ଦ୍ୱିତୀୟ ସପ୍ତାହରେ ଫିଲ୍ମ 'ଦେବରା'ବଢିଲା ଆୟ

Devara Box Office Collection Day 9: ଜୁନିଅର ଏନଟିଆର, ସଫୈ ଅଲି ଖାନ ଏବଂ ଜହ୍ନବୀ କପୁରଙ୍କ ଫିଲ୍ମ 'ଦେବରା- ପାର୍ଟ 1' ଆଜି ଦ୍ୱିତୀୟ ସପ୍ତାହରେ ପ୍ରବେଶ କରିଛି। ସେପ୍ଟେମ୍ବର 27 ରେ ମୁକ୍ତିଲାଭ କରିଥିବା ଏହି ଫିଲ୍ମର ଓପନିଂ ଖୁବ ଜବରଦସ୍ତ ରହିଛି ।

ପ୍ରଥମ ଦିନରେ 82.5 କୋଟି ଟଙ୍କା ସହିତ ଫିଲ୍ମ ଖାତା ଖୋଲିଥିଲା । ଏହି ଚଳଚ୍ଚିତ୍ର ଦ୍ୱିତୀୟ ଦିନରେ 38.2 କୋଟି, ତୃତୀୟ ଦିନରେ 39.9 କୋଟି ଏବଂ ଚତୁର୍ଥ ଦିନରେ 12.75 କୋଟି ଟଙ୍କା ଆୟ କରିଛି। ଏହି ଚଳଚ୍ଚିତ୍ରଟି ପଞ୍ଚମ, ଷଷ୍ଠ ଏବଂ ସପ୍ତମ ଦିନରେ 14 କୋଟି, 21 କୋଟି ଏବଂ 7.25 କୋଟି ଟଙ୍କା ରୋଜଗାର କରି ନିଜର ଦୃଢ ସ୍ଥିତି ବଜାୟ ରଖିଛି।

ଫିଲ୍ମର ଅଷ୍ଟମ ଦିନ ସଂଗ୍ରହ ବିଷୟରେ କହିବାକୁ ଗଲେ ଏହି ଫିଲ୍ମ 6 କୋଟି ଟଙ୍କା ରୋଜଗାର କରିଥିଲା ​​ଏବଂ ଏହା ସହିତ ବଲିଉଡ ଫିଲ୍ମ 'ଫାଇଟର'ର ଘରୋଇ ବକ୍ସ ଅଫିସରେ ରେକର୍ଡ କରଛି । ନବମ ଦିନର ଏହି ଚଳଚ୍ଚିତ୍ରଟି ଅପରାହ୍ନ 3:20 ପର୍ଯ୍ୟନ୍ତ 3.23 କୋଟି ଟଙ୍କା ଆୟ କରିଛି। ଏହା ସହିତ ଫିଲ୍ମର ମୋଟ ରୋଜଗାର 224.83 କୋଟିରେ ପହଞ୍ଚିଛି।

ଏହି ଫିଲ୍ମ 8 ଦିନରେ ସାରା ବିଶ୍ୱରେ 70.25 କୋଟି ଟଙ୍କା ରୋଜଗାର କରିଛି। ଭାରତ ଏବଂ ବିଦେଶରେ ଥିବା ସଂଗ୍ରହକୁ ଦେଖିବା, ତେବେ ଏହା 333 କୋଟିରୁ ଅଧିକ ଆୟ କରିଛି । 'ଦେବରା - ଭାଗ -1' ହେଉଛି ଏକ ମୂଳ ତେଲୁଗୁ ଆକ୍ସନ୍-ଥ୍ରୀଲର ଚଳଚ୍ଚିତ୍ର ଯାହା ହିନ୍ଦୀରେ ଏବଂ ତାମିଲ, କନ୍ନଡ ଏବଂ ମାଲାୟାଲମ୍ ପରି ଅନେକ ଭାରତୀୟ ଭାଷାରେ ମୁକ୍ତିଲାଭ କରିଛି । ଜୁନିଅର ଏନଟିଆର ବ୍ୟତୀତ ବଲିଉଡ ଅଭିନେତା ସୈଫ ଅଲି ଖାନ ଏବଂ ଜାହଭି କପୁର ମଧ୍ୟ ଏହି ଫିଲ୍ମରେ ମୁଖ୍ୟ ଭୂମିକାରେ ନଜର ଆସିବେ ।