ଅପରାଧ ସ୍ୱୀକାର କରିବେ କି ଅଜୟ ଦେବଗନ୍ ନା ରହିଛି କିଛି ରହସ୍ୟ !

ଅପରାଧ ସ୍ୱୀକାର କରିବେ କି ଅଜୟ ଦେବଗନ୍ ନା ଅଛି କିଛି ରହସ୍ୟ !

Drishyam 2 Teaser: ବଲିଉଡ ସୁପରଷ୍ଟାର ଅଜୟ ଦେବଗନଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର 'ଦୃଶ୍ୟମ ୨'ର ଟିଜର ରିଲିଜ୍ ହୋଇଛି । 2015 ମସିହାରେ ଆସିଥିବା ଅଜୟଙ୍କ ଫିଲ୍ମ 'ଦୃଶ୍ୟମ 'ର ସଫଳତା ପରେ ନିର୍ମାତାମାନେ ଏହି ସୁପରହିଟ୍ ଫିଲ୍ମର ପାର୍ଟ-୨ ଆଣିବା ପାଇଁ ନିଷ୍ପତ୍ତି ନେଇଥିଲେ । ସସପେନ୍ସରେ ପରିପୂର୍ଣ୍ଣ 'Drishyam ୨' ର ଟିଜର ଭିଡିଓ ଦେଖିବା ପରେ ପ୍ରଶଂସକଙ୍କ ଉତ୍ସାହ ବୃଦ୍ଧି ପାଇଛି । ଏହି ଟିଜରରେ ଅଜୟ ଦେବଗନ ନିଜ ଅପରାଧ ସ୍ୱୀକାର କରୁଥିବାର ଦେଖିବାକୁ ମିଳିଛି ।

ହିନ୍ଦୀ ସିନେମାର ଅନ୍ୟତମ ପ୍ରସିଦ୍ଧ ଅଭିନେତା ଅଜୟ ଦେବଗନ୍ ଗୁରୁବାର ଦିନ ତାଙ୍କ ଅଫିସିଆଲ୍ ଇନଷ୍ଟାଗ୍ରାମ ହ୍ୟାଣ୍ଡେଲରେ ଫିଲ୍ମ 'Drishyam 2'ର ଟିଜର ପୋଷ୍ଟ କରିଛନ୍ତି । ଏହି ଟିଜରରେ ଫିଲ୍ମର ପାର୍ଟ ୧ର ଅନେକ ଦୃଶ୍ୟ ମଧ୍ୟ ଦେଖିବା ପାଇଁ ମିଳୁଛି । ଆଇଜି ମିରା ଦେଶମୁଖ (ତବୁ)ଙ୍କ ଏକମାତ୍ର ପୁତ୍ର ସମୀର ଦେଶମୁଖ କିପରି ବିଜୟଙ୍କ(ଅଜୟ ଦେବଗନ) ପରିବାର ପାଇଁ ଏକ ବିପଦ ହୋଇ ଆସୁଛି । ଯେଉଁ ବିପଦରୁ ମୁକ୍ତି ପାଇବା ପାଇଁ ବିଜୟଙ୍କ ପରିବାର ପ୍ରୟାସ କରୁଛି ଓ
ଏହାରି ମଧ୍ୟରେ ସମୀରଙ୍କର ମୃତ୍ୟୁ ହୋଇଯାଉଛି । ଯାହାକୁ ନେଇ ଫିଲ୍ମର କାହାଣୀ ଗତିଶିଳ । 'Drishyam 2' ଟିଜର ରିଲିଜ୍ ହେବା ପରଠୁ ସୋଶାଲ ମିଡିଆରେ ଏହା ଭାଇରାଲ ହେବାରେ ଲାଗିଛି । ଦର୍ଶକଙ୍କୁ ମଧ୍ୟ ଏହି ଟିଜର ବେଶ ପସନ୍ଦ ଆସୁଛି ।

କେବେ ମୁକ୍ତଲାଭ କରିବ Drishyam 2

ଅଜୟ ଦେବଗନ୍ ଏହି ଟିଜର ଭିଡିଓ ସେୟାର କରି କ୍ୟାପସନରେ ଲେଖିଛନ୍ତି ଯେ 'ବିଜୟ ଏବଂ ତାଙ୍କ ପରିବାରର କାହାଣୀ ଆପଣଙ୍କର ମନେ ଥିବ, ନା ମନେ ପକାଇଦେବୁ' । ଅଜୟ ଦେବଗନ୍, ଦକ୍ଷିଣ ଅଭିନେତ୍ରୀ ଶ୍ରେୟା ସରନ୍, ଇଶିତା ଦତ୍ତା, ତବୁ ଏବଂ ଅକ୍ଷୟ ଖାନ୍ନା ଏହି ଫିଲ୍ମରେ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସୁଛନ୍ତି । ଆସନ୍ତା ନଭେମ୍ବର ୧୮ରେ ଏହି ସିନେମାଟି ରିଲିଜ୍ ହେବା ପାଇଁ ଯାଉଛି ।

ଫିଲ୍ମ Drishyamରେ ଏକ ସାଧାରଣ ପରିବାରର କାହାଣୀ ଦେଖିବା ପାଇଁ ମିଳିଥିଲା । ଯାହାକୁ ଦର୍ଶକଙ୍କର ବେଶ ଭଲ ପାଇବା ମିଳିଥିଲା । ଅଜୟ ଦେବଗନଙ୍କ ଅଭିନୟକୁ ଖୁବ ପସନ୍ଦ କରିଥିଲେ ଦର୍ଶକ ।

English summary

Drishyam 2 Recall Teaser Out