କଙ୍ଗନା ରଣାୱତଙ୍କ ଫିଲ୍ମ 'Emergency'କୁ ମିଳିଲା ସେନସର୍ ବୋର୍ଡ ସାର୍ଟିଫିକେଟ୍

Updated: Thursday, October 17, 2024, 19:32 [IST]

Emergency News: କଙ୍ଗନା ରଣାୱତଙ୍କ ଫିଲ୍ମ 'Emergency' ନେଇ ବିବାଦ ଥମିବାର ନାଁ ନେଉ ନାହିଁ, ଫିଲ୍ମ ରିଲିଜକୁ ସ୍ଥଗିତ ରଖାଯାଇଥିଲା। ଏହି ଚଳଚ୍ଚିତ୍ରଟି 6 ସେପ୍ଟେମ୍ବରରେ ମୁକ୍ତିଲାଭ କରିବାକୁ ଥିଲା କିନ୍ତୁ ଶିଖ ସମ୍ପ୍ରଦାୟର ଆପତ୍ତି କାରଣରୁ ଏହାକୁ ସ୍ଥଗିତ ରଖାଯାଇଥିଲା । ବର୍ତ୍ତମାନ ଏହି ମାମଲା କୋର୍ଟରେ ବିଚାରଧୀନ ଥିଲା ।

ତେବେ ବର୍ତ୍ତମାନ କଙ୍ଗନା ଏବଂ ତାଙ୍କ ପ୍ରଶଂସକଙ୍କ ପାଇଁ ଖୁସି ଖବର ହେଉଛି ସେନ୍ସର ବୋର୍ଡ ପକ୍ଷରୁ ଫିଲ୍ମକୁ ଗ୍ରୀନ ସିଗନାଲ ମିଳିଛି । ଫିଲ୍ମର ରିଲିଜ୍ ତାରିଖ ବର୍ତ୍ତମାନ ଶୀଘ୍ର ସ୍ଥିର କରାଯିବ । କଙ୍ଗନା ନିଜେ ଏକ ପୋଷ୍ଟ ସେୟାର କରି ନିଜର ଖୁସି ଫ୍ୟାନ୍ସଙ୍କ ସହ ସେୟାର କରିଛନ୍ତି ।

କଙ୍ଗନା ରଣାୱତ 'X' ରେ ଏକ ପୋଷ୍ଟ ସେୟାର କରି କହିଛନ୍ତି, ଏହି ଫିଲ୍ମଟି ସେନ୍ସର ବୋର୍ଡରୁ ସାର୍ଟିଫିକେଟ୍ ପାଇଛି। ଖୁସି ବ୍ୟକ୍ତ କରି ସେ ଲେଖିଛନ୍ତି, ସେନ୍ସର ବୋର୍ଡରୁ ପକ୍ଷରୁ ଚଳଚ୍ଚିତ୍ର 'Emergency'କୁ ପ୍ରମାଣପତ୍ର ମିଳିଛି । ଯାହା ଆମ ପାଇଁ ବହୁତ ଖୁସି କଥା । ଆମେ ଶୀଘ୍ର ଫିଲ୍ମର ରିଲିଜ୍ ତାରିଖ ଘୋଷଣା କରିବୁ ।

ଫିଲ୍ମର ଟ୍ରେଲର ରିଲିଜ ହେବା ପରେ କୁହାଯାଇଥିଲା ଯେ ଏହି ଫିଲ୍ମ 6 ସେପ୍ଟେମ୍ବରରେ ମୁକ୍ତିଲାଭ କରିବ। କିନ୍ତୁ ଶିଖ ସମ୍ପ୍ରଦାୟ ଏହି ଚଳଚ୍ଚିତ୍ରକୁ ବିରୋଧ କରିଥିଲେ, ଯାହା ପରେ ଫିଲ୍ମର ରିଲିଜକୁ ସ୍ଥଗିତ ରଖାଯାଇଥିଲା। ଏହି ମାମଲା ମଧ୍ୟପ୍ରଦେଶ ହାଇକୋର୍ଟରେ ପହଞ୍ଚିଥିଲା। ଏହା ପରେ ଫିଲ୍ମ ରିଲିଜ ଉପରେ ପ୍ରତିବନ୍ଧକ ଲଗାଯାଇଥିଲା।

ଅନ୍ୟପକ୍ଷରେ ନିର୍ମାତାମାନେ ମଧ୍ୟ ବମ୍ବେ ହାଇକୋର୍ଟଙ୍କ ନିକଟକୁ ଯାଇଥିଲେ। ଏକ ସଂଶୋଧନ କମିଟି ଗଠନ କରି ଫିଲ୍ମରେ କିଛି ପରିବର୍ତ୍ତନ ଆଣିବା ପାଇଁ CBFC ମଧ୍ୟ ପରାମର୍ଶ ଦେଇଥିଲା | ସୂଚନା ଅନୁଯାୟୀ, ଫିଲ୍ମକୁ ସାର୍ଟିଫିକେଟ୍ ଦେବା ପାଇଁ ସେନ୍ସର ବୋର୍ଡ ମଧ୍ୟ କିଛି ସର୍ତ୍ତ ରଖିଥିଲା ଏବଂ କିଛି ଦୃଶ୍ୟରେ ଆପତ୍ତି ଉଠାଇବାବେଳେ ନିର୍ମାତାମାନଙ୍କୁ ସେଥିରେ ପରିବର୍ତ୍ତନ ଆଣିବା ପାଇଁ ପରାମର୍ଶ ମଧ୍ୟ ଦେଇଥିଲା।