ଆପ୍ ସାସଂଦଙ୍କ ସହ ଡିନର୍ କଲେ ଅଭିନେତ୍ରୀ ପରିଣୀତି ଚୋପ୍ରା, ଡେଟିଂ କରୁଥିବା ନେଇ ଚର୍ଚ୍ଚା

ମୁମ୍ବାଇ: ରାଜନୀତି ଏବଂ ବଲିଉଡ ମଧ୍ୟରେ ସମ୍ପର୍କ ନୂଆ ନୁହେଁ । ପୂର୍ବରୁ ଏପରି ଅନେକ ଯୋଡି ଦେଖିବା ପାଇଁ ମିଳିଛି । ଏହାରି ମଧ୍ୟରେ ଆଉ ଏକ ନୂଆ ଯୋଡିକୁ ନେଇ ଏବେ ବି-ଟାଉନରେ ଚର୍ଚ୍ଚା ଆରମ୍ଭ ହୋଇଯାଇଛି । ବୁଧବାର ସଂଧ୍ୟାରେ ଅଭିନେତ୍ରୀ ପରିଣୀତି ଚୋପ୍ରା ଏବଂ ଆପର ରାଜ୍ୟସଭା ସାଂସଦ ରାଘବ ଚଢାଙ୍କୁ ଏକାଠି ଦେଖିବା ପାଇଁ ମିଳିଥିଲା । ଲଞ୍ଚ୍ ଏବଂ ପରେ ଡିନରରେ ମଧ୍ୟ ଉଭୟଙ୍କୁ ଏକାଠି ଦେଖିବା ପାଇଁ ମିଳିଥିଲା । କ୍ୟାମେରାରେ ଉଭୟ ଏକାଠି ସ୍ପଟ୍ ହେବା ପରେ ସେମାନଙ୍କ ଭେଟଘାଟକୁ ନେଇ ଚର୍ଚ୍ଚା ଜୋରଧରିଛି ।

ପ୍ରଥମେ ମୁମ୍ବାଇର ଏକ ରେଷ୍ଟୁରାଣ୍ଟରେ ପରିଣୀତି ଏବଂ ରାଘବ ଏକାଠି ଡିନର କରିଥିଲେ । ଉଭୟ ଅଲଗା ଅଲଗା ଆସିଥିଲେ ସତ ହେଲେ ବିସିଥିଲେ ଗୋଟିଏ ଡାନିଂ ଟେବୁଲରେ । ଉଭୟଙ୍କୁ ଧଳା ରଙ୍ଗର ଡ୍ରେସ୍ ପିନ୍ଧିଥିବାର ଦେଖିବା ପାଇଁ ମିଳିଥିଲା । ଏହା ପରେ ପରଦିନ ପୁଣି ଅଭିନେତ୍ରୀ ଏବଂ ସାସଂଦଙ୍କୁ ଏକାଠି ଦେଖିବା ପାଇଁ ମିଳିଥିଲା । ପରିଣୀତି ଏବଂ ରାଘବ ଗୋଟିଏ ଗାଡ଼ିରେ ହିଁ ଲଞ୍ଚ୍ କରିବା ପାଇଁ ପହଁଚିଥିଲେ ।

ଦୁଇ ଦୁଇ ଥର ଉଭୟଙ୍କୁ ଏକାଠି ଦେଖିବା ପରେ ଉଭୟଙ୍କ ମଧ୍ୟରେ ଥିବା ସମ୍ପର୍କ ବିଷୟରେ ଜାଣିବା ପାଇଁ ଏବେ ଫ୍ୟାନ୍ସ ଖୁବ ଉତ୍ସାହିତ । ଉଭୟ ପରସ୍ପରକୁ ଡେଟ୍ କରୁଛନ୍ତି ବୋଲି ମଧ୍ୟ ଚର୍ଚ୍ଚା ଆରମ୍ଭ ହୋଇଯାଇଛି । ତେବେ ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, ପୂର୍ବରୁ ଅଭିନେତ୍ରୀ ପରିଣୀତି ନିର୍ଦ୍ଦେଶକ ମନୀଶ ଶର୍ମାଙ୍କୁ ଡେଟ୍ କରୁଛନ୍ତି ବୋଲି ମଧ୍ୟ ଖବର ରହିଥିଲା । ଯାହା ପରେ ପ୍ରାୟ ଏକ ବର୍ଷ ହେବ ଉଭୟଙ୍କ ବ୍ରେକଅପ୍ ଖବର ମଧ୍ୟ ଚର୍ଚ୍ଚାରେ ରହିଥିଲା ।

English summary

Is Actress Parineeti Chopra dating Aap MP Raghav Chadha.