ପ୍ରଥମ ଦିନରେ 'Kalki 2898 AD'କଲା ରେକର୍ଡ ବ୍ରେକ୍ ଆୟ, ପଛରେ ପଡିଲା କିଙ୍ଗ୍ ଖାନଙ୍କ ଫିଲ୍ମ

Kalki 2898 AD Box Office Day 1 Records: ପ୍ରଭାସ, ଦୀପିକା ପାଦୁକୋଣ ଅମିତାଭ ବଚ୍ଚନ ଏବଂ କମଲ ହାସନଙ୍କ ଫିଲ୍ମ 'କଲ୍କି 2898 AD' ରିଲିଜ ହେବାର ପ୍ରଥମ ଦିନରେ ସାରା ବିଶ୍ୱରେ ରେକର୍ଡ ସୃଷ୍ଟି କରିଛି। ଏହି ଚଳଚ୍ଚିତ୍ର 5ଟି ବଡ ରେକର୍ଡକୁ ମଧ୍ୟ ବ୍ରେକ୍ କରିଛି । ତେବେ ଚାଲନ୍ତୁ ଜାଣିବା କଲ୍କି ରିଲିଜ୍ ହେବାର ପ୍ରଥମ ଦିନରେ କେତେ ଆୟ କରିଛି ।

'କଲ୍କି 2898 AD' ପ୍ରଭାସଙ୍କ କ୍ୟାରିୟରରେ ସଫଳ ଫିଲ୍ମ । ଏହି ଫିଲ୍ମଟି ପ୍ରଭାସଙ୍କ ଚଳଚ୍ଚିତ୍ର କ୍ୟାରିୟରର ଦ୍ୱିତୀୟ ଚଳଚ୍ଚିତ୍ର ଯାହା ଭାରତୀୟ ବକ୍ସ ଅଫିସରେ ସବୁଠାରୁ ବଡ ଓପନିଂ ସିନେମା ହୋଇଛି । ବାହୁବଳୀ-2 121 କୋଟି ଟଙ୍କା ସହିତ ପ୍ରଥମ ସ୍ଥାନରେ ରହିଥିଲା । ବର୍ତ୍ତମାନ କଲ୍କି ଭାରତୀୟ ବକ୍ସ ଅଫିସରେ 95 କୋଟି ଟଙ୍କା ରୋଜଗାର କରି ନୂଆ ରେକର୍ଡ ସୃଷ୍ଟି କରିଛି । ଏହା ପରେ ପ୍ରଭାସଙ୍କ ଚଳଚ୍ଚିତ୍ର ସଲାର, 90 କୋଟି, ସାହୋ 89 କୋଟି ଏବଂ ଆଦିପୁରୁଷ ପ୍ରଥମ ଦିନରେ 86.75 କୋଟିର ବ୍ୟବସାୟ କରିଥିଲା ।

କଲ୍କି ରିଲିଜ୍ ହେବାର ପ୍ରଥମ ଦିନରେ ଅନେକ ରେକର୍ଡ ବ୍ରେକ୍ କରିଛି । କଲ୍କି ତୃତୀୟ ଭାରତୀୟ ଚଳଚ୍ଚିତ୍ର ହୋଇପାରିଛନ୍ତି ଯାହା ବିଶ୍ୱରେ ସର୍ବ ବୃହତ ଓପନିଂ ଫିଲ୍ମ ଲିଷ୍ଟର ଟପରେ ରହିଛି । RRR'ର worldwide ଓପିନଂ ଡେ ଆୟ 223.5 କୋଟି ଏବଂ ବାହୁବଳୀ -2 ର 214 କୋଟି ଟଙ୍କା ଥିଲା । ବର୍ତ୍ତମାନ ପ୍ରଥମ ଦିନରେ କଲ୍କି ସାରା ବିଶ୍ୱରେ 191.5 କୋଟି ଟଙ୍କାର ବ୍ୟବସାୟ କରିଛି ।

କାଲ୍କି 2024 ମସିହାରେ ସବୁଠାରୁ ବଡ ଓପନିଂ ଚଳଚ୍ଚିତ୍ର ହୋଇଛି । ହ୍ରିତିକ ରୋଶନ ଏବଂ ଦୀପିକା ପାଦୁକୋଣଙ୍କ ଫିଲ୍ମ 'ଫାଇଟର୍' ପ୍ରଥମ ଦିନରେ ଭାରତରେ 22.5 କୋଟି ଟଙ୍କାର ବ୍ୟବସାୟ କରିଥିଲା । ସେହିପରି କଲ୍କି ପ୍ରଥମ ଦିନରେ 95 କୋଟିରୁ ଅଧିକ ଆୟ କରିଛି । ସେହିପରି ଶାହାରୁଖ ଖାନଙ୍କ ଦୁଇଟି ଚଳଚ୍ଚିତ୍ର ପଠାନ, ଜୱାନ ଏବଂ ରଣବୀର କପୁରଙ୍କ ଫିଲ୍ମ ଆନିମଲର ରେକର୍ଡକୁ ମଧ୍ୟ ବ୍ରେକ୍ କରିଛି ।