ଏହି ଆସନରୁ ନିର୍ବାଚନ ଲଢିବେ ଅଭିଷେକ ବଚ୍ଚନ, ଜୋର ଧରିଲା ଚର୍ଚ୍ଚା

Published: Sunday, July 16, 2023, 14:01 [IST]

ନୂଆଦିଲ୍ଲୀ: ଆଗାମୀ ୨୦୨୪ ଲୋକସଭା ନିର୍ବାଚନରେ ନିର୍ବାଚନ ଲଢି ପାରନ୍ତି ବଲିଉଡ ଅଭିନେତା ଅଭିଷେକ ବଚ୍ଚନ । ସମାଜବାଦୀ ପାର୍ଟି ପକ୍ଷରୁ ସେ ଏହି ନର୍ବାଚନ ଲଢିବେ ବୋଲି ଚର୍ଚ୍ଚା ଜୋର ଧରିଛି । ଅଭିଷେକ ଆହ୍ଲାବାଦ ସଂସଦୀୟ କ୍ଷେତ୍ରରୁ ନିର୍ବାଚନ ଲଢି ପାରନ୍ତି ବୋଲି ଚର୍ଚ୍ଚା ହେଉଛି ।

୧୯୮୪ ମସିହାରେ ଆହ୍ଲାବାଦରୁ ନିର୍ବାଚନ ଲଢି ବିଜୟୀ ହୋଇଥିଲେ ଅମିତାଭ ବଚ୍ଚନ । ଏବେ ଆହ୍ଲାବାଦର ନାମ ପରିବର୍ତନ ହୋଇ ପ୍ରୟାଗରାଜ ହୋଇଛି । ଆଉ ବାପା ଠିଆ ହୋଇଥିବା ଆସନରୁ ପୁଅ ନିର୍ବାଚନ ଲଢିବା ନେଇ ଚର୍ଚ୍ଚା ହେଉଛି ।

ଏ ନେଇ ଦଳର ବରିଷ୍ଠ ନେତା ସ୍ଥାନୀୟ ପଦାଧିକାରୀଙ୍କଠାରୁ ଫିଡବ୍ୟାକ ନେଇଛନ୍ତି । କୁହାଯାଉଛି, ସମାଜବାଦୀ ପାର୍ଟିର ରାଷ୍ଟ୍ରୀୟ ଅଧ୍ୟକ୍ଷ ଅଖିଳେଶ ଯାଦବ ଖୁବ ଶୀଘ୍ର ମୁମ୍ବାଇ ଯାଇ ଅମିତାଭ ବଚ୍ଚନ ଏବଂ ରାଜ୍ୟସଭା ସଦସ୍ୟ ଜୟା ବଚ୍ଚନଙ୍କ ସହ ଆଲୋଚନା କରିବେ ।

ଅଭିଷେକଙ୍କ ମାଆ ଜୟାବଚନ ସମାଜବାଦୀ ପାର୍ଟିରୁ ଏବେ ରାଜ୍ୟସଭା ସାଂସଦ ଅଛନ୍ତି । ଏବେ ସମାଜବାଦୀ ପାର୍ଟରୁ ଅଭିଷେକ ପ୍ରୟାଗରାଜରୁ ଲୋକସଭା ନର୍ବାଚନ ଲଢିବେ ବୋଲି କୁହାଯାଉଛି । ନିର୍ବାଚନରେ ସଫଳତା ପାଇଁ ଅଭିଷେକଙ୍କ ଭଳି ସେଲିବ୍ରେଟିଙ୍କୁ ଠିଆ କରାଇବା ଲାଗି ସମାଜବାଦୀ ପାର୍ଟି ବିଚାର କରୁଥିବା କୁହାଯାଉଛି ।

Published On July 16, 2023