ଆସୁଛି ହୋଲି, ଚିନ୍ତା ବଢାଉଛି କରୋନା, ଗତ ୨୪ ଘଣ୍ଟା ମଧ୍ୟରେ ୩୨୪ଟି ନୂଆ ସଂକ୍ରମିତ ଚିହ୍ନଟ

ଦେଶରେ ବୃଦ୍ଧି ପାଇବାରେ ଲାଗିଛି କରୋନା କେଶ୍ । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ସୂଚନା ଅନୁସାରେ, ଗତ ଏକ ସପ୍ତାହ ମଧ୍ୟରେ ତିନି ଗୁଣ ଅଧିକ କରୋନା ମାମଲା ରୁଜୁ ହୋଇଛି ।

Updated: Sunday, March 5, 2023, 15:40 [IST]

India Corona Case: ଚଳିତ ମାସ ୮ ତାରିଖରେ ସାରା ଦେଶରେ ପାଳନ କରାଯିବ ହୋଲି । ହେଲେ ଏହା ପର୍ବରୁ ପୁଣି ଦେଶରେ ବୃଦ୍ଧି ପାଇବାରେ ଲାଗିଛି କରୋନା କେଶ୍ । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ସୂଚନା ଅନୁସାରେ, ଗତ ଏକ ସପ୍ତାହ ମଧ୍ୟରେ ତିନି ଗୁଣ ଅଧିକ କରୋନା ମାମଲା ରୁଜୁ ହୋଇଛି ।

ଗତ ୨୪ ଘଣ୍ଟା ମଧ୍ୟରେ ଦେଶରେ ୩୨୪ଟି ନୂଆ ମାମଲା ସାମ୍ନାକୁ ଆସିଛି । ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, ଫେବୃଆରୀ ୨୨ରେ ୯୫ ଟି ମାମଲା ରୁଜୁ ହୋଇଥିଲା, ଯାହା ପରେ କରୋନା ଆକ୍ରାନ୍ତଙ୍କ ସଂଖ୍ୟା କ୍ରମାଗତ ଭାବେ ବୃଦ୍ଧି ପାଇବାରେ ଲାଗିଛି । ଗତ ଶୁକ୍ରବାର ଦିନ ଦୈନିକ ରେକର୍ଡ ହୋଇଥିବା ସଂଖ୍ୟା ୩୦୦ ଥିବା ବେଳେ ଆଜି ଏହି ସଂଖ୍ୟା ବଢିକି ୩୨୪ ରେ ପହଞ୍ଚିଛି । ରେକର୍ଡ ହୋଇଥିବା ନୂଆ ମାମଲାକୁ ମିଶାଇ ଆଜି ଦେଶରେ ମୋଟ୍ ସକ୍ରିୟ ମାମଲା ସଂଖ୍ୟା ୨ ହଜାର ୭୯୧କୁ ବୃଦ୍ଧି ପାଇଛି ।

କରୋନା ସଂଖ୍ୟା ବୃଦ୍ଧି ସରକାର ଏବଂ ଲୋକଙ୍କ ଚିନ୍ତାକୁ ଆହୁରି ବଢାଇ ଦେଇଛି । ଅତୀତରେ, କରୋନାରୁ ତିନି ଜଣଙ୍କ ମୃତ୍ୟୁ ମଧ୍ୟ ରେକର୍ଡ କରାଯାଇଛି । ଏଥି ସହିତ, ଏହି ମହାମାରୀରେ ମୃତ୍ୟୁ ସଂଖ୍ୟା ବର୍ତ୍ତମାନ ୫ ଲକ୍ଷ ୩୦ ହଜାର ୭୭୫କୁ ବୃଦ୍ଧି ପାଇଛି । ଶୁକ୍ରବାର ଦିନ କରୋନାରେ ମହାରାଷ୍ଟ୍ରରେ ୨ ଜଣଙ୍କର ମୃତ୍ୟୁ ହୋଇଥିବା ନେଇ ସୂଚନା ରହିଛି । ଏଥି ସହିତ, ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ, ଏପର୍ଯ୍ୟନ୍ତ ୪,୪୬,୮୭,୮୨୦ ଲୋକ କରୋନା ଦ୍ୱାରା ପ୍ରଭାବିତ ହୋଇଛନ୍ତି । ସ୍ୱାସ୍ଥ୍ୟ ମନ୍ତ୍ରଣାଳୟର ୱେବସାଇଟ୍ ଅନୁଯାୟୀ, ଭାରତରେ ଦେଶବ୍ୟାପୀ ଟୀକାକରଣ ଅଭିଯାନ ଅଧୀନରେ ଏପର୍ଯ୍ୟନ୍ତ ୨୨୦.୬୩ କୋଟି ଆଣ୍ଟି-କୋଭିଡ -19 ଟିକା ଦିଆଯାଇଛି ।