ଅଫତାବ ପୁନାୱାଲାଙ୍କର ହେଉ ୭୦ ଖଣ୍ତ: ରାମ ଗୋପାଳ ବର୍ମା

ଅଫତାବ ପୁନାୱାଲାଙ୍କର ହେଉ ୭୦ ଖଣ୍ତ: ଚଳଚ୍ଚିତ୍ର ନିର୍ମାତା ରାମ ଗୋପାଳ ବର୍ମା

Updated: Friday, November 18, 2022, 16:20 [IST]

ମୁମ୍ବାଇ: କିଛି ଦିନ ହେଲା ଦିଲ୍ଲୀର ଶ୍ରଦ୍ଧା ୱାକର ହତ୍ୟାକାଣ୍ଡ ଖବର ସମସ୍ତଙ୍କୁ ଆଶ୍ଚର୍ଯ୍ୟ ଏବଂ ଚିନ୍ତାରେ ପକାଇଛି । ଲିଭ୍-ଇନ୍ ରିଲେସନସିପରେ ରହୁଥିବା ଶ୍ରଦ୍ଧାଙ୍କୁ ତାଙ୍କ ସାଥୀ ଅର୍ଥାତ୍ ପ୍ରେମିକ ଅଫତାବ ପୁନାୱାଲା ହତ୍ୟା କରିଥିଲା । କେବଳ ଏତିକି ନୁହେଁ, ଅଫତାବ ପରେ ଶ୍ରଦ୍ଧାଙ୍କ ଶରୀରକୁ ୩୫ ଖଣ୍ଡରେ କାଟି ଫ୍ରିଜରେ ରଖି ଦିଲ୍ଲୀର ମେହେରୁଲି ଜଙ୍ଗଲରେ ଗୋଟିଏ ପରେ ଗୋଟିଏ ଫିଙ୍ଗିବା ଆରମ୍ଭ କରିଥିଲା । ବର୍ତ୍ତମାନ ବଲିଉଡ ଚଳଚ୍ଚିତ୍ର ନିର୍ମାତା ରାମ ଗୋପାଳ ବର୍ମା ଏହି ପ୍ରସଙ୍ଗରେ ଏକ ବଡ଼ ଟ୍ୱିଟ୍ କରିଛନ୍ତି ।

ଶ୍ରଦ୍ଧା ୱାକର ହତ୍ୟାକାଣ୍ଡ ମାମଲାରେ ରାମ ଗୋପାଳ ବର୍ମାଙ୍କ ଟ୍ୱିଟ୍
ଶ୍ରଦ୍ଧା ୱାକର ହତ୍ୟାକାଣ୍ଡ ଜଣେ ସାଧାରଣ ଲୋକଠୁ ଆରମ୍ଭ କରି ବଡ ବଡ ନେତା ମନ୍ତ୍ରୀ, କଳାକର, ନିର୍ମାତାଙ୍କୁ ମଧ୍ୟ ଚିନ୍ତାରେ ପକାଇଛି । ସୋସିଆସ ମିଡିଆରେ ଅନେକ ଷ୍ଟାର ଏହି ଘଟଣାକୁ ନିନ୍ଦା କରିବା ସହ ଦୋଷୀ ଉପରେ ଦୃଢ କାର୍ଯ୍ୟନୁଷ୍ଠାନ ନେବା ପାଇଁ ଡିମାଣ୍ତ କରୁଛନ୍ତି । ଏହାରି ମଧ୍ୟରେ ଚଳଚ୍ଚିତ୍ର ନିର୍ମାତା ରାମ ଗୋପାଳ ବର୍ମାଙ୍କର କିଛି ଟ୍ୱିଟକୁ ନେଇ ଆଲୋଚନା ଆରମ୍ଭ ହୋଇଯାଇଛି । ଶ୍ରଦ୍ଧା ୱାକର ହତ୍ୟା ମାମଲାରେ ନିଜର ମତ ରଖି ରାମ ଗୋପାଳ ବର୍ମା ତାଙ୍କ ଅଫିସିଆଲ ଟ୍ୱିଟର ହ୍ୟାଣ୍ଡେଲରେ ଅନେକ ଟ୍ୱିଟ୍ କରିଛନ୍ତି । ରାମ ଗୋପାଳ ବର୍ମା ତାଙ୍କର ପ୍ରଥମ ଟ୍ୱିଟରେ ଲେଖିଛନ୍ତି ଯେ- ଶାନ୍ତିରେ ବିଶ୍ରାମ କରିବା ପରିବର୍ତ୍ତେ ସେ (ଶ୍ରଦ୍ଧା ୱାକର) ଆତ୍ମା ଭାବରେ ଫେରି ତାଙ୍କୁ ଅର୍ଥାତ୍ ଅଫତାବ ପୁନାୱାଲାଙ୍କୁ ୭୦ ଖଣ୍ଡରେ କାଟିବା ଉଚିତ୍ ।

Instead of resting in PEACE she should come back as a spirit and cut him into 70 PIECES
— Ram Gopal Varma (@RGVzoomin) November 16, 2022

ସେହିପରି ଆଉ ଏକ ଟ୍ୱିଟରେ ସେ ଲେଖିଛନ୍ତି ଯେ କେବଳ ଆଇନ ଆଧାରରେ ଏପରି ନିଷ୍ଠୁର ହତ୍ୟା ବନ୍ଦ ହୋଇପାରିବ ନାହିଁ, ହେଲେ ପିଡିତାଙ୍କ ଆତ୍ମା ମୃତ୍ୟୁ ପରେ ଫେରି ଆସି ସେମାନଙ୍କ ହତ୍ୟାକାରୀଙ୍କୁ ହତ୍ୟା କରନ୍ତି, ତେବେ ନିଶ୍ଚିତ ଭାବରେ ଏହି ନିର୍ଦ୍ଦୟ ହତ୍ୟା ବନ୍ଦ ହୋଇପାରିବ । ମୁଁ ଭଗବାନଙ୍କୁ ଏହା ଅନୁରୋଧ କରୁଛି ଯେ ଏପରି ଘଟଣାକୁ ନେଇ ଥରେ ବିଚାର କରନ୍ତୁ ଏବଂ ଆବଶ୍ୟକ ପଦକ୍ଷେପ ନିଅନ୍ତୁ । ଏହି ଟ୍ୱିଟ୍ ମାଧ୍ୟମରେ ରାମ ଗୋପାଳ ଭର୍ମା ଶ୍ରଦ୍ଧା ୱାକରଙ୍କ ହତ୍ୟାକାରୀ ଅଫତାବ ପୁନାୱାଲାଙ୍କ ବିରୋଧରେ ନିଜର କ୍ରୋଧ ପ୍ରକାଶ କରିଛନ୍ତି । ତାଙ୍କର ଏହି ଟ୍ୱିଟ୍ ବେଶ୍ ଭାଇରାଲ ହେବା ସହ ଲୋକ ତାଙ୍କର ଟ୍ୱିଟକୁ ରିଟ୍ୱିଟ୍ ମଧ୍ୟ କରୁଛନ୍ତି ।

Brutal murders can’t be prevented just by fear of law ..But they can be definitely stopped if the victims spirits come back from the dead and kill their killers ..I request God to consider this and do the needful 🙏🙏🙏
— Ram Gopal Varma (@RGVzoomin) November 16, 2022

ଶ୍ରଦ୍ଧା ୱାକର ନିଜ ପରିବାର ସଦସ୍ୟଙ୍କ ବିରୁଦ୍ଧରେ ଯାଇ ଆଫତାବ ପୁନାୱାଲାଙ୍କ ସହ ମୁମ୍ବାଇରୁ ଦିଲ୍ଲୀ ଆସିଥିଲେ । ଏହି ଦମ୍ପତି କଲ୍ ସେଣ୍ଟରରେ କାମ କରିବା ଆରମ୍ଭ କରିଥିଲେ, କିନ୍ତୁ ଶ୍ରଦ୍ଧା ବିବାହ ପାଇଁ ବାରମ୍ବାର ଅଫତାବ ଉପରେ ଚାପ ପକାଉଥିଲେ । ଯେଉଁଥି ପାଇଁ ଶ୍ରଦ୍ଧାଙ୍କ ପ୍ରତି ଅଫତାବର ରାଗ ବଢିଥିଲା ଓ ସେ ବେଶ୍ ନିର୍ମମ ଭାବରେ ନିଜ ଗର୍ଲପ୍ରେଣ୍ତର ହତ୍ୟା କରିଥିଲା । ଶ୍ରଦ୍ଧା ୱାକର ହତ୍ୟା ମାମଲା ଏବେ ପୁରା ଦେଶକୁ ସମ୍ପୂର୍ଣ୍ଣ ଥରାଇ ଦେଇଛି ।