ଖସିଲା କରୋନା ଗ୍ରାଫ : କଟକଣା ଭିତରେ ହେବ ଟେଲିଭିଜନ ଓ ଚଳଚ୍ଚିତ୍ର ସୁଟିଂ
ରୋନା ଗ୍ରାଫ ହ୍ରାସ ହେଉଥିବାରୁ ଏବେ ରାଜ୍ୟରେ କରୋନା କଟକଣାକୁ କୋହଳ କରାଯାଇଛି । ଆଉ ଟେଲିଭିଜନ ଏବଂ ଚଳଚ୍ଚିତ୍ର ସୁଟିଂକୁ ପୁଣି ଥରେ ଅନୁମତି ଦେଇଛନ୍ତି ସରକାର
ମୁମ୍ବାଇ: କରୋନା ଦ୍ବିତୀୟ ଲହର ସାରା ଦେଶକୁ ପ୍ରଭାବିତ କରିଛି । ଯେଉଁଥିରେ ମହାରାଷ୍ଟ୍ର କରୋନା ଗ୍ରାଫ୍ ଉଚ୍ଚରେ ରହିଥିଲା । କରୋନା ସଂକ୍ରମଣକୁ ରୋକିବାକୁ ସରକାର ରାଜ୍ୟରେ ଲକ୍ଡାଉନ୍ ଘୋଷଣା କରିଥିଲେ। ଏହା ସହିତ ଟେଲିଭିଜନ ଏବଂ ଚଳଚ୍ଚିତ୍ର ସୁଟିଂକୁ ମଧ୍ୟ ବନ୍ଦ କରାଯାଇଥିଲା । ହେଲେ ଏବେ କରୋନା ଗ୍ରାଫ ହ୍ରାସ ହେଉଥିବାରୁ ଏବେ ରାଜ୍ୟରେ କରୋନା କଟକଣାକୁ କୋହଳ କରାଯାଇଛି । ଆଉ ଟେଲିଭିଜନ ଏବଂ ଚଳଚ୍ଚିତ୍ର ସୁଟିଂକୁ ପୁଣି ଥରେ ଅନୁମତି ଦେଇଛନ୍ତି ସରକାର । ହେଲେ ଏଥିପାଇଁ କିଛି କଟକଣା ରଖାଯାଇଛି।
ସମସ୍ତ କଟକଣାକୁ ମାନି ଚଳଚ୍ଚିତ୍ର ଏବଂ ଟେଲିଭିଜନ ସୁଟିଂ କରାଯାଇପାରିବ ବୋଲି କହିଛନ୍ତି ସରକାର। ନିୟମିତ ସୁଟ୍ ପୁଣି ଥରେ ଆରମ୍ଭ ହୋଇପାରିବ ହେଲେ ସୀମିତ ସମୟ ପାଇଁ ସୁଟିଂକୁ ଅନୁମତି ଦିଆ ଯାଇଛି । ଆଠ ଘଣ୍ଟା ପାଇଁ ସୁଟିଂକୁ ଅନୁମତି ମିଳିଥିବା ବେଳେ ବାୟୋ ବବଲରେ ସୁଟିଂ ହେବ । ଅପରାହ୍ନ 5ଟା ସୁଦ୍ଧା ସମସ୍ତ ସୁଟିଂ ସରିବ । ସେହିପରି ସୁଟିଂରେ ନିୟୋଜିତ ସମସ୍ତ କର୍ମଚାରୀମାନେ ପ୍ରଥମ ଡୋଜ୍ ଟିକା ନେବା ବାଧ୍ୟତାମୂଳକ କରାଯାଇଛି । ଯେଉଁମାନେ ଟିକା ନେଇଥିବେ ସେହିମାନେ କେବଳ ସୁଟିଂରେ ଭାଗ ନେଇ ପାରିବେ ବୋଲି FWICEର ସଭାପତି ବିଏନ ଚିଓ୍ୱାରି କହିଛନ୍ତି । ଅପରପକ୍ଷରେ ଟେଲିଭିଜନ ଓ ଚଳଚ୍ଚିତ୍ରର ସୁଟିକୁ 12 ଘଣ୍ଟା ବଢାଇବା ପାଇଁ ମଧ୍ୟ କୁହାଯାଇଛି । ବାତ୍ୟା ତୌକତେ ପାଇଁ ଅନେକ ସୁଟିଂ ସେଟ୍ ରେ ବ୍ୟାପକ କ୍ଷତି ହୋଇଥିବା ବେଳେ ଏହାର ମରାମତି ପାଇଁ ଅଧିକ ସମୟ ଲୋଡା ବୋଲି ସେ କହିଛନ୍ତି ।