ଶାହାରୁଖା ଖାନଙ୍କ ପତ୍ନୀ ଗୌରୀ ଖାନଙ୍କ ବିରୋଧରେ ଠକେଇ ମାମଲା, ଇଡି ପଠାଇଲା ନୋଟିସ୍
Gauri Khan ED: ବଲିଉଡ ସୁପରଷ୍ଟାର ଶାହାରୁଖ ଖାନଙ୍କ ପତ୍ନୀ ଗୌରୀ ଖାନଙ୍କୁ ନେଇ ଏକ ବଡ ଖବର ଆସୁଛି । ରିପୋର୍ଟ ଅନୁସାରେ ଏନଫୋର୍ସମେଣ୍ଟ ନିର୍ଦ୍ଦେଶାଳୟ ଯଥା ଇଡି ତାଙ୍କୁ ଏକ ନୋଟିସ ପଠାଇଛି। ବାସ୍ତବରେ ଗୌରୀ ଖାନ୍ ରିଅଲ୍ ଇଷ୍ଟେଟ୍ କମ୍ପାନୀ ତୁଲସିଆନି ଗ୍ରୁପ୍ ର ବ୍ରାଣ୍ଡ ଆମ୍ବାସାଡର । କମ୍ପାନୀ ବ୍ୟାଙ୍କ ଏବଂ ନିବେଶକଙ୍କ ଠାରୁ ପ୍ରାୟ 30 କୋଟି ଟଙ୍କା ଆୟ କରି ଲୋକଙ୍କୁ ଠକିଥିବା ଅଭିଯୋଗ ହୋଇଛି। ଏଭଳି ପରିସ୍ଥିତିରେ ବର୍ତ୍ତମାନ ଗୌରୀ ଖାନଙ୍କୁ ମଧ୍ୟ ଯାଞ୍ଚ କରାଯିବ ।
ଗଣମାଧ୍ୟମ ରିପୋର୍ଟ ଅନୁଯାୟୀ, ଶାହାରୁଖ ଖାନଙ୍କ ପତ୍ନୀ, ପ୍ରସିଦ୍ଧ ଇଣ୍ଟେରିୟର ଡିଜାଇନର୍ ଗୌରୀ ଖାନଙ୍କୁ 2015 ମସିହାରେ ଲକ୍ଷ୍ନୌର ରିଅଲ ଇଷ୍ଟେଟ କମ୍ପାନୀ ତୁଲସିଆନି ଗ୍ରୁପର ବ୍ରାଣ୍ଡ ଆମ୍ବାସାଡର କରାଯାଇଥିଲା। ତୁଲସାନି ଗ୍ରୁପ୍ ବିରୋଧରେ ପଞ୍ଜୀକୃତ ହୋଇଥିବା ଠକେଇ ମାମଲାରେ ଗୌରୀ ଖାନଙ୍କୁ ମଧ୍ୟ ଅଭିଯୁକ୍ତ କରାଯାଇଛି ।
ଲକ୍ଷ୍ନୌର ରିଏଲ୍ ଇଷ୍ଟେଟ୍ କମ୍ପାନୀ ସହ ଜଡିତ ଇଡି ବର୍ତ୍ତମାନ ଗୌରୀ ଖାନଙ୍କୁ ପଚରାଉଚରା କରିବ। ଯଦି ଗଣମାଧ୍ୟମର ରିପୋର୍ଟକୁ ବିଶ୍ୱା କରାଯାଏ, ତେବେ ଗୌରୀ ଖାନଙ୍କୁ ଇଡିରେ ହାଜର ହେବା ପାଇଁ ପଡିପାକେ ଏବଂ ସେ ଏହି କମ୍ପାନୀ ସହିତ କେଉଁ ଚୁକ୍ତି କରିଥିଲେ ଏବଂ ଏଥିପାଇଁ କେତେ ଟଙ୍କା ନେଇଥିଲେ ସେ ନେଇ ମଧ୍ୟ ପୁରା ଡିଟେଲସ୍ ଦେବା ପାଇଁ ପଡିବ ।
ଏହି ଘଟଣା ପ୍ରଥମେ ମାର୍ଚ୍ଚ 2023 ରେ ସାମ୍ନାକୁ ଆସିଥିଲା ଏବଂ ଲକ୍ଷ୍ନୌର ସୁଶାନ୍ତ ଗଲ୍ଫ ସିଟିର ତୁଲସିଆନି ଗ୍ରୁପର ଏକ ବଡ ପ୍ରକଳ୍ପ ସହିତ ଜଡିତ ଥିଲେ । ଏହି ପ୍ରୋଜେକ୍ଟରେ ମୁମ୍ବାଇର ଜଣେ ବ୍ୟକ୍ତି 2015 ମସିହାରେ ଏକ ଫ୍ଲାଟ କିଣିଥିଲେ, ଯାହାର ମୂଲ୍ୟ 85 ଲକ୍ଷ ଟଙ୍କା ଥିଲା । ବ୍ୟକ୍ତି ଜଣକ କହିଛନ୍ତି ଯେ ଟଙ୍କା ଦେବା ପରେ ମଧ୍ୟ ସେ ଆଜି ପର୍ଯ୍ୟନ୍ତ ଫ୍ଲାଟ ପାଇନାହାଁନ୍ତି।
ଗୌରୀ ଖାନଙ୍କ ବିରୋଧରେ ଠକେଇ ମାମଲା
ଏହି ମାମଲାରେ ଉକ୍ତ ବ୍ୟକ୍ତି ତୁଲସିଆନି ଗ୍ରୁପ ଏବଂ ଗୌରୀ ଖାନଙ୍କ ବିରୋଧରେ ଠକେଇ ମାମଲା ଦାୟର କରିଥିଲେ। ଅଭିଯୋଗକାରୀ କହିଥିଲେ - ଗୌରୀ ଖାନ ଏହି ପ୍ରକଳ୍ପକୁ ସମର୍ଥନ କରୁଥିଲେ, ତେଣୁ ତାଙ୍କୁ ଦେଖିବା ପରେ ମୁଁ ତୁଲସିଆନି ଗ୍ରୁପ୍ ମାଧ୍ୟମରେ ଘର କିଣିଥିଲି । ଅଭିଯୋଗକାରୀ ଆହୁରି କହିଛନ୍ତି - ମୁଁ ଟଙ୍କା ଦେଇଛି କିନ୍ତୁ ଆଜି ପର୍ଯ୍ୟନ୍ତ ମୁଁ ଘର ପାଇନାହିଁ।
Click it and Unblock the Notifications
Sign in with Google