ରାଜକୁମାର ରାଓ ଏବଂ ଶ୍ରଦ୍ଧାଙ୍କ ଫିଲ୍ମ 'ସ୍ତ୍ରୀ-୨' ନୂଆ ଗୀତ ହେଲା ରିଲିଜ୍, କରୁଛି ଟ୍ରେଣ୍ତ

Stree 2 New Song Out: ରାଜକୁମାର ରାଓ ଏବଂ ଶ୍ରଦ୍ଧା କପୁରଙ୍କ ଫିଲ୍ମ 'ସ୍ତ୍ରୀ-2' ରହିଛି ଲାଇମଲାଇଟରେ । ଫିଲ୍ମର ଦ୍ୱିତୀୟ ଗୀତ 'ଆଇ ନେହି' ରିଲିଜ୍ ହୋଇଯାଇଛି । ଏହି ଗୀତକୁ ଭୋଜପୁରୀ ପାୱାର ଷ୍ଟାର ପୱନ ସିଂ ଗାଇଛନ୍ତି । ତେବେ ପୱନ ସିଂ ଏହି ଚଳଚ୍ଚିତ୍ର ମାଧ୍ୟମରେ ବଲିଉଡରେ ଡେବ୍ୟୁ କରିଛନ୍ତି। ପୱନ ସିଂଙ୍କ ଗାଇଥିବା ପ୍ରଥମ ବଲିଉଡର ଗୀତ ଏହେ ଟ୍ରେଣ୍ତରେ ରହିଛି । ସୋସିଆଲ ମିଡିଆରେ ଚହଳ ସୃଷ୍ଟି କରିଛି ଏହି ଗୀତ ।

ଏହି ଗୀତ ୟୁଟ୍ୟୁବର ମ୍ୟୁଜିକ୍ ବିଭାଗର ଛଅ ନମ୍ବର ଟ୍ରେଣ୍ଡ ରହିଛି । ଏପରିକି 24 ଘଣ୍ଟା ମଧ୍ୟରେ ପାଖାପାଖି ୨ ମିଲିୟନ ଲୋକ ଏହି ଗୀତ ଦେଖି ସାରିଲେଣି । ଏହି ଗୀତ ମାଧ୍ୟମରେ ପୱନ ସିଂଙ୍କ ସ୍ୱରର ଯାଦୁ ସାରା ଦେଶରେ ବର୍ତ୍ତମାନ ଛାଇ ଯାଇଛି । ପୱନ ସିଂଙ୍କ ସହ ସିମରନ୍ ଚୌଧୁରୀ, ଦିବ୍ୟା କୁମାର ଏବଂ ସଚିନ୍-ଜିଗର ମଧ୍ୟ ସ୍ୱର ଦେଇଛନ୍ତି । ସରେଗାମା ସଙ୍ଗୀତରୁ ମୁକ୍ତିଲାଭ କରିଥିବା ଏହି ଗୀତରେ ସ୍ୱର ବର୍ତ୍ତମାନ ସମସ୍ତଙ୍କ ମୁହଁରେ ।

ଏହି ଗୀତ ପୱନ ସିଂଙ୍କ କ୍ୟାରିୟରର ଏକ ହିଟ୍ ଗୀତ । ବଲିଉଡରେ ଏହା ତାଙ୍କର ନୂଆ ଆରମ୍ଭ ହେଲେ ତାଙ୍କୁ ଏବେଠୁ ବେଶ ଅଧିକ ଲୋକପ୍ରିୟତା ମିଳିବାରେ ଲାଗିଛି । ଏହା ପୂର୍ବରୁ ପୱନ ସିଂ ଭୋଜପୁରୀରେ ଅନେକ ଗୀତ ଗାଇଛନ୍ତି ଏବଂ ଅନେକ ରେକର୍ଡ ମଧ୍ୟ ବ୍ରେକ୍ କରିଛନ୍ତି । ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, ଫିଲ୍ମ ସ୍ତ୍ରୀ 2 ଅଗଷ୍ଟ 15 ରେ ମୁକ୍ତିଲାଭ କରିବା ପାଇଁ ଯାଉଛି ।