ବଲିଉଡରୁ ଆସି ଦୁଃଖଦ ଖବର, ଫିଲ୍ମ ନିର୍ମାତା ଅୟନଙ୍କ ପିତା ଦେବ ମୁଖାର୍ଜୀଙ୍କ ଦେହାନ୍ତ

Deb Mukherjee Funeral: ବଲିଉଡ ନିର୍ଦ୍ଦେଶକ ଅୟନ ମୁଖାର୍ଜୀଙ୍କ ବାପା ଏବଂ କାଜୋଲଙ୍କ କାକା ଦେବ ମୁଖାର୍ଜୀଙ୍କ ଦେହାନ୍ତ ହୋଇଯାଇଛି। ଦୀର୍ଘ ଦିନ ଧରି ସେ ଅସୁସ୍ଥ ଥିଲେ ଏବଂ ତାଙ୍କର ଚିକିତ୍ସା ଜାରି ଥିଲା । ଆଜି ସକାଳେ ତାଙ୍କର ଦେହାନ୍ତ ହୋଇଛି । ମୃତ୍ୟୁ ବେଳକୁ ତାଙ୍କୁ ୮୩ ବର୍ଷ ବୟସ ହୋଇଥିଲା । ଦେବଙ୍ଗ ବିୟୋଗ ଖବର ଶୁଣିବା ପରେ ସାରା ବଲିଉଡ ଜଗତରେ ଶୋକର ଛାୟା ଖେଳିଯାଇଛି ।

ମୁମ୍ବାଇର ଜୁହୁ ସ୍ଥିତ ପବନ ହଂସ ଶ୍ମଶାନ ଘାଟରେ ଆଜି ଦେବଙ୍କର ଅନ୍ତିମ ସଂସ୍କାର କରାଯିବ । ଏହି ଅବସରରେ ବଲିଉଡର ବହୁ ବିଶିଷ୍ଟ ବ୍ୟକ୍ତିବିଶେଷ ସାମିଲ ହୋଇଛନ୍ତି । ଦେବଙ୍କ ସମ୍ପର୍କୀୟ ଏବଂ ଫିଲ୍ମ ଷ୍ଟାରମାନେ ଅୟାନ ମୁଖାର୍ଜୀଙ୍କ ଘରେ ପହଞ୍ଚିଛନ୍ତି । କାକା ଦେବ ମୁଖାର୍ଜୀଙ୍କ ମୃତ୍ୟୁ ଖବର ଶୁଣି ଅଭିନେତ୍ରୀ କାଜୋଲ ଭାଇ ଆୟନଙ୍କ ଘରକୁ ପହଞ୍ଚିଥିଲେ। ଆପଣଙ୍କୁ କହି ରଖୁଛୁ ଯେ କାଜୋଲ ତାଙ୍କ କାକା ଦେବଙ୍କ ବହୁତ ନିକଟତର ଥିଲେ।