ଡ୍ରଗ୍ସ ମାମଲାରେ ଅଭିନେତା ବିବେକ ଓବରୟଙ୍କ ଶଳା ଗିରଫ : 4 ମାସ ହେଲା ଫେରାର୍ ଥିଲେ

ବଲିଉଡ୍ ଅଭିନେତା ବିବେକ ଓବରୟଙ୍କ ଶଳା ଅଦିତ୍ୟ ଓବ୍ଲାଙ୍କୁ ଡ୍ରଗ୍ସ ମାମଲାରେ ଗିରଫ କରାଯାଇଛି ।

Published: Tuesday, January 12, 2021, 15:45 [IST]

ଚେନ୍ନାଇ : Vivek Oberoi Brother in Law Arrested । ବଲିଉଡ୍ ଅଭିନେତା ବିବେକ ଓବରୟଙ୍କ ଶଳା ଅଦିତ୍ୟ ଓବ୍ଲାଙ୍କୁ ଡ୍ରଗ୍ସ ମାମଲାରେ ଗିରଫ କରାଯାଇଛି । ସ୍ୟାଣ୍ଡେଲଉଡ୍ ଡ୍ରଗ୍ସ ମାମଲାରେ ତାଙ୍କୁ ଗିରଫ କରାଯାଇଛି । ଗତବର୍ଷ ସେପ୍ଟେମ୍ବର ଠାରୁ ଆଦିତ୍ୟଙ୍କ ନାଁରେ ଏହି ମାମଲା ଚାଲୁଥିଲା । ତେବେ ବେଙ୍ଗାଲୁରୁ ପୁଲିସର କ୍ରାଇମବ୍ରାଞ୍ଚ ସୋମବାର ଦିନ ଚେନ୍ନାଇରୁ ତାଙ୍କୁ ଗିରଫ କରିଛି । ଏହାପୂର୍ବରୁ ଆଦିତ୍ୟ ତାଙ୍କ ନାଁରେ ହୋଇଥିବା ମାମଲାକୁ ରଦ୍ଦ କରିବା ପାଇଁ କୋର୍ଟର ଦ୍ୱାରସ୍ଥ ହୋଇଥିଲେ ।

ଏଠାରେ କହି ରଖୁଛୁ କି, ଉକ୍ତ ଡ୍ରଗ୍ସ ମାମଲାରେ ବେଙ୍ଗାଲୁରୁ କ୍ରାଇମବ୍ରାଞ୍ଚ ଦୀର୍ଘ ଦିନ ଧରି ଆଦିତ୍ୟଙ୍କୁ ଖୋଜୁଥିଲା । ସେପ୍ଟେମ୍ବର ମାସରେ ମାମଲା ରୁଜୁ ହେବା ପରେ ଆଦିତ୍ୟ ଫେରାର୍ ହୋଇଯାଇଥିଲେ । ଆଦିତ୍ୟଙ୍କୁ ଗିରଫ କରିବା ପାଇଁ କ୍ରାଇମବ୍ରାଞ୍ଚ ବିଭିନ୍ନ ସ୍ଥାନରେ ଚଢାଉ କରିଥିଲା । ଗତବର୍ଷ ଏହି ପରିପ୍ରେକ୍ଷିରେ ମୁମ୍ବାଇରେ ଥିବା ବିବେକ ଓବରୟଙ୍କ ଘରେ ମଧ୍ୟ ଚଢାଉ କରିଥିଲା କ୍ରାଇମବ୍ରାଞ୍ଚ । ତେବେ ଆଦିତ୍ୟ ଚେନ୍ନାଇରେ ଲୁଚିଥିବା ଖବର ପାଇବା ପରେ ତାଙ୍କୁ ଗିରଫ କରାଯାଇଥିବା ଗଣମାଧ୍ୟମର ପ୍ରକାଶିତ ରିପୋର୍ଟରୁ ଜଣାପଡିଛି ।

Published On January 12, 2021