ଘୁଞ୍ଚିଲା କଙ୍ଗନାଙ୍କ ଫିଲ୍ମ "Emergency' ରିଲିଜ୍ ତାରିଖ

Emergency Release Date: ବଲିଉଡ ଅଭିନେତ୍ରୀ ତଥା ରାଜନେତା କଙ୍ଗନା ରଣାୱତ ଆଜିକାଲି ତାଙ୍କର ଆଗାମୀ ଚଳଚ୍ଚିତ୍ର 'Emergency' ପ୍ରଚାରରେ ବ୍ୟସ୍ତ ରହିଛନ୍ତି । ଏହି ଫିଲ୍ମକୁ ନେଇ କ୍ରମାଗତ ବିବାଦ ଲାଗି ରହିଛି। ଏହି ସମୟରେ ଫିଲ୍ମର ରିଲିଜ୍ ତାରିଖକୁ ଘୁଞ୍ଚାଇ ଦିଆଯାଇଥିବା ଖବର ଆସିଛି।

ସୂଚନା ଅନୁସାରେ, 'Emergency' ରିଲିଜ୍ ତାରିଖ ସ୍ଥଗିତ ରଖାଯାଇଛି । ଏହି ସିନେମାର ରିଲିଜକୁ ନେଇ ବିବାଦ ଲାଗି ରହିଛି। ଏହି ଚଳଚ୍ଚିତ୍ରର କାହାଣୀ 1975 ରୁ 1977 ପର୍ଯ୍ୟନ୍ତ ଦେଶରେ ଲାଗୁ ହୋଇଥିବା ଜରୁରୀକାଳୀନ ପରିସ୍ଥିତି ଉପରେ ଆଧାରିତ । ଉକ୍ତ ସମୟରେ ଇନ୍ଦିରା ଗାନ୍ଧୀଙ୍କ ସରକାର ଥିଲା। "Emergency' ଚଳଚ୍ଚିତ୍ରରେ କଙ୍ଗନା ରଣାୱତ ଇନ୍ଦିରା ଗାନ୍ଧୀଙ୍କ ଭୂମିକାରେ ନଜର ଆସିବେ। ହେଲେ ରିଲିଜ୍ ତାରିଖ 4 ଦିନ ପୂର୍ବରୁ ହିଁ ଫିଲ୍ମ ରିଲିଜ୍ ତାରିଖ ବଦଳା ଯାଇଛି ।

ରିପୋର୍ଟ ଅନୁସାରେ, ଫିଲ୍ମଟିକୁ ଏପର୍ଯ୍ୟନ୍ତ ସେନସର ବୋର୍ଡ ସାର୍ଟିଫିକେଟ୍ ମିଳିନାହିଁ । ତରନ୍ ଆଦର୍ଶ ଟ୍ୱିଟ୍ କରି ଲେଖିଛନ୍ତି, 'Emergency' ଚଳଚ୍ଚିତ୍ରର ରିଲିଜ୍ ତାରିଖ ଆଗକୁ ବୃଦ୍ଧି କରାଯାଇଛି । ସେପ୍ଟେମ୍ବର 6 ରେ ଏହା ଆଉ ପ୍ରେକ୍ଷାଳୟରେ କଙ୍ଗନାଙ୍କ ଫିଲ୍ମ ମୁକ୍ତିଲାଭ କରିବ ନାହିଁ । ସେହିପରି ବର୍ତ୍ତମାନ ଫିଲ୍ମର ନୂଆ ରିଲିଜ୍ ତାରିଖ ସମ୍ପର୍କରେ କୌଣସି ସୂଚନା ମିଳିନାହିଁ। ତେବେ ଏହି ଖବର ଉପରେ ବର୍ତ୍ତମାନ କଙ୍ଗନାଙ୍କର କୌଣସି ପ୍ରତିକ୍ରିୟା ମିଳିନାହିଁ ।

ହେଲେ ପୂର୍ବରୁ କଙ୍ଗନା କହିଥିଲେ 'ଗୁଜବ ସୃଷ୍ଟି ହେଉଛି ଯେ ଆମ ଚଳଚ୍ଚିତ୍ରକୁ ସେନସର ବୋର୍ଡ ସାର୍ଟିଫିକେଟ୍ ମିଳିନାହିଁ, ହେଲେ ଏହା ସତ୍ୟ ନୁହେଁ । ଅନେକ ଧମକ ଯୋଗୁଁ ସିନେମାକୁ ପ୍ରମାଣପତ୍ର ମିଳିପାରୁ ନାହିଁ ।

English summary

Emergency Release Date.