ଡାକ୍ତରଖାନାରୁ ଡିସଚାର୍ଜ ହେଲେ ଗୋବିନ୍ଦା

Govinda News: ଅକ୍ଟୋବର 1 ରେ ଗୋବିନ୍ଦାଙ୍କ ଗୋଡରେ ଭୁଲରେ ଗୁଳି ବାଜିବା ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଯେଉଁଠାରେ ଡାକ୍ତରମାନେ ଅଭିନେତାଙ୍କ ଗୋଡରୁ ଗୁଳି ବାହାର କରିଥିଲେ। ତିନି ଦିନ ଧରି ଗୋବିନ୍ଦାଙ୍କୁ ଡାକ୍ତରଖାନାରେ ରଖା ଯାଇଥିଲା । ଯାହା ପରେ ଆଜି ତାଙ୍କୁ ମେଡିକାଲରୁ ଡିସଚାର୍ଜ କରାଯାଇଛି । ଅଭିନେତାଙ୍କୁ ଡାକ୍ତରଖାନାରୁ ଡିସଚାର୍ଜ କରାଯିବା ଖବର ପାଇ ପ୍ରଶଂସକମାନେ ବହୁତ ଖୁସି ଅଛନ୍ତି।

ଅଭିନେତା ଡାକ୍ତରଖାନାରୁ ଡିସଚାର୍ଜ ହେବା ପୂର୍ବରୁ ଗୋବିନ୍ଦାଙ୍କ ପତ୍ନୀ ସୁନୀତା ଗଣମାଧ୍ୟମ ସହ ଭେଟିଥିଲେ । ଏହି ସମୟରେ ସୁନୀତା କହିଛନ୍ତି ଯେ ଆଜି ଗୋବିନ୍ଦା ଡାକ୍ତରଖାନାରୁ ଗୋଟିଏ ଘଣ୍ଟାରେ ଡିସଚାର୍ଜ ହୋଇ ଘରକୁ ଯିବେ। ସେ ଆହୁରି ମଧ୍ୟ କହିଛନ୍ତି ଯେ ଘରେ ଖୁସିର ପରିବେଶ ଅଛି, ଡାକ୍ତରମାନେ ଅଭିନେତାଙ୍କ ପାଇଁ 6 ସପ୍ତାହ ପର୍ଯ୍ୟନ୍ତ ଶଯ୍ୟା ବିଶ୍ରାମ ନେବାକୁ ପରାମର୍ଶ ଦେଇଛନ୍ତି।

60 ବର୍ଷ ବୟସ୍କା ଅଭିନେତା ମଙ୍ଗଳବାର ଦିନ ଅସ୍ତ୍ରୋପଚାର ହୋଇ। ଗୋଡରୁ ଗୁଳି ବାହାର କରାଯିବା ପରେ ଗୋବିନ୍ଦାଙ୍କୁ ବୁଧବାର ସାଧାରଣ ୱାର୍ଡକୁ ସ୍ଥାନାନ୍ତର କରାଯାଇଛି। ଡକ୍ଟର ଅଗ୍ରୱାଲ ଗଣମାଧ୍ୟମକୁ କହିଛନ୍ତି ଯେ ଅଭିନେତାଙ୍କୁ ପ୍ରାୟ 8-10 ଟି ସ୍ଟିଚ୍ ପଡିଛି । ଗୋବିନ୍ଦାଙ୍କ ମ୍ୟାନେଜର ଶଶି ସିହ୍ନା କହିଛନ୍ତି ଯେ ଏହି ଦୁର୍ଘଟଣା ସକାଳ 4.45 ସମୟରେ ଅଭିନେତାଙ୍କ ସହ ଘଟିଛି। ସେତେବେଳେ ସେ ଏକ ଶୋ ପାଇଁ କୋଲକାତା ଯିବାକୁ ସକାଳ 6 ଟାରେ ଘରୁ ବାହାରିବାକୁ ପ୍ରସ୍ତୁତ ହେଉଥିଲେ। ଏହା ପୂର୍ବରୁ ସେ ନିଜ ଲାଇସେନ୍ସପ୍ରାପ୍ତ ରିଭଲଭରକୁ ଆଲମାରୀରେ ରଖୁଥିଲେ, ଏହାର ଟ୍ରିଗର ହଠାତ୍ ଚାପି ହୋଇ ଗୋଡରେ ଗୁଳି ବାଜିଥିଲା ​​।