ଅକ୍ଟୋବର ମାସରେ ଏହି ଓଟିଟି ପ୍ଲାଟଫର୍ମରେ ରିଲିଜ୍ ହେବ 'ଗଦର ୨'

Gadar 2 OTT Release: 11 ଅଗଷ୍ଟ 2023ରେ ସନି ଦେଓଲଙ୍କ ଚଳଚ୍ଚିତ୍ର 'ଗଦର 2' ପ୍ରେକ୍ଷାଳୟରେ ମୁକ୍ତିଲାଭ କରିଥିଲା ​​। ବର୍ତ୍ତମାନ ଫିଲ୍ମ ରିଲିଜ ହେବାର ଏକ ମାସରୁ ଅଧିକ ସମୟ ବିତିଗଲାଣି ହେଲେ ଆଜିବି ବକ୍ସ ଅଫିସର ଭଲ ବ୍ୟବସାୟ କରୁଛି ଏହି ଚଳଚ୍ଚିତ୍ର । ଅନିଲ ଶର୍ମାଙ୍କ ନିର୍ଦ୍ଦେଶନାରେ ନିର୍ମିତ 'ଗଦର 2'କୁ ମିଶ୍ରିତ ପ୍ରତିକ୍ରିୟା ମିଳିଥିଲା ସତ ହେଲେ ଏହି ସିନେମାର ଆୟ ଖୁବ ଅଧିକ ରହିଥିଲା । ଯେଉଁଥିପାଇଁ ଏହି ଚଳଚ୍ଚିତ୍ର ବକ୍ସ ଅଫିସରେ ସୁପରହିଟ୍ ପ୍ରମାଣିତ ହୋଇଛି ।

ଶାହାରୁଖ ଖାନଙ୍କ 'ଜୱାନ' ମୁକ୍ତିଲାଭ କରିବା ପରେ ମଧ୍ୟ କିଛି ଦର୍ଶକ ଏହି ଫିଲ୍ମ ଦେଖିବା ପାଇଁ ପସନ୍ଦ କରୁଛନ୍ତି ଯାହା ଫଳରେ ସିନେମାର ଆୟ ମଧ୍ୟ ବଢିବାରେ ଲାଗିଛି । 'ଗଦର 2' ବକ୍ସ ଅଫିସରେ ଅନେକ ରେକର୍ଡ ବ୍ରେକ୍ କରିଛି ଏବଂ ବର୍ତ୍ତମାନ ଏହା OTT ପ୍ଲାଟଫର୍ମରେ ମୁକ୍ତିଲାଭ କରିବାକୁ ଯାଉଛି । 'ଗଦର ୨' ର ପ୍ରଶଂସକମାନେ ଉତ୍ସାହର ସହିତ OTT ରେ ରିଲିଜକୁ ଅପେକ୍ଷା କରିଛନ୍ତି । ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, OTT ପ୍ଲାଟଫର୍ମ ZEE5ରେ ରିଲିଜ୍ ହେବ ।

ରିପୋର୍ଟ ଅନୁଯାୟୀ, 'ଗଦର 2' 6 ଅକ୍ଟୋବର 2023ରେ ZEE5 ରେ ମୁକ୍ତିଲାଭ କରିବ । ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, ଚଳଚ୍ଚିତ୍ରଟି ପ୍ରେକ୍ଷାଳୟରେ ରିଲିଜ୍ ହେବାର ୪ ସପ୍ତାହ ପରେ ଓଟିଟି ପ୍ଲାଟଫର୍ମରେ ରିଲିଜ୍ ହୁଏ ହେଲେ ସିନେମା ହଲରେ ଏହି ଫିଲ୍ମର ଭଲ ଆୟ ଦେଖି ମେକର୍ସ ବିଳମ୍ବରେ ଏହି ସିନେମା ଓଟିଟିରେ ରିଲିଜ୍ କରିବାର ନିଷ୍ପତ୍ତି ନେଇଛନ୍ତି ।

'ଗଦର 2'ର ବକ୍ସ ଅଫିସ୍ କଲେକ୍ସନ୍ ବିଷୟରେ କହିବାକୁ ଗଲେ ଫିଲ୍ମଟି ଓପନିଂ ଡେ'ରେ 35 କୋଟି ଟଙ୍କା ସଂଗ୍ରହ କରିଥିଲା ​​। ବର୍ତ୍ତମାନ ପର୍ଯ୍ୟନ୍ତ ଏହି ଚଳଚ୍ଚିତ୍ର ଭାରତରେ 517.28 କୋଟି ଟଙ୍କା ବ୍ୟବସାୟ କରିଛି। 'ଗଦର ୨' 2001ରେ ରିଲିଜ୍ ହୋଇଥିବା ଚଳଚ୍ଚିତ୍ର ଗଦର: ଏକ ପ୍ରେମ କଥାର ସିକ୍ୱେଲ । ଏହି ଫିଲ୍ମରେ ସନ୍ନି ଦେଓଲ, ଅମିଶା ପଟେଲ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିଥିଲେ ।

English summary

Is Gadar 2 Available On ZEE 5