IASହେବାର ଦେଖୁଥିଲେ ସ୍ୱପ୍ନ, ଲ' ଛାଡି ଶିଖିଲେ ଅଭିନୟ, ଆଜି ବଲିଉଡର ପ୍ରସିଦ୍ଧ ଅଭିନେତ୍ରୀ

Updated: Monday, November 28, 2022, 15:13 [IST]

ମୁମ୍ବାଇ: ସିମ୍ପଲ ଲୁକ୍, ଜବରଦସ୍ତ ଅଭିନୟରେ ଦର୍ଶକଙ୍କ ମନରେ ରାଜ କରନ୍ତି ବଲିଉଡ ଅଭିନେତ୍ରୀ ୟାମି ଗୌତମ । ଆଜି ୩୪ ବର୍ଷ ବୟସରେ ପାଦଦେଇଛନ୍ତି । ନିଜ ବ୍ୟକ୍ତିଗତ ଜୀବନକୁ ଲାଇମଲାଇଟରୁ ଦୁରେଇ ରଖୁଥିବା ୟାମି ବଲିଉଡର ଧନୀ ଅଭିନେତ୍ରୀଙ୍କ ମଧ୍ୟରୁ ଜଣେ । ନିଜ କ୍ୟାରିୟରରେ ସେ ଅନେକ ହିଟ୍ ଫିଲ୍ମ ବଲିଉଡକୁ ଭେଟିଦେଇଛନ୍ତି । ଆଜି ୟାମିଙ୍କ ଜନ୍ମଦିନ ଅବସରରେ, ଅଭିନେତ୍ରୀଙ୍କ ନେଟୱର୍ଥ କେତେ ଚାଲନ୍ତୁ ଜାଣିବା ।

ୟାମି ଗୌତମ ନିଜ ପ୍ରତିଟି ଫିଲ୍ମ ପାଇଁ ମୋଟା ଅଙ୍କର ଟଙ୍କା ଡିମାଣ୍ତ କରନ୍ତି । ଚଳଚ୍ଚିତ୍ର ବ୍ୟତୀତ ୟାମି 'ଫେୟାର ଆଣ୍ଡ ଲଭଲି', 'ଗ୍ଲୋ ଆଣ୍ଡ ଲଭଲି', 'କର୍ନେଟୋ' ଏବଂ 'ସାମସଙ୍ଗ ମୋବାଇଲ୍' ଭଳି ଅନେକ ବ୍ରାଣ୍ଡ ପାଇଁ ବିଜ୍ଞାପନ କରି ବିପୁଳ ଲାଭ ଅର୍ଜନ କରନ୍ତି । celebritys worth'ର ରିପୋର୍ଟ ଅନୁସାରେ ୟାମିଙ୍କର ନେଟୱର୍ଥ ପାଖାପାଖି ୪୦ କୋଟି ଟଙ୍କା । ନିଜର ବିଳାସପୂର୍ଣ୍ଣ ଘରକୁ ସୁନ୍ଦର ଇଣ୍ଟିରିୟରରେ ସଜାଇଛନ୍ତି ଅଭିନେତ୍ରୀ ୟାମି । ଘରର ମୂଲ୍ୟ କୋଟିଏରୁ ଅଧିକ ବୋଲି ସୂଚନା ରହିଛି । ଏହି ଘର ବ୍ୟତୀତ ତାଙ୍କର ଅନ୍ୟାନ୍ୟ ସମ୍ପତ୍ତି ଅଛି ଯାହାର ମୂଲ୍ୟ ପ୍ରାୟ ୨ କୋଟି ଟଙ୍କା । ଆଲିଶାନ ଘର ସହିତ ୟାମି ଗୌତମଙ୍କର ଅଡି A8 ସହିତ ଅନେକ ବିଳାସପୂର୍ଣ୍ଣ ଗାଡ଼ି ମଧ୍ୟ ରହିଛି । ୟାମି ଗୌତମ ବିଳାସପୂର୍ଣ୍ଣ ଜୀବନଯାପନ କରିବାକୁ ପସନ୍ଦ କରନ୍ତି । ଖାଇବା ପିଇବାରେ ମଧ୍ୟ ବେଶ୍ ରୁଚି ରଖନ୍ତି ଅଭିନେତ୍ରୀ । ଇନଷ୍ଟାଗ୍ରାମରେ ୟାମିଙ୍କର ପ୍ରାୟ ୬.୯ରୁ ଅଧିକ ଫଲୋର୍ସ ରହିଛନ୍ତି । ତେବେ ଆଜିକାଲି ସେ ନିଜ ଆଗାମୀ ଚଳଚ୍ଚିତ୍ର ପାଇଁ ବିଜି ଥିବା ନେଇ ସୂଚନା ରହିଛି ।

IASହେବାର ଦେଖୁଥିଲେ ସ୍ୱପ୍ନ, ଲ' ଛାଡି ଶିଖିଲେ ଅଭିନୟ
ପଲାଟି ଦିନରୁ ପାଠ ପ୍ରତି ଥିଲା ଦୁର୍ବଳତା । ସାଧାରଣ ଲୋକଙ୍କ ପରି IASହେବାର ଦେଖୁଥିଲେ ସ୍ୱପ୍ନ । ଯେଉଁଥି ପାଇଁ ଜୋରଦାର ପ୍ରସ୍ତୁତି ମଧ୍ୟ ଆରମ୍ଭ କରିଦେଇଥିଲେ ୟାମି । ହେଲେ ଗୋଟିଏ ଦିନରେ ବଦଳିଯାଇଥିଲା ସ୍ୱପ୍ନ ଏବଂ ଲକ୍ଷ । ସୂଚନା ଅନୁସାରେ, ପିଲାଦିନରେ ୟାମିଙ୍କ ପିତାଙ୍କର ଜଣେ ବନ୍ଧୁ ଘରକୁ ଆସିଥିଲେ । ଯିଏ ସେହି ସମୟରେ ଟେଲିଭିଜନରେ ଅଭିନୟ କରୁଥିଲେ । ୟାମିଙ୍କୁ ସେ ଥିଏଟର ଜୟେନ କରିବା ପାଇଁ ପରାମର୍ଶ ଦେଇଥିଲେ କରାଣ ସେ ଜାଣିଥିଲେ ଆଗାମୀ ଦିନରେ ସେ ଜଣେ ଭଲ ଅଭିନେତ୍ରୀ ହୋଇ ଦେଖାଇବେ । ୟାମିଙ୍କର କିଛି ଫଟୋ ସେ ନିଜ ସାଥିରେ ନେଇଥିଲେ ଏବଂ ମୁମ୍ବାଇର ଅନେକ ପ୍ରଡକ୍ସନ ହାଉସକୁ ପଠାଇଥିଲେ । ହେଲେ ସେହି ସମୟରେ ପାଠରେ ବିଜି ଥିବା ୟାମି ଏହି କଥା ଉପରେ ଏତେଟା ଧ୍ୟାନ ଦେଇ ନଥିଲେ । ହେଲେ ପରବର୍ତ୍ତି ସମୟରେ ସେ ଲ'ପଢା ଛାଡି ଅଭିନୟ ଶିଖିବା ଆରମ୍ଭ କରିଦେଇଥିଲେ । ପ୍ରଥମେ ସେ ଟେଲିଭିଜନ ମାଧ୍ୟମରେ ଘରେ ଘରେ ନିଜର ସ୍ୱତନ୍ତ୍ର ପରିଚୟ ହାସଲ କରିଥିଲେ । 'ଚାନ୍ଦ କେ ପାର୍ ଚଲୋ' ଥିଲା ୟାମି ଗୌତମଙ୍କର ପ୍ରଥମ ଟେଲି ଧାରାବାହିକ । ଏହା ପରେ ସେ 'ୟେ ପ୍ୟାର୍ ନା ହୋଗା କମ' ସିରିଏଲରେ କାମ କରିଥିଲେ ଯେଉଁଥିରେ ତାଙ୍କ ଅଭିନୟକୁ ବେଶ୍ ପସନ୍ଦ କରିଥିଲେ ଦର୍ଶକ ଏବଂ ତାଙ୍କର ପପୁଲାରିଟି ମଧ୍ୟ ବେଶ୍ ବଢିଯାଇଥିଲା । ଯାହା ପରେ ସେ ପ୍ରଥମ ଥର ଫିଲ୍ମ 'ଭିକ୍କି ଡୋନର' ଜରିଆରେ ସିନେମା ଜଗତରେ ପାଦ ଦେଇଥିଲେ ।