅନୁସାରେ ବାହୁବଳୀ ୨ର ପଞ୍ଚମ ସପ୍ତାହର ଆୟ ୧୩.୨୦ କୋଟି ଥିବା ବେଳେ 'କାନ୍ତରା'ର ଆୟ ୩୬ କୋଟି ରହିଛି ।

ରେକର୍ଡ ଭାଙ୍ଗିବାରେ ଲାଗିଛି 'Kantara'
ସାଧାରଣତଃ, ଫିଲ୍ମ ରିଲିଜ ସପ୍ତାହରେ ରେକର୍ଡ ଭାଙ୍ଗିବା ସହଜ ହୋଇଥାଏ ହେଲେ ଲଗାତାର ପାଞ୍ଚ ସପ୍ତାହ କୌଣସି ଫିଲ୍ମ ପାଇଁ ରେକର୍ଡ ଭାଙ୍ଗିବା ସହଜ ହୋଇ ନଥାଏ । 'ବାହୁବଳୀ ୨' ଅନେକ ରେକର୍ଡ ସ୍ଥାପନ କରିଥିଲା କିନ୍ତୁ ବର୍ତ୍ତମାନ 'Kantara' ଧୀରେ ଧୀରେ ସବୁ ରେକର୍ଡ ଭାଙ୍ଗୁଛି । ସୋମବାର ଠାରୁ ବୁଧବାର ପର୍ଯ୍ୟନ୍ତ ଭାରତୀୟ ବକ୍ସ ଅଫିସରେ 'Kantara' ଚତୁର୍ଥ ସର୍ବାଧିକ ରେକର୍ଡ ସୃଷ୍ଟି କରିଛି । ଚଳଚ୍ଚିତ୍ରର ସଫଳତାକୁ ଦେଖି ଲାଗୁଛି ଆଗାମୀ ଦିନରେ 'Kantara' ଅନେକ ଫିଲ୍ମର ସାପ୍ତାହିକ ରେକର୍ଡକୁ ବ୍ରେକ୍ କରିପାରେ ।

ଭାରତୀୟ ବକ୍ସ ଅଫିସରେ 'Kantara' ଆୟ

ପ୍ରଥମ ସପ୍ତାହ - ୨୬.୭୫ କୋଟି
ଦ୍ୱିତୀୟ ସପ୍ତାହ - ୩୭.୨୫ କୋଟି
ତୃତୀୟ ସପ୍ତାହ - ୭୫ କୋଟି
ଚତୁର୍ଥ ସପ୍ତାହ - ୭୦.୭୫ କୋଟି
ପଞ୍ଚମ ସପ୍ତାହ ଶୁକ୍ରବାର - ୮.୨୫ କୋଟି
ପଞ୍ଚମ ସପ୍ତାହ ଶନିବାର - ୧୩ କୋଟି
ପଞ୍ଚମ ସପ୍ତାହ ରବିବାର - ୧୪.୫୦ କୋଟି
ମୋଟ - ୨୪୫.୫୦ କୋଟି

କର୍ଣ୍ଣାଟକ - ୧୪୦ କୋଟି ଟଙ୍କା
AP / TS - ୪୦.୫୦ କୋଟି ଟଙ୍କା
ତାମିଲନାଡୁ - ୫.୭୫ କୋଟି ଟଙ୍କା
କେରଳ - ୮.୨୫ କୋଟି ଟଙ୍କା
ଉତ୍ତର ଭାରତ - ୫୧ କୋଟି ଟଙ୍କା

କନ୍ନଡ ଭାଷାରେ ନିର୍ମିତ ଚଳଚ୍ଚିତ୍ର 'Kantara' ୩୦ ସେପ୍ଟେମ୍ବର ୨୦୨୨ ରେ ମୁକ୍ତିଲାଭ କରିଥିଲା । ଏହି ଚଳଚ୍ଚିତ୍ର ଆୟ ଦେଖି ଏବେ ସମସ୍ତେ ଆଶ୍ଚର୍ଯ୍ୟ । ଫିଲ୍ମର ସଫଳତାକୁ ନଜରରେ ରଖି ନିର୍ମାତାମାନେ ୧୪ ଅକ୍ଟୋବରରେ ହିନ୍ଦୀ ଭାଷାରେ ଏହି ଫିଲ୍ମକୁ ରଲିଜ୍ କରିଥିଲେ । ତେବେ ଏହା ୧୮୦୦ ମସିହାର ଏକ ରାଜାଙ୍କ କହାଣୀ ଯିଏ ଧନୀ ହୋଇ ମଧ୍ୟ ଶାନ୍ତିର ସନ୍ଧାନରେ ବାହାରି ପଡିଛନ୍ତି ଏହାକୁ ନେଇ ଫିଲ୍ମର କାହଣୀ ଗତିଶିଳ ।