Code Name Tiranga Review: ଫିକା ପଡିଲା ଫିଲ୍ମର କହାଣୀ, ଇମପ୍ରେସ୍ କଲେ ପରିଣିତୀ

Updated: Friday, October 14, 2022, 14:28 [IST]

ମୁମ୍ବାଇ: Code Name Tiranga' ନା' ରୁ ହିଁ ଜଣାପଡୁଛି ଯେ କାହାଣୀଟି ଏକ ଏଜେଣ୍ଟର ବୋଲି । ଯିଏ ଦେଶ ପାଇଁ ଏକ ମିଶନରେ ଯାଉଛି । ଏଥର କାହାଣୀରେ ଅଭିନେତା ନୁହେଁ ଜଣେ ଅଭିନେତ୍ରୀ ଅଛନ୍ତି ମିଶନରେ । ଫିଲ୍ମର କାହଣୀ ଏତେ ଖାସ ନାହିଁ ହେଲେ ପରିଣିତୀଙ୍କ ଆକ୍ସନ ତାଙ୍କ ଅଭିନୟ ଦର୍ଶକଙ୍କୁ କରୁଛି ଇମପ୍ରେସ ।

ଏହା ହେଉଛି ଦୁର୍ଗା ନାମକ ଜଣେ ଏଜେଣ୍ଟଙ୍କ କାହାଣୀ ଯିଏ ବିଦେଶରେ ମିଶନରେ ଅଛନ୍ତି । ଏହି ଚରିତ୍ରରେ ପରିଣିତୀ ଚୋପ୍ରା ଅଭିନୟ କରିଛନ୍ତି । ଚଳଚ୍ଚିତ୍ରରେ ପରିଣିତୀଙ୍କୁ ନିଜ ଟ୍ୟାଲେଣ୍ଟ ପାଇଁ ଏକ ଆତଙ୍କବାଦୀକୁ ଧରିବା ଲାଗି ଗୁରୁତ୍ୱପୂର୍ଣ୍ଣ ମିଶନରେ ପଠାଯାଉଛି । ବନ୍ଧୁକ ବ୍ୟବହାର କରିବା ସହିତ, ସେ ଶାରୀରିକ ଭାବରେ ମଧ୍ୟ ଖୁବ ଫିଟ୍ ଓ ଆକ୍ଟିଭ୍ ଅଛନ୍ତି ଯେଉଁଥି ପାଇଁ ସେ ଜଣେ ସୁପର ଏଜେଣ୍ଟ ହୋଇପାରିଛନ୍ତି । ଏହି ମିଶନ ସମୟରେ ତାଙ୍କ ଦେଖା ହାର୍ଡି ସାନ୍ଧୁଙ୍କ ସହ ହେଉଛି । ଉଭୟଙ୍କ ମଧ୍ୟରେ ଧୀରେ ଧୀରେ ପ୍ରେମ ସମ୍ପର୍କ ଗଢି ଉଠୁଛି । ହେଲେ ଉଭୟଙ୍କ ଭଲ ପାଇବା ମଝିରେ ରହିଛି ଦେଶ ପ୍ରତି କର୍ତ୍ତବ୍ୟ । ଫିଲ୍ମକୁ ନେଇ ସୋସିଆଲ ମିଡିଆରେ ମିଶ୍ରିତ ପ୍ରତିକ୍ରିୟା ଦେଖିବା ପାଇଁ ମିଳୁଛି ।

ପରିଣିତୀ ଚୋପ୍ରାଙ୍କର ଉକୃଷ୍ଟ ଅଭିନୟ ଦେଖିବା ପାଇଁ ମିଳୁଛି । ତାଙ୍କ ଆକ୍ସନ, ଫିଟନେସ୍ ସମସ୍ତଙ୍କୁ ଆଶ୍ଚର୍ଯ୍ୟ କରୁଛି । ସିନେମାରେ ଅନେକ ଭାବପ୍ରବଣ ଦୃଶ୍ୟ ମଧ୍ୟ ଦେଖିବା ପାଇଁ ମିଳୁଛି । ଅଭିନେତ୍ରୀ ଏହି ଫିଲ୍ମ ପାଇଁ କଠିନ ପରିଶ୍ରମ କରିଥିବା ଜଣା ପଡୁଛି । ପଞ୍ଜାବୀ ଗାୟକ ହାର୍ଡି ସାନ୍ଧୁଙ୍କର ମଧ୍ୟ ଜବରଦସ୍ତ ଅଭିନୟ ଦେଖିବା ପାଇଁ ମିଳୁଛି । ଚଳଚ୍ଚିତ୍ରର ସିନେମାଟୋଗ୍ରାଫି ଭଲ ରହିଛି । ସ୍ଥାନ, ସଙ୍ଗୀତ ମଧ୍ୟ ବେଶ୍ ଭଲ ଅଛି । ହେଲେ ଏହି ଚଳଚ୍ଚିତ୍ରର ସବୁଠାରୁ ବଡ ସମସ୍ୟା ହେଉଛି ଏହାର କାହାଣୀ ।

ନିର୍ଦ୍ଦେଶକ ରିଭୂ ଦାସଗୁପ୍ତଙ୍କୁ ଏଭଳି ଚଳଚ୍ଚିତ୍ର ନିର୍ମାଣ କରିବା ପୂର୍ବରୁ ଅଧିକ ପରିଶ୍ରମ କରିବା ଉଚିତ୍। କାଷ୍ଟିଂ, ଅଭିନୟ ସବୁକିଛି ପରଫେକ୍ଟ ହେଲେ କାହାଣୀର କୋଡ୍ ଅଦୃଶ୍ୟ ହୋଇଯାଇଛି । ଏହି ଫିଲ୍ମକୁ ୨.୩ ରେଟିଂ ମିଳିଛିି ।