ମୁଁ ଦୀପିକା ପାଦୁକୋଣଙ୍କୁ ପ୍ରମୋଟ୍ କରୁଥିଲି, ପ୍ରତିଦିନ ଟ୍ୱିଟରରେ ତାଙ୍କୁ ଚୁମ୍ବନ ଦେଉଥିଲି:KRK

ମୁମ୍ବାଇ: ନିଜର ବିବାଦୀୟ ଟ୍ୱିଟ୍ ମାଧ୍ୟମରେ ବଲିଉଡ ସେଲିବ୍ରିଟିମାନଙ୍କୁ ଟାର୍ଗେଟ କରୁଥିବା କମଲ ରସିଦ ଖାନ ପ୍ରାୟତଃ ଚର୍ଚ୍ଚାରେ ରହିଥାନ୍ତି । ଏଥର KRK ବି-ଟାଉନର ପ୍ରସିଦ୍ଧ ଅଭିନେତ୍ରୀ ଦୀପିକା ପାଦୁକୋଣଙ୍କୁ ଟାର୍ଗେଟ କରିଛନ୍ତି । ଦୀପିକାଙ୍କ ଆଗାମୀ ଚଳଚ୍ଚିତ୍ର 'ପଠାନ'ର ଗୀତ 'ବେଶରମ ରଙ୍ଗ'କୁ ନେଇ ବଢୁଥିବା ବିବାଦକୁ ଦୃଷ୍ଟିରେ ରଖି KRK ଏକ ବଡ଼ ବିବୃତ୍ତି ଦେଇଛନ୍ତି ।

ସୁପରଷ୍ଟାର ଶାହାରୁଖ ଖାନ ଏବଂ ଦୀପିକା ପାଦୁକୋଣଙ୍କ ଫିଲ୍ମ ପଠାନର ଗୀତ 'ବେଶରମ ରଙ୍ଗ'କୁ ନେଇ ବିବାଦ ଦିନକୁ ଦିନ ବଢିବାରେ ଲାଗିଛି । ସୋଶାଲ ମିଡିଆରେ ଲଗାତାର 'ବୟକଟ୍ ପଠାନ୍' ମଧ୍ୟ ଟ୍ରେଣ୍ତ କରୁଛି । ଏଭଳି ପରିସ୍ଥିତିରେ କମଲ ରସିଦ ଖାନ ବା କିପରି ଚୁପ୍ ରହିପାରିବେ । ମୌକାର ଫାଇଦା ଉଠାଇ KRK ମଧ୍ୟ ଟ୍ୱିଟ୍ କରି ଫିଲ୍ମର ଷ୍ଟାର ଓ ନିର୍ଦ୍ଦେଶକଙ୍କୁ ଟାର୍ଗେଟ୍ କରୁଛନ୍ତି । ସୋମବାର, KRK ନିଜ ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରେ ଏକ ଟୁଇଟ୍ କରିଛନ୍ତି ।

ଏହି ଟୁଇଟରେ କମଲ ରସିଦ ଖାନ ଲେଖିଛନ୍ତି ଯେ- 'ମୋର ମନେ ଅଛି ଥରେ ମୁଁ ଦୀପିକା ପାଦୁକୋଣଙ୍କୁ ପ୍ରମୋଟ୍ କରୁଥିଲି ଏବଂ ପ୍ରତିଦିନ ତାଙ୍କୁ ଟ୍ୱିଟରରେ ଚୁମ୍ବନ ଦେଉଥିଲି। 'ବେଶରମ ରଙ୍ଗ' ଗୀତରେ ପ୍ରକୃତ ଦୀପିକାଙ୍କୁ ଦେଖି ମୁଁ ଦୁଃଖିତ । ହେ ଭଗବାନ, ମୁଁ କିପରି ଏପରି ଭୟଙ୍କର ଦେଖାଯାଉଥିବା ଝିଅକୁ ପ୍ରମୋଟ୍ କରିପାରିବି? '

ଦୀପିକା ପାଦୁକୋଣଙ୍କୁ ନେଇ କମଲ ରସିଦ ଖାନଙ୍କ ଏହି ଅପମାନଜନକ ପୋଷ୍ଟକୁ ନେଇ ଲୋକମାନେ ସୋଶାଲ ମିଡିଆରେ ତାଙ୍କୁ ଗାଳିଦେବା ଆରମ୍ଭ କରିଛନ୍ତି ।

English summary

Kamal Rashid Khan On Pathan Besharam Song