ବକ୍ସଅଫିସରେ 'ଫାଇଟର୍' ମ୍ୟାଜିକ୍, ୧୦ମ ଦିନ କଲା ଏତିକି କୋଟିର ବ୍ୟବସାୟ

Fighter Box Office Collection Day 10: ଚଳିତ ବର୍ଷର ବହୁ ପ୍ରତୀକ୍ଷିତ ଚଳଚ୍ଚିତ୍ର ମଧ୍ୟରୁ ହ୍ରିତିକ ରୋଶନ ଏବଂ ଦୀପିକା ପାଦୁକୋଣଙ୍କ ଅଭିନୀତ 'ଫାଇଟର୍' ଅନ୍ୟତମ। ଦେଶଭକ୍ତିରେ ପରିପୂର୍ଣ୍ଣ ସିଦ୍ଧାର୍ଥ ଆନନ୍ଦଙ୍କ ଏରିଲ୍ ଆକ୍ସନ୍ ଫିଲ୍ମ ଯବରଦସ୍ତ ଓପନିଂ କରିଥିଲା । ପ୍ରଥମ ଦିନ ଆୟ ଦେଖି ଲାଗୁଥିଲା ଏହି ସିନେମାଟି ଅନେକ ଫିଲ୍ମର ଆୟ ବ୍ରେକ୍ କରିବ । ହେଲେ ପ୍ରଥମ ସପ୍ତାହ ପରେ ଫିଲ୍ମର ବ୍ୟବସାୟ ଟିକେ ମାନ୍ଦା ପଡିଯାଇଥିବା ବେଳେ ଦ୍ୱିତୀୟ ସପ୍ତାହରେ ଏକ ଖାସ ଆୟ କରିପାରି ନଥିଲା ହ୍ରିତିକ୍ ରୋଶନଙ୍କ ଫିଲ୍ମ ଫାଇଟର୍ । ହେଲେ ଶୁକ୍ରବାର ତୁଳନାରେ ଶନିବାର ଦିନ ଏହି ଫିଲ୍ମ ଖୁବ୍ ଭଲ ବ୍ୟବସାୟ କରିଥିବା କରିଛି ।

25 ଜାନୁଆରୀରେ ପ୍ରେକ୍ଷାଳୟରେ ମୁକ୍ତିଲାଭ କରିଥିବା ଆକ୍ସନ୍ ଫିଲ୍ମ ଓପନିଂ ଡେ'ରେ ଦିନରେ 22.05 କୋଟି ଟଙ୍କା ଆୟ କରିଲା । ଏହି ଚଳଚ୍ଚିତ୍ରର ପ୍ରଥମ ସପ୍ତାହରେ ବହୁତ ଭଲ ରୋଜଗାର କରିଥିଲା । ବର୍ତ୍ତମାନ ଏବେ ଫିଲ୍ମର ଦଶମ ଦିନର ଆୟ ପ୍ରକାଶ ପାଇଛି । ତେବେ ଆସନ୍ତୁ ଜାଣିବା ବକ୍ସ ଅଫିସରେ ଫାଇଟର୍ କେତେ କୋଟିର ବ୍ୟବସାୟ କରିଛି ।

ପ୍ରାରମ୍ଭିକ ଟ୍ରେଣ୍ଡ ରିପୋର୍ଟ ଅନୁଯାୟୀ, 'ଫାଇଟର୍' ଦଶମ ଦିନରେ 10.05 କୋଟି ଟଙ୍କା ଆୟ କରିଛି। ଏହା ସହିତ, 'ଫାଇଟର୍'ର 10 ଦିନର ସଂଗ୍ରହ ବର୍ତ୍ତମାନ 162.75 କୋଟି ଟଙ୍କାରେ ପହଞ୍ଚିଛି । ଖୁବ୍ ଶୀଘ୍ର ଦୀପିକା ଏବଂ ହ୍ରିତିକଙ୍କ 'ଫାଇଟର୍' 200 କୋଟି ଟଙ୍କାର କ୍ଲବରେ ସାମିଲ ହେବା ପାଇଁ ଯାଉଛି ।

English summary

Fighter Box Office Collection Day 10.