ରିଲିଜ୍ ହେଲା 'ଲାଇଗର'ର ପ୍ରଥମ ଗୀତ,ବିଜୟଙ୍କ ଡ୍ୟାନ୍ସ କଲା ଫ୍ୟାନ୍ସଙ୍କୁ ମତୁଆଲା

Published: Tuesday, July 12, 2022, 13:13 [IST]

ମୁମ୍ବାଇ:ରିଲିଜ୍ ହେଲା 'ଲାଇଗର'ର ପ୍ରଥମ ଗୀତ।ଯେଉଁଥିରେ ଅନନ୍ୟା ଓ ବିଜୟ ଦେବରାଜଗୋଣ୍ତାରଙ୍କର ଜବରଦସ୍ତ ରୋମାନ୍ସ ଦେଖିବା ପାଇଁ ମିଳୁଛି । ଚର୍ଚ୍ଚାରେ ଥିବା ଫିଲ୍ମ ଲାଇଗରର ଗୀତ ଅକଡି ପକଡି ରିଲିଜ ହୋଇଛି ।ସୁନ୍ଦର ଡ୍ୟାନ୍ସ ସାଙ୍ଗକୁ ରୋମାନ୍ସ ଜିଣୁଛି ଦର୍ଶକଙ୍କ ମନ ।ବିଜୟ ଓ ଅନନ୍ୟାଙ୍କ ଫିଲ୍ମ ଲାଇଗର ଏହି ଗୀତ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଗୀତରେ ଉଭୟଙ୍କ ଯୋଡିକୁ ଖୁବ ପସନ୍ଦ ମଧ୍ୟ କରାଯାଉଛି । ବିଜୟଙ୍କ ଡ୍ୟାନ୍ସ ସାଙ୍ଗକୁ ଅନନ୍ୟାଙ୍କର ଲଟକଝଟକ ଗୀତରେ ଚାରଚାନ୍ଦ ଲଗାଉଛି । ଗୀତରେ ଏକଦମ୍ ସାଉଥ୍ ଷ୍ଟାଇଲେରେ ଡ୍ୟାନ୍ସ କରୁଛନ୍ତି ବିଜୟ । ଗୀତ ଆରମ୍ଭରୁ ବିଜୟ -ଅନନ୍ୟା ବାଇକରେ ନଜର ଆସୁଛନ୍ତି ।

ଖୁବ ଶିଘ୍ର ରିଲିଜ୍ ହେବ ଫିଲ୍ମ ଲାଇଗର । ଲାଇଗର ଜରିଆରେ ବିଜୟ ବଲିଉଡରେ ଡେବ୍ୟୁ କରିବେ ।ଏହି ଫିଲ୍ମଟି ପୁରୀ ଜଗନ୍ନାଥଙ୍କ ନିର୍ଦ୍ଦେଶିତ ଓ ଧର୍ମା ପ୍ରଡକ୍ସନ ଅଧୀନରେ କରଣ ଜୋହରଙ୍କ ଦ୍ୱାରା ନିର୍ମିତ ।ତେବେ ଏହା ଏକ ପାନ୍ ଇଣ୍ତିଆ ଫିଲ୍ମ ।ଯାହା ହିନ୍ଦୀ, ତାମିଲ, ତେଲୁଗୁ, ମାଲାୟାଲମ୍ ଏବଂ କନ୍ନଡ ଭାଷାରେ ଚଳିତ ଅଗଷ୍ଟ ୨୫ରେ ରିଲିଜ୍ ହେବ ।

Published On July 12, 2022